dalhan agam'u akijot tauvin ahi. Agam alhun uchun kipah tah'in mipin analam touvin cup hung kipolhung chu lemna anei uvin ahi. Chujou chun players hon Lengpa (King) Juan Carlos le gamvaipo Prime Minister Rodriguez Zapatero jong akimu piuvin ahi. Hilai munía patsa chu Bus khatna tou uva lamlen Km 5 vel'a sao ajot uva mipi ho akimu sah u ahi.
Spain mipi hochu janhi nilhah khovah kon changei a chu thanom tah'a champion hinachu muntinna alop cheh u ahin chujouva chu chomcha bou kicholna phat anei uva thanom tah'a natonga kondoh kitpai u ahi. Chol
lheh a aumvang uchun FIFA cup lamto din lamlen ah ana kigol kit uvin ahi.
Marisa Dalon Hair salon (sam kitanna) neipan thuso mite heng achun player ho nidan 3:00am ahunglhun
masang sen golnop kanabol uve tin aseiye. Hiche nikhohi kahaimil lou ding nikho khat ahitai tinjong aseiye.
Chuma bangchun Security guard Francisco Delgado jongchun nidan 3 kah bouva kichol do a kipa
betseh jehchun natong din kakon doh pai kit e atin ahi. Kichep jokeu hilouva ijodan u kavetleh kaki thang-at lheh e ajehchu kichep dan atheng in ahoiyin vetnom aumin lheh in kilel henlang hijongle kaki pathou ding ahi tinjong aseiye.
Spain gam chun Newspaper ho jousen champion ahinathu bou asun un abangloiyin 'World Champions,' atuivin khenkhat in 'an ode to happiness.' Jong atiuvin chule television honjong Andres Iniesta goal khumpet
bouchu avel avelin aso jing uvin ahi.
Cesc Fabregas in phat kichai koncha minute 4 bou avatna chu Andreas Inesta pass abol le ahinkhum ahi. Iniesta hi Barcelona club a kichem ahin hiche club sunga Spain minna kichem hochu ahileh Xavi Hernandez, Gerard Pique le Carlos Puyol ahiuve. Tuchung World Cup-winning squad lah achun Barcelona player mi 8 ajao pha uvin ahi.
Newspaper phabep chun tuchung spain ten cup ahinlah nauva konna hi gamsunga panmun lahding dan vetton
theitah khat ahin boldoh u ahi tinjong asei uve. Spain hin tulai tah a hi gamsunga dinmun hoilou ato laitah ahi.
Catalonia hopsunga autonomous kipe thei ponte tijeh a boina sangtah alhun laitah ahi. Hiche thu jeh a hi police holeh milham hojong janhi a chu kinotou anahi.
