Manipur thinglhang leh phaicham 'Chingtam amatani' akiti vanga 'amata' ahilouna asot lheh tan ahi. Thinglhang mite chanvou tamtah ahi ding banga kiman louna adeh in Service quota tamtah alo dinga lomhon lo louva phaicham mihon alojeh uva kiphinna ijat ham jong ana chelha tan ahi. Themjil na lama seidingin jong MU hi thinglhang mite dinga chanvou ahahsat na hi thilthah ahi tapon ahi. Chunaban ah kitha kimat jong thinglhang mite hi phaicham miho khut a lou-na tamtah ina toh taovin, achen achai in kisei hih jongleh nam ngailutna nei miho ahai koima aumpon ahi.

Chuho jouse chungvum in tuthah in phaicham'a isopi houvin alungtup u aban banin ahin tong peh taovin, Leimakhong, Kangchup Area ho athagum tah un chuna ana nei un, chubana Tukum Mi lusimna (Census) a
govt. khut le kenga neijin nasa tah in thinglhang gamho hunam in ahin laovin, Sadar Hills, Churachandpur leh Chandel District ho athem themin phaicham district ho ahin hopsah taovin ahi leh eiho jong lung oideh louvin
lhamasa lha kichai lama pat in kiphin na jatchom chom ahin bol panun, tuni Lhajing nisim10 a mipi kijot na jong CoPTAM makai nan amun amuna inei lo taovin ahi. Lungdon umtah leh hetdoh thei khat chu CoPTAM leh CDSU in Census overlaping thu a govt. koma kiphin na anei na chunga ipi dinga civil organisation hung kikum thei ja chuleh chuchan loma pan alah thei u ham? Meitei Community koma kiphin lah ahi pouvin, datmo umtah chu ahi. Ahin lah hiche hin avetsah chu hiche phaicham miho hin govt. hi khut le kenga aneiya census mangcha a thinglhang gam phaicham a alahlut gotíu chen tah a muthei ahi tai.

Phaicham miho hin thinglhang gamho jong hi Manipur ahi sah lou u ahi dem? Ahilou leh Manipur a kona hung
pampet diu ahin, chuche kah a chu gamlah loiloi ding ahi atiu ahi dem? Amaho hin lunggel thuh tah chuleh policy sangtah vang anei uvin, hiche anatoh uhi molso tei agot u ahin, ana toh uhin phaicham le thinglhang kichen tah in alheh khen uve ti mudoh thei in aumin ahi. Ahi leh tua eihon ipi ibol diu hitam? : Phaicham mihon
thinglhang le phaicham alhekhen uva hitia hi kibung khen na auma chanvou kibah louna aum jing dinga ahileh, Thinglhang mihon jong lunggel khat neingai ahi tai. Chujeh chun ipi ham igeldiu va pha chu, aching athem lamkai hon agan nathei chanía gellhuhna anei diu angai tan ahi. Keima geldol invang kum tamtah 'chingtam' ichen khom nao va chanvou leh thil ijakai a iki tideh thei tah lou uleh thinglhang miho atum'a kivai homna ìUnion Terittoryî beh mipin ngeh a centre govt. changeiya Phaicham miho lunggel hoilou jeh a Thinglhang miho atumía kivaihomna aumlou akhoh dan seipoh a hichu mipin nothei hita ding ham tin kagel'e. Mipin ipi ham ilunggel u, lamkai hon ipi ham ilunggel u? seikhom a tohkhom phat ahi tai.