phondoh na ananei lhon in ahi.Ahin hiche thu news dunga ahung kiso jou nichom khat jouva amani mipi lah a achateu lhon toh ahunpot u chu ivet le akikhen lhon thu hi khuti tah in tahsan aumpon ahi. Kal masa a thulhut khat chun,amani hin akichen nalhon suhdet thei kit nading lunggel nei in a Gloucestershire, England manor inmun achun romantic summer break anei lhon e tin anasei in ahi. Conactmusic.com thulhut chun,Mendes spokesperson pa chun lung hang tah in thukisei ho chu adihlou pat thu thusim ngen ahin thu tah khat cha apangpoi ati tin asei in ahi. Amani hin kum 6 a tah chapa pasal khat Joe kiti ahing lhon in chuleh,alangkhat a Winslet in ajimasa Jim Threapleton toh kum 9 a tah chanu Mia Honey kiti ananei lhon in ahi.
Nga lah a khat in guhthim a kilungset pi nei : Research
London, Lhamul : Leiset chunga um mihem hohi nga lah a khat in guhthim in kilungset pi anei e tin study khatchun amudoh in ahi. OnePoll.com research dungjui chun mihem hohi atamjon ijiteu sang in midang
joh jonpi ding lungthim in igel uvin ahi tin express.co.uk thulhut chun asei in ahi. Thil umdanho le tulai khovel sung aphat loudan chu,pilhing(adult)mi 5 lah a khat in aji hilou midang toh guhthim in hinkho kamang ji uve tin asei uvin ahi.Research chun amudoh dungjui in Briton te hi mihem 5 million tobang hin jinei u henlang cha
neita jong uleh midang toh akingai uvin ahi tin asei in ahi.
Chuleh, hiche chungchon a aphat loudan chu,ajihilouva akilung setpi nu/pa hin akingai pi nu/pa chu ngaichat
ahetsa anahin ahi.Ajeh chu hiche nu ahilouleh hichepa chu akikoppi aloi ,anatoh khompi ahilou leh masanga
anaki ngaipi sa mi anahi ji in ahi.
Research bolho chun online a mi 3,000 thudoh anei naovah migup lah a mikhat in long-term affair anei in mi 25 lah a mikhat in michom toh kum 5 lang guhthim in kilungset na hinkho amang in chuleh mi 50 lah a khat in ajiteu sang in michom adeicha un angailu jouvin ahi tin amudoh un ahi.
Chuleh,hiche ho lah a hin pasal ho numei hosang in hatah in akhoh se uvin ahi.Pasal ho 22 percent tobang hin guhthim in kilungset na hinkho kamang uve tin asei uvin,hitia hinkho mang hi numeilang a 15 percent bou aum in ahi. Research bolho khel a thusei a pangkhat chun, 'iji toh kipah le thanom tah a hinkho imanjing lai jonghin michom deichat na leh vetnomna lungthim akinei thei in ahi' tin asei in ahi.
Chuleh, amachun 'hitia ngaichat na le bolnom na lunggel nei a tuhjou louho hin guhthim in kilungset na anei
ji uvin,ajinei hinkho u jong akisuhset ji uvin ahi' tin asei in ahi.
“Die Hard” director pan wiretapping case chunga mona nei
Los Angeles,Lhamul 14 (PTI): Hollywood director John Mc Tiernan superhit film 'Die Hard' LE 'Predator' kiti anapodoh pahi FBI agent hochunga private investigator Anthony Pellica amanchah nachunga ajou anasei jeh in kamo e tin court a anopna anaphong in ahi.
Pellicano hi hiche hollywood director pa dinga sottah pi wiretapping conspiracy mastermind anabol jeh court in anamo chan chuleh,songkul a kum 15 tangding in anape uvin ahi. Mc Tiernan chun Los Angeles court a Sempat ni chun kabolkhel le kamo e tin anasei in ahi.Chuleh amahi Hollywood figure khat dinga Pellicano wiretapping le cospiracy case toh kimat akiman alenpen khat jong ahin ahi tinHollywood Reporter online thulhut chun asei in agi.
Mc Tiernan chu federal court a chun mona ni nei in anaheh un ahi.Ajeh chu ama hin FBI agent hokom a
thudih lou anapeh chuleh federal judge pa komajong ajou anasei in ahi.
Wiretapping chunga ajou asei hi director pa dinga amasapen ahipon ahi. A first case chu ahileh 'Rollerball' kiti film kisem pet a producer Chuk Roven wiretapping anabol chu ahi.Hiche jeh hin 2006 kum chun court in anamo chan in ahi.2009 kum chun court in indictment thah khat file anabol uvin Mc Tiernan in jou asei jing jeh in anamo chan un chuleh ,songkul a lha 4 tangding in gotna anpi uvin ahi.Tuchunga vanghi avangset le kum khat lang songkul tangthei ahi.chuleh amahi Ellha nisim 4 leh gotna chu kipeding ahi tin thulhut chun asei in ahi.
