Achesa Lhaphul nisim 6 nikho a Mao gate a sorkar sepai hon thal alha jeh uva simlai chapang ni hinkho analem nachunga government in Judicial Inquiry abol ding ngeh na jeh a UNC ho hin kiphin na aneiyuva, achesa Lhajing nisim 4 apat a chu National Highway teni anakhau ahi. Hiche nikho a chu, Manipur Govt. in NSCN-IM lamkai Thuingaleng Muivah apen na gam Ukhrul gamkaiya um Somdal Kho vilding aphalpeh loujehuva kiphinna ana neiyu ahi. UNC hon athum u khat kitchu ahileh, tunaiya Autonomous District Council kisemdoh hochu lahlou ding ahi ajeh chu mipi deibangtah le lamdih tah a kibol ahilou jeh in atiuve. Hiche thil 2 tilouvin jong adang thum le tup jong UNC hon aneiju ahi. UNC in aseina chun, masanga pat tuni chen geiya aitih a Manipur sorkar in Naga te ahinao leh ja um ahina hou khatcha cha hetpeh naleh jana aneipon ahi.
Hijeh a chu, Manipur sunga dinga Naga te kiloikhom na sangpen le thuneipen, the Naga Peoples' Convention (NPC) in achesa Lhamul nisim 1, 2010 nikho a chu Manipur sorkar toh kihoumat
na lampi jouse asuhbeiya Govt. of India in akikah uva kikum na leh thutan na aneiya lampi dang
agon peh diuvin deisah na ana neitan ahi.
KCP(MC)-Lallumba ho kipedoh tau
Imphal, Lhajing 7 (NNN): Misemni in Imphal mun'a 1st Manipur Rifles parade ground mun ah KCP(MC)- Lallumba faction ho kholchilna um chu akichai tan ahi. Ginchat um khatchu ahileh KCP(MC)- Lallumba (Hitendra) group hi tripartite talk tia Central government leh Manipur State government hotoh achesa Tolbol (January) nisim 8 achu ahonpi a kipeh dohna aumle sorkar in aumna diu mun apeh diuva kinoptona ananeisa ahi tin thulhut chun aseiyin ahi.
Achesa tolbol nisim 8 a kinoptona dung juiyin gansemni chun KCP (Lanlumba group), Central government leh Manipur government in KCP-MC-Lanlumba group surrender kibolna chung changa MoU soichu anakai uvin ahi. Tuni misemni in galguh bol cadre 109 leh thal 80 pum'a kholchilna akichai tolhon in amaho chengse hi Imphal West district, Khurkhul mun'a um 39th Assam Rifle E-coy camp ah aum taove tin official thulhut chun aseiyin chule kipehdohna neihon apeh lut manchah ho kholchilna umbeding chule surrendered ana kibolsa cadre ho pana in lamkai Hitendra jong amaho lah-a pangding ahitai ati.
Tripartite talk chu 1st Battalion Manipur Rifles, Imphal mun'a ana umtoh lhon'a Central government thakhel'a Director of MHA-NE-1 Dr MC Meghanadhan ahin chule Manipur state government akonin additional chief secretary, PC Lawmkunga leh IGP (Intelegence) LM Khoute, IPS in KCP(MC) Lallumba group hotoh tukum tolbol achu kihouna ana nei-u ahi ati.
Hiche kinoptona lekha ana kijih dungjuiya hi surrender kibol KCP (MC) Lallumba group lamkai hohi government in registred cadre hohi lhakhat a dangka 4,000 apeh diu ban'a Jiribam sub-division mun'a
state government in rehabilitation centre asemna mun'a umdiu ahi.
Leisemni a cadre 109 KCP (MC) group government force ho tojong ceasefire hi phallha, 2008 apatsa ana um chu 1st Battalion Manipur Rifles ground mun'a ana um ahi tin tuni official thulhut chun aseibe in ahi.
Chinese gam mi 1 kiman
Imphal, Lhanjing 7 : HQ IGAR(South) noiya um 26 Sector, 31 Assam Rifles hon Khudengthabi Mobile vehicle check post mun' a Chinese hidia ginmo lhajing 6 jingkah nidan 11 velíin ana man uvin ahi.
Thudoh aneinauva chun amapa hin Chinese kahi tinaseiyin ahi. Hiche akiman China gammi pa hi Joseph Khaw Ming Naing, s/o Mr Chochi Bo, kum 23 a upa Panwa Valley, China gam'a um ahin India gam lutna dinga lekha (document) anei loujeh a kiman ahi. Amapa hi 22 a upa Zamkhankhual r/o Aizawl, Mizoram pa toh hin Imphal apat Churachandpur mun'a Nazareth Bible College jon ding'a ahin kilhonpi ahi. Chinese pa akonin 02x Identity card, Nazareth Bible college in asempeh jong mudoh ahin chu in Moreh Police station mun'a lhajing 6 2010, nin ana peh doh uve akiti.
