Achesa lhajing 4 nikho chun Jaintia Police hon Tu-ber mun'a HNLC member khat Aiborlang Khongkani kiti pa hi AK-47, 2 toh magazine 4, achang 90 toh ana matha toh lhonna hi Independence Day kimang ding hi nasatah a suhboina umding ahi tin thulhut kimu chun aseijin ahi.
Nongtraw in misem nikho a aseina achun 'kum sotpi thal choia mipi dinga political leh socio-economic khantou machal nading' dei sahna a pang jinga um ahijeh chun koitobang hiche bandh kibol nahsah lou aumleh achunga gotna lentah kipe ding ahi ati. Chule ahunglhung ding bandh leh curfew umsunga hi Meghalaya miho panpina akingaicha in ahi tin aseibe na thulhut akimui.
National Workshop on Mother Tongue kimang
Shillong, Lhajing (NNN): Indiaso-gamkaiya(NorthEastern region) states 7 tichu Assam, Meghalaya, Arunachal Pradesh, Nagaland, Manipur, Mizoram leh Tripura chu state khat, Sikkim in ahinbel tan ahi.
'Hiche gamkai hi Far East of India,' tin jong akihei tin Prof Pramod Tandon, North Eastern Hills University (NEHU) ViceChancellor, Indiaso-gamkaiya ni 3 sung chelha "National Workshop on Mother Tongueí kitiLhajing5-7sung'a jin-gun a apanchun aseiyin ahi. Gamkai sung ahin tribes 483 tobang aum in pao le ham chom chom tho 1,000 aum in ahi. Aman aseina ah hiche gamkai a cheng hohi alhangpi in Indo-Aryan (Assamese leh Bengalis), Tibeto-Burman(Garos leh Bodos) leh Austro- Asiatic (Khasis) ahiuve ati.
Ahoms tribe hohi ahileh Assamese hotoh akigom khom tauve tin Prof Pramod Tandon chun aseiye. Prof Tandon in aseina ah kum 1,000 masang chun Austro-Asiatic hohi atampen ahiuvin hinlah tu achen nau thinglhangía amaho sang'a hatjo hon anodoh u ahi ati.
'Pao le ham aman a ahileh chondan jong amangsa ahi,' tin Prof Tandon chun aseibe in ahi. Ama in thinglhang miho kom ah achateu toh In-a akihouji teng uleh amaho paova kihou din atem in ahi. Hiche workshop chu departments of Linguistics and Anthropology, NEHU, Shillong, CIIL leh Indian Council of Social Science Research (ICSSR), Shillong in agon ahi.
