tah ahi ajeh chu India in kum 60 lhinía ding phat kijen pet tah ahi ajeh chu India in kum 60 lhin'a (diamond Jubilee) aman ding to lhonna Kohinoor le peh ding chu thil khoh tah khat ahi tin aseiye.
Vaz in aseibe na a hiche songmantam hi India a kile peh hen lang hileh tua Coalition sorkar leh India kimatna jong asemhoi cheh ding ahi ati. Chuti henlang hileh tua Prime Minister David Cameron hin India mipi te lung sunga kipana lentah aum sah ding ahi. Hiche Kohinoor songmantam hi Punjab lengpa Duleep Singh gal a ajo
uva Punjab gam British ten analah jou 1849 kumía chu Britain a ana poh lut u ahi. Treaty of Lahore dung juiya
hiche Kohinoor songmantam chu Queen Victoria ana chang kha ahi.
Kabul Conference ana um chu Haqqani network hon asuboi go e : Holbrooke
London, Lhamul 24 : US Special Envoy for Afghanistan and Pakistan, Richard Holbrooke in aseina
a Al-Qaeda toh kithokhom Haqqani network hon tuchung Kabul Conference umna chu suhboi tei ding
agong uve ati. Haqqani network hohi Pakistan leh Afghanistan gam teni a pansa a ahiuve. London khopi a
thuso miho kom'a aseina ah kikhopna building chu Haqqani galguh bol hon bomb a sekhum ding angaito uve tin Holbrooke in aseiye. Hiche Conference chu Afghanistan president Hamid Karzai leh UN chief Ban ki-moon in co-chaired abol lhon ahin international palai mi 70 val kikhom ahi.
Hiche Conference achun Indian External Affairs minister S M Krishna, US Secretary of State Hillary Clinton chuleh Pakistan Foreign minister Shah Mahmood Qureshi jong apang'un ahi. Haqqani movement hi 1980s a Afghan leh Soviets ho gal ana um achu commander a anapang Jalaluddin Haqqani in a lamkai ahi. Amaho hin Afghanistan leh Pakistan gamgi tribal miho umna munía pansa ahiuvin, NATO leh US sepai ho dinga kichat umloi tah khat ahiuve. Chuban leh amaho hin Pakistan Inter-Services Intelligence (ISI) chuleh Osama bin Laden toh kisamkaina phatah anei u ahi.
Pakistan gam’a US sepia hon missile akap na a thingnoi mi 16 thi
Islamabad, Lhamul 24 : Pakistan tribal miho chenna munía US sepia hon thingnoi mi kiselna mun khat missile a akap jeh un thingnoi mi 16 athi e tin intelligence officials hon aseiye. Hiche mun hi Afghanistan toh gamgi vel lah ahn, missile 6 kikap chun south Waziristan a Nazai Narai muna Compound khat akap khum ahi. Hiche mun hi foreign galguh bol hon aphat she a avilna mun ahi tin akiseye. Athi hochu koi nam ahiu hetdoh nadin agents hon akhol un ahi.
Hitobang thisoh chung thua army spokesman ho akon in vang imacha akisei doh poi. US missiles ho hin aphat she leh galguh bol ho umna mun ho missile a akap jing ahi.
Ellha 11 nia United States akino khum jouva pat south Waziristan mun ahi Pakistan sepia hon operation abol jing ahi. North leh South Wazirstan a Al-Qaeda, Afghan Taliban chuleh amaho panpi ho suhmang na dinga hi missile kapna hi aphat she a um jing ahi.
Hiche missile kikap atamjo hochu adoina munía achu in ahi. North Waziristan akon ahi Afghanistan a um US
sepia ho chu kibulu jing ahi. Pakistan in missile nokhum na anei hi Pakistan mipi hon demna anei vangun aguh in Washington akithopi un ahi.
US Congress in Chinese military umdan Pentagon akon thulhut ngehna nei
Washington, Lhamul 24 : Kum phabep sunga China in military nasa tah a khantouna anei jeh in Senator mi 5 hon hiche chung change report chu Pentagon in ahin nei din ngehna ananei un ahi. Senators hon defense secretary Robert Gates koma lekha apeh nauva China military khantouna hi US national security adinga jong kichat un ahi tin asei uve. Hiche lekha thot chu Republician Senators John Cornyn, John Mc Cain, James Risch, Pat Roberts leh James Inhofe in soi abol un ahi. Amahon aseinauvah achesa kum 20 sungin Chinese Peopleís Liberation Army (PLA) in nasatah in khantouna aneiyin chuleh military budget jong kum she leh double-digit in akal jinge atiuve. 2000 National Defence Authorisation Act dung juiya Pentagon in Chinese
military umdan thulhut ape poi tin themmo achan un ahi. Defence department in kum she leh Chinese military thaneina hi Congress ho hetsahna anei ji ahi. Hijeh a chu agon nathei channa Pentagon in thulhut anei din Senators hon ngehna anei uve.
India a boina aum jeh foreign Ministerlevel kihouna losam ahi : Zardari
Islamabad, Lhamul 24 : Pakistan President Asif Ali Zardari in aseina a Pakistan leh India Foreign Minister
kihouna chu India gam sunga boina aum jeh alosam tai ati. Hiche thu hi Zardari in Sindh chief Minister in muna
Larkana press club a aseidoh ahi. 26/11 Mumbai kinokhum na lha 18 nunga India le Pakistan in kihouna hi Islamabad mun'a anei lhon ahin hinla imacha machalna umlouvin akichaiye tin Pakistan Foreign Minister Shah Mahmood Qureshi in demna aneiyin ahi.
Ni 3 sung kihouna um chu India in seiding leh seilou ding thu alhen chil jeh in Pakistan in demna aneiyin ahi. Ajeh chu India in galguh bol ho thu ngen bou aseiye ati. Qureshi in kihouna aum jouvin kihouna thu jouse
table a aumíe atin hinla India in lhen chilna anei kit e tin aseiye. Galguh bolho chungthu bou seiding ahileh
Pakistan dinga maban machal nading ahahsa-e tin Qureshi in aseiye. Hinla India in gam teni kikah a boina ho
seilhahna ding in galguh bol ho chung chang thu seichet masat pen ding ahi ati.
