Football ahilou leh ball lampang to kisai hi khanglui lai apat na ana kichem pan'u ahitai. Chinese, Japanese, Italian, Ancient Greek, Persian, Viking leh adang dangho in jong eiho khang masang lai apat na ball ana
kichem paníu ahitauve. Chinese hon football hi kum 3,000 masang chun ana kichem tauvin ahi. Masang Greeks leh Roman hon football kichep hi gal- hang hon gal akondoh ding teng kitoi tah nadinga ana nei jiu ahi. America gama jong 'Tlatchi' kiti golseh hi ana minche lheh in ahi. Ahinlah football agong danhi England gama hung kipan ahi. 1863 kum chun England a football kilokhom 2 (football leh rugby football) amaho kah a lunggel kito loujeh in ana kikhen uvin ahi. Hiche akon in Football Association masapen chu England gama hung kiphut doh ahi.
Ellha 1963 chun London clubs 11 leh schools hon Freemason's Tavern a representative anasol uve. Hiche akimuto khom uva kon chun Football Association ahung umdoh tan ahi. Amahon asei khom uchu ahileh ngalpeng peh (shin-kicking), ball choi a gangchal'a lhei ding hi golseh a pansah ding tihi ahin chuleh Ollha nisim 8 chan in meeting kahlah lahleh anei jing'un chuin Rugby kichem dingin anakon doh tauvin ahi. Chuchi lai chun team lhomcha ahinalai uve.
Ngalpeng peh, ball choia lhai tilou adang kichepna in ajaosah pouve. Lunggel kito lou jeh in akikhen nadiu phat ahung lhung tan ahi. Ollha 8,1863 kum chun football leh rugby achom chom in ahung kivaipohpan tauvin ahi. Akikhen jou kum 6 chan in jong amani kah a kihoumatna aumpoi chuin ball khut'a choi ahilou leh khutía themkhah mong mong hi football dan in anaphal tapon ahi. Akiphudoh jou kum 8 chun Football Association in 50 member clubs anei tauvin ahi. Vannoi leiset a football kitetna chu FA Cup kiti hiche kum ma ma achun ana um in aban a kum 17 jouin League Championship akiti kit tan ahi.
International football match chu Europe gama akithang masangin Great Britain a anaum e. Hiche kichep masapen chu 1872 kum England leh Scotland ahi. Hitobang golset kichep hi ave jong ana tam behset
naipon ahi. Ahin 1879 a Darwin kiti Lancashire club leh Old Etonians (London) in FA Cup akichep nauva kon in ahung minche in ave jong atamlheh tan ahi. Football talent neijeh a kipaman mu masapen chu Darwin
players, Scots John Love leh Fergus Suter ahilhon in ahi. Hitobang kisin (practice) nahi hetman loukah in amachal in hijeh chu 1885 kum apat in Football Association in mi goia kichep ahin phal tauvin ahi. Hiti hin kum 4 jou chet in Great Britain in Netherlands leh Denmark dunga amaho national association min in club ho
anaphut doh uvin ahi.
English Football Association ho jouin abana club aluipen loi hochu Scottish FA (1873), FA of Wales (1875) leh Irish FA (1880) ho ahiuve. Hiche laiphat chun thengtah a sei dingin first international match kichep nading a England toh kichem ding ana umpon ahi. Phallha 30, 1872 in Glasgow muna Scotland leh England kichep chun Scottish FA hi ana kiphut doh nailou ahi lha 3 jou a bou hung kiphut doh pan ahiuve. England gama
dinga Scottish team club, Queen's Park hi aluipen ahi.
British hon vannoi leiset ana losoh tobang ahijeh in England gam akon in football kichep hi ol-ol in amachel in vannoi leiset ahin lo tan ahi. Netherlands leh Denmark in 1889 kum football associations ana kiphudoh joua gam dang aban'a ho chu ahileh New Zealand (1891), Argentina (1893), Chile (1895), Switzerland, Belgium
(1895), Italy (1898), Germany, Uruguay (both in 1900), Hungary (1901) leh Finland (1907) ahi. Lhaphul 1904 kuma FIFA, Paris (French) muna akiphudoh chun gam 7 bou tichu France, Belgium, Denmark, the Netherlands, Spain (represented by the Madrid FC), Sweden lehSwitzerland in pan analah u ahi. German Football Federation in jong hiche ni mama chun amaho asatah in pang hihjong leh cabled (kihoumatna meiguitelegraph) akon in ajao nomnao ahin seiin ahi. Hiche international football community in hahsatna tamtah toh jongleh oltah in ahung khanglen in amachal jing'e.
Achesa 1912 kum chun, FÈdÈration Internationale de Football Association (FIFA) a dingin gam 21 national associations hochu lahlut in aum in ahi. 1925 kum in gam 36, 1930 World Cup um masat kum achun gam 41, 1938 a gam 51 chuleh 1950, Second World War um kum achun gam 73 alhing tauvin ahi. 2000 Ordinary FIFA Congress um jou apat in tu tuhin FIFA a 204 members akisukhom tauvin ahi.