Jolie in”Salt”film a dinga secret agent tahtah ho kimupi
London, Lhamul 14(IANS):Hollywood actress Angelina Jolie chu, 'Salt' kiti film atho na a akigon thei nadinga super tough female agents hotoh anaki muto chun thanop naleh lunglut na hatah in ananei lheh in chuleh, amahohi ginchat loubeh in minom tah le mipha tah ahi uve tin asei in ahi. Jolie hi tu a upcoming blockbuster film 'Salt' kiti a hi CIA officer khat a pang ahin chuleh,a role hoitah a atho doh thei na ding in secret agent tahtah ho toh atoukhom uvin lunggel seilhah na anei uve tin thesun.co.uk thulhut chun asei ahi. 'CIA a numei natong hotoh kimuto na kanei uvin amahohi akhoh a khoh le extraordinary numei ahiuvin ahin, ivet le amel u chu hitia khoh ding in ginchat aumpon ahi.Nun nemtah le phatah mi in akimu in ahi.Chuleh, amhohi keiho jouse sang in
jong ahatjo uvin ahi' tin Jolie chun asei in ahi. Jolie chun,hiche kichat naneilou agent hotoh kakimu to jou a pat hin stunt hojong keikman kibol ding lungjat na kahin neidoh in ahi tin asei in chuleh,kichat tijat kiti hi them khat kinei leh kanom in ahi.ajeh chu stunt hohi bolngam lel kaneilou jeh in khatvei vei leh kaki sukha deh deh ji in ahi.Mun khat apat munkhat choplut ahilouleh chop doh tihohi katha anomlheh in chuleh, boljong kabol nom lheh in ahi tin asei in ahi.
Marilyn Monroe in kijoh: Thulhut
Betwa Sharma New York, Lhamul(PTI):Los Angeles muna um in mun,1962 kum a Hollywood actress Marilyn Monroe sleeping-pill overdose jeh a athina mun in chu USD 3.6 million in joh in aum in ahi.Bedroom 4 le bathroom 3 umna in chu abang asa in,casement window,polishe concrete le terra cotta tile floor,original wood beam ceiling le hiche khanglai a hardware le tiles ho aum in ahi tin the Los Angeles Time thulhut chun asei in ahi.
Neile gou leh in mun ho kijoh na website a listing kipe chu Curbed LA kiti,commercial le residential real estate
news ho holle le website hin amasapen ding in phondoh na ananei in ahi. 'Helana hojousen adinga crown jewel le property lenpen,Brentwood a dinga romantic le amun hoipen,vista nomtah leh privacy le selusion muthei na chuleh,San Vicente shop& restaurant le Sunday Farmer Market toh jong kinai tah ahi in mun nomtah ahi' tin hiche thulhut chun anasei in ahi.
Legendary actress nu Monroe hi kum 36 alhin a chu overdose jeh a 1962 kum a Lhajing nisim 6 nikho a chu anathi ahi.Psychiatrist khat in amahi alupna chung a telephone receiver akhut a achoi a athi chu anamu doh in ahi. Hiche phat lai chun LA Times thusoh chun,Monroe in in-mun khat USD 75,000 in akichoh in chuleh, in-mun chu hoitah a chai theng ahi naipoi tin anasei in ahi.
Film la political a manchah dinga Aamir Khan nomlou
Mumbai, Lhamul (PTI) : Bollywood actor Aamir Khan in tuni chun tua ahung soh vahtading a film 'Peepli Live' kiti a 'Mahangai Dayan' kiti la hi political parties ho kamansah louding ahi tin asei in ahi. Chuleh,'political a manchah dinga koima hiche la hi kipe louding ahi' tin jong anasei in ahi.
'Hiche la hi 'Peepli Live' film thusim a pang la khat ahin,chuleh ipilang hijongleh political campaign a kimangcha louding ahi' tin Aamir in reporter ho koma chun anasei in ahi. Hiche 'Peepli Live' kiti film a a music Mumbai
khopi a launch anakibol ni chun opposition parties member them khat in filmmaker pa koma chun,tulai a essential commodities thil manho hatah a ahungmoh kaljeh a government chunga adouna a man na ding in hiche la rights chu kichoh ding in anasei uvin ahi.
'Hiche film hi audience ho vetdinga kisem ahin chuleh,ala jong hi hiche film thusim a pang ahi.Amani hi achom chom a che thei ahi poi.Hiche film hi India sunga um urban le rural kichom khendan ahilou leh kimuneo dan thusim ahin,alhangpi in government ho suhkhel nale bolkhelna thusim jong ahin ahi' tin Aamir chun asei ahi. 'Peepli Live' film hi louna tonghon suicide aboljiu leh khonung a media le political ho akona thil hung sohdoh jiho kitho ahi tin Aamir chun anasei be in ahi. Hiche film hi,Anusha Rizwi in direct abol ahin chuleh,Lhajing nisim 13 leh release abol diuvin jong akisei in ahi.
