July 15 nileh External Affairs Minister SM Krishna in apanmun kibahpi Shah Mahmood Qureshi toh India-
Pakistan thua Islamabad a kihouna anei lhon ding ahitai. SM Krishna leh Shah Mahmood Qureshi hi, India leh Pakistan Prime Minister tenin Bhutan capital Thimpu a gam teni kah a kitahsantona aum theina dia kihouna nei ding tia ana thulhuh lhon chunga kihou lhon ding ahi. Foreign minister teni kihouna ding hi Qureshi in
tunia SM Krishna telephone a akihoulimpi toh kilhona temna ahin nei ahi. Ama teni hin issue chom chom chungchanga kihou lhonin ahi.

India leh Pakistan foreign minister teni kah a kihouna nukhah pen chu Pakistan agalguhbo hon Mumbai abulu nikho nidan phapeh masang November 26, 2008 nia chu ana um ahi. Thilsoh chunga lunglhailou vetsahna in India in issue chom choma Pakistan toh kihouna chu ana ngah tan ahi. Anoia bangin India leh Pakistan teni kah a kihouna ana umho abancha’n veu hite :

Nov 26, 2008: India-te external affairs minister Pranab Mukherjee leh apanmun kibahpi Pakistan- te Shah Mehmood Qureshi teni New Delhi khopia kihou lhon. Alangkhata, Composite dialogue anga veina noia
India leh Pakistan home secretary teni Islamabad a kihou lhon.
Nov 27, 2008: Mumbai terrorist ho mithana thilsoh jeh in Qureshi in India a ni thum sung akholjinna ding nikho suchom.  Feb 26, 2009: Colombo a um SAARC meeting sunga India leh Pakistan foreign secretary teni kah a kihouna um. May 31-June 5, 2009 : Gam teni boder kah a vadung umho chung changa Permanent Indus Commission 103 channa meeting um.  

June 16, 2009: Yekaterinburg, Russia a um gam vaipoho kihou khomna (BRIC and SCO summits) phat sunga Prime Minister Manmohan Singh leh Pakistan President Asif Zardari teni kihou lhon. Manmohan Singh in press miho ang ah India douna a galbolho Pakistan a umsah louna din Zardari hengah ngehna ana anei e.
J u n e 26, 2009: Trieste, Italy a um G8 meeting a Krishna leh Qureshi tenin kihouna nei lhon.
July 16, 2009: Egypt NAM summit a Manmohan Singh leh Pakistani Prime Minister Yousuf Raza Gilani teni kihou lhon. Kihouna toh kilhona joint declaration a Balochistan thu kiphahpohna chunga India a political lamkai hon lunghanna thu ana phong uve.

Sep 27, 2009: New York a kigong UN General Assembly (UNGA) phat sunga India-te Foreign Secretary
Nirupama Rao leh Pakistan- te Foreign Secretary Salman Bashir teni kimuto. Sep 27, 2009: New York UNGA a Krishna leh Qureshi teni kimuto lhon. Mumbai thilsoh a kikumho chunga gotna khao tah Pakistan in la hen tia India apanchah jeh in kihoulhahna um thei lou. Feb 25, 2010: New Delhi a foreign secretary level a India leh Pakistan kihou. Kihouna lhahna um lou, kijamatto jing ding tin diplomat tenin kihouna chai lhon. March 27-31, 2010: Permanent Indus Commission meeting 104 channa um.  March 28-31, 2010: India Border Security Force leh Pakistan Rangers kah a Biannual meeting um.

April 11-12, 2010: Nuclear Security Summit,Washington a Manmohan Singh leh Gilani kilemto
lhon, ahin kihouna vang um lou. April 29, 2010: Bhutan capital Thimphu a Manmohan Singh leh Gilani kimuto lhon, kihouna ding hin gongtoh dingin amaho cheh foreign minister ho leh foreign secretary ho hetsah lhon.
May 11, 2010: Krishna leh Qureshi teni telephone a kihou lhon. July 15 a Islamabad a kihou lhon dingin
Qureshi in Krishna tem. Chu masangin, SAARC gamho a home minister hon Islamabad a meeting aneina diuva India Home Minister P. Chidambaram July 15 nileh Pakistan che ding ahi.