Thulhut kimu dungjui chun Kangvai bazaar muna Welcome to Bishnupur tia ana kitahdoh signboard
chu avel a tahdoh ahi kitna dingin Meira Paibi hon Manipur Chief Minister hengah memoradum ana lhut un hiche dungjuiya Lhajing nisim 5 nikho masanga tahdoh ding kiti chu akibol lou jeh'a bandh kibol ahi tin akiseiye. Bandh kibol khumtoh kilhon in gari ijat hamkhat suhset in aum in hinla Police hoa konna ima jihlutna aum naipoi tin thulhut chun aseiben ahi.
Lamka khopi a patsa Imphal jonding Pu T. Kaikhup, Special Contractor Beulahlane a cheng jeep
a lhailai chu Phouchakhai leh Kangvai kikah achun bandh bolhon songtum a ana se nauva abilkol noitah asekhah pih uvin tuhin Shija Hospital mun a vettup in aum in ahi. Boina achelhah jingtoh kilhon in Churachandpur Police holeh Bishnupur Police hon boina mun ahin dellut uvin kiphinna neiho asuthip uvin ahi. Bishnupur Police lamkai hon Meira paibi ho thuhil anei naova chun hilai munhi District Boundary mun ahin Singn Board kitah doh dingle kitah lou dihi nangho seidi ahipoi, hichichung chang thu hi Manipur Government seiding ahin keiho Securty le nangho seiding thu aum poi tin asei uvin bandh bolho anodoh soh hel uvin ahi. Tua hi sepai holeh police ho kitho a lampi asuhhong u ahi.
Alangkhat ah Churachandpur District Students' Union (CDSU) hon Pu T.Khaikhup Special
Contractor kisuhkhah nachung ah demna nasatah in anei uvin ahi.
Jilkung ho heng’a KSO-Henglep in hetsahna nei
CCPur, Lhajing. 7: Andrew M. Haokip Education/Secy Kuki students' Organisation (KSO) HenglepSub-division akon'a hetsahna kimu dung juiyin Henglep Subdivision a um District Council noiya natong Headmaster/ Headmistress, Assistant Teacher ho jouse chu ahung lhungding nisim 14 le KKL
Complex mun a General meeting um ding in thuphon aneiye. Hiche toh kilhon'a Jilkung jouse thonlou'a ahung jaocheh dinjong hetsahna anei ben ahi.
Convention on HIV/AIDS B. Vengnom a umding
Lamka, Lhajing. 7: Manipur Lagislatorsí Forum on HIV/AIDS ho tohgon nanoiya 'One Day Constituency Level Convention on HIV/AIDS', kiti chu ahung lhungding nisim 9 jinglam nidan 10:00 tengle B.Vengnom Community hall muna umding ahi. Hiche toh kilhon'a kin-gon nikho tengle hin Pu T.N Haokip Minister PHED, Pu V.Hangkhanlian MLA Thanlon, Dr. L. Ibohalbi sing MLA Oinam, Dr. Ng. Bijoy singh MLA khurai, Dr. Kh. Ratan kumar singh MLA Mayang Imphal, Pu Doukhomang Khongsai MLA Saikul hochu Jingun,Jinjaum leh Kinnei pa a pangcheh diu ahi.
COPTAM in Public Rally neiding phatsah
Lamka, Lhajing. 7: Achesa Lhamul nisim 27, 2010 nikhoa COPTAM in Manipur Chief Minister pa heng a memorandum ana lhut dung juiya tunei geiya donbut naleh donsenah aumlou jeh in ahung lhungding nisim 10 nikho tengle Manipur a Hill District jouse in Public Rally umding aphong uvin ahi. Hiche rally dingtoh kilhon in churachandpur district sunga umho hi Lamka Public ground muna nidan 10:00 tengle ki ngato cheh din COPTAM in hetsahna aneiye. Mundang district hovang amaho kiphatsah dung juiya achepi diuvin aphong uve. Hiche rally a hi amimal cheh hihen organisation chom chom a kon hijongleh thinglhang gamsung huhbit nading ban a tribal ho thaneina (rights) huhbit theina ding joh a kal ahungson cheh diuvin temna jong anei uvin ahi.
CDSU in Thuphon nei
Lamka, Lhajing. 7: Phouchakhai leh Kangvai kikah a Meira Paibi volunteer hon boina asem nauva konía Pu T. Kaikhup Special Contractor aki suhkhah nachung ah CDSU in press release abol uvin ahi. Thuphon chun aseina ah, CDSU in kiphin na anei uva kipatsa tuni geiyin koima chungah khut lhana leh sosalna aki neikhapoi.Kiphin na kineihi government chung ahin koi jat le nam thua lunggel nei akihipoi tin akiseiye.
Ahinla tua Kangvai thilsoh chunga hitobang alamlou tah a kisa migilou honkhat hocheng sehi avelha dinga lomhon akin thei penna amatdoh uva dan dungjuiya achan diulom achansah loidin phondoh najong anei yun ahi.
ZSF in thuphon nei
Lamka, Lhajing. 7: Overlapping Cenus Operation 2011 ban a Manipur a tamjo phaicham mihon thinglhang gam alan u toh kisai in Zomi Students Federation (ZSF) General Headquarter thalheng in Pu Smith S. Simte in thuphon aneiyin ahi. Thuphon dungjui chun overlapping census le district boundary toh kisai a Churachandpur District sung a CDSU leh state level a COPTAM in pan alah nachung uvin kipathu aphong un chule atosot jingdiu thupha jong aphong uvin ahi. Hiche ban a chun Manipur a dinga majority mihon hiche thilsoh hi jat le nam thua alah ban uva Churachandpur districtmipiho chunga economic blockade abol ujong demna anei uvin ahi. Tribal student lamkai ho avoh naban uva PWD in boundary signboard atahdoh uleh MARSAC leh state government in district boundary thua athahbeh a abol uhi adatmah nau aphong uvin ahi. Chukitleh State Assembly ban a Indian Parliament geiya hiche boina thuhiipiatilehtribalthalhengakilhengdoh palai hon ima gelphahnah anei lou uham tijong alungdon nau aphong uvin ahi. Hiche thilsoh toh kilhon'a Manipur thinglhang gamho venbit nadinga panlahnaneiCOPTAMleCDSU teni chunga full support pehchet din alhangsap uvin ahi.
Kangvai boina thua CM in palai sol
Lamka, Lhajing. 7: Henglep MLA T. Manga Vaiphei chun nilhah lam nidan 4:30 vei in ADC Chairman Langkhanpau Guite office mun ah CDSU lamkai ho toh houlimna anei uvin ahi. Hiche phatsung achun ADC Chairman, Vice Chairman, MDC phabep leh CDSU a patsa Secy. Pa makaina noiyin lamkai phasah pi aki khom uvin ahi.
District boundary toh kisaiya thilsoh chunga hi CDSU lamkai ho kimupi dinga CM in T. Manga ahinsol inakiseiyin ahi. Hichetoh kilhon chun Kangvai vel dunga boina hi CDSU tehon T. Manga hengah alhut uvin chukitleh boundary thutoh kilhon'a hi COPTAM panlahna ahijeh a CM level geiya kihouna aum ding ahileh COPTAM lamkai hojong kihounah a pang dingin hetsahna jong anei uvin ahi.
Kangvai muna thuboi nahi jat le nam kikah changeiya boina lhungthei ahi jeh a chingthei tah a panlah dinjong seikhomna anei uvin ahi.
Tarun 
