chuleh Maoist galguh ho chung chang thu jong seikhomna umteidin ginchat aum'e. Achesa Lhamul 5 nichun opposition party hon thilman kal jeh in Bharat Bandh anabol un avel in "amm aadmi" din gelkhohna ananei un ahi. Lha khat val chelha ding parliament monsoon session ahi non-congress party hon kiphinna aban neicha abol diuvin gon tupsa ahitai akiti e.
Hinla Bihar Assembly elections anai toh jeh in Inpi Toukhom na a kidin tena um jing ding ahi. Congress leh RJD hon jong Nitish Kumar sorkar nehguh a boina asem tei diuvin ginchat ahi. Chuleh Karnataka a mining scam chng thua jong congress in athu hi ahin pohdoh teiding ahi. Alangkhatna, BJP hon parliament apat Rashtrapati Bhawan chan kijot a thilman kal lungkim louna vetsahna President Pratibha Patil kom'a Lhamul 29 teng 10 crore signatures pehlutna anei diu ahi. Inpi Toukhom masang in prime minister Manmohan Singh leh UPA Chairperson Sonia Gandhi ana kimuto lhon in ahi.
UPA sorkar in CBI dan dihlou tah in amangcha e : BJP
New Delhi, Lhamul 24 : UPA sorkar in CBI hi dan dih lou tah in ama phatchom nadin amangcha e tin BJP in
demna aneiyin ahi. Hinla sohrabuddin Sheikh fake encounter case chu supreme count in Gujarat police akon'a CBI henga Tolbol 2010 a chu achon anahi in ahi. Achesa 2005 kum'a Sohrabuddin leh ajinu Kausor Bi kitha na chu police in dihtah in akholchil jou poi tin Justices Tarun Chatterjee leh Aftab Alam in themmo achan lhon in ahi.
Hitobanga kingohna hi thudih ahipoi tin sorkar in BJP henga aseiyin ahi. Hitobang ngohna hi masangin jong ana umjing in ahi. Minister of State for personnel Prithviraj Chauhan in aseina a hitobang thu kholchilna aum nadin central vigilance Commission aum in hijeh chun CBI in atoh ding dolo chu atoh jing ding ahi tin aseiye. Koima chan imacha aseithei lou ding chuleh CBI in thudih ahin khol doh na dinga panpi joh ding ahin tin aseibe in ahi. Congress in aseina a BJP lamkai L.K Advani leh Nitin Gadkari in parliament session um masanga Prime Minister Manmohan Singh kouna a ahung lhon poi tin demna aneiyun ahi.
CPM IN Cong deilou, third front thu a lunggel nei
New Delhi, Lhamul 24 : CPM in ahung lhung ding West Bengal leh Kerala Assembly elections teng phatah a kitetna a pang din akigo pan tai. Hiche state teni ahi khovei phat leh elections um ding ahitai. CPM in masanga banga BJP ajop lou ding chuleh congress jong kithopi lou din akigel lha tai. Hinla third front semdoh nadingin lunggel aneiyin ahi. Hiche hi masanga Lok Sabha elections a policy ananei toh kitoh lou khat chu ahi. Party general secretary Prakash Karat in hiche thuphon hi ana nei ahi. CPM in ni 3 sung central committee meeting aneina a ahung lhung ding lha kit teng leh Vijayawada munía meeting anei ding ahi anei diu ahi. Hiche kilolna hin adeh in BJP atongkha lheh jengin ahi. Karat in aseina a Congress toh pan kila khom lou ding ahin hinla third front aum na dingin vang lunggel akineiye ati. UPA sorkar in neo-liberal policy achepi jeh a congress party kidei lou ahi. Ajeh chu amaho hin ahaosa ho leh US foreign policy ho panpina aneiye ati.
India leh Pak in Siachen akon sepai alahdoh dia Zardari in ngehna nei
Lahore, Lhamul 24 : Pakistan president Asif Ali Zardari in tupet a Siachen glacier a India leh Pakistan sepai hohi lahdoh ding ahi chuban leh gam teni kikah a border thu jong seicham loi ding ahi tin aseiye. Zardari in aseina a tupet in Siachen a sepai khat chunga India in dollar 50 asulut in chuleh Pakistan in Rs. 50 asulut in, hiche sum chu khantou na a manchah joh ding apha e tin aseiyin ahi.
Siachen gama Pakistan sanga India in sum tampi asuhlut vangin hiche boina hi kilung khat tah a seicham din
katem e tin Zardari in aseiye.
Siachen glacier hi leiset chunga gal umna mun sangpen ahi. Achesa Lhatun 1984 apat chun aphat seh leh kikaptona ana um jing in ahi. Hiche mun'a sepai lahdoh dinga ana kinopto lhon vangin 1999 a Kargil War aum jouva pat India insepai lahdoh ding anom tapoi. Lhadou 2005 chun Indian prime minister Manmohan Singh in amun agavilíin chamna aum ding adeisah nathu jong ana seiyin ahi.
1984 anti-Sikh boina a CBI in Tytler case suhmang dia ngeh
New Delhi, Lhamul 24 : Central Bureau of Investigation (CBI) chun Karkardooma Court ah congress lamkai Jagdish Tytler chu 1984 anti-Sikh riots a apanía mudoh ahipoi, hiche jeh chun ama chunga case um chu lahdoh din ngehna aneiyinahi. Additional Sessions Judge V K Khanna in CBI lekha thot asim jouvin athu hi ahung lhung ding Lhajing 21 teng avelía ngailhah kit din aphongdoh tai.
CBI in lekha ajih na a kum 66 a upa Tytler chunga mi 2, Jasbir Singh leh Surinder Singh in ajou asei lhon'in chuleh athusei lhon jong lah thei aumpoi ati. Masang jep Lhatun 2 nichun CBI in Tytler kingohna chu adihlou ahi tin ana phongdoh in ahi. Hiche jeh a chu CBI in Tytler chunga FIR kibol chu lahdoh dinga asei ahi. 1984 kumía Indira Gandhi a body guard mi 2 inana kaplih jeh in anti-Sikh riots ana um in mi 3,000 val anathi in ahi.
