Vaz in lunggel hi, AIFF in I-League clubs hotoh kihouna anei jou a, relagation policy a kikhelna umlou ding chuleh team ni League adinga anempen Sporting Clube leh Shillong Lajong FC hi second division I-League adinga relegates kibol ahitai tia asei jou minutes sunga hungsoh doh chu ahi.
' Dinmun (standing) dung jui-a kiche lha ding chuleh team anempenía um teni chu relegates che ding ahi,' tin AIFF president Praful Patel in New Delhi muna meeting achun phondohna anei in ahi.
Patel hin, Mahindra United sanga AIFF under-19 team hi apan ding adeisahna hilchenna aneiyin chuleh aseina achun, anempen a pang team tenihin ahung kichep thei kit nalhon dinga kiha bolna anei lhon ding angaiye ati.
Key decisions
1. Team 14 I-League hi China muna Asian Games jou ading in apahat hi Phalha nisim 23 a vohchon ahitai.
2. Federation Cup hi Lhalam a kipan ding dan in aum in, ahinla akichepna ding mun hi tuchan in seichen ahinai poi.
3. Adang all-India tournaments seiding in IFA Shield leh Durand Cup hi Ellha leh Phallha kikah sunga umdinga kigong ahi.
4. AFC a pangthei ding team lhenna a club licensing criteria chu India muna Ellha 23 apat Phallha nisim 1 geiya kholchina kinei ding ahi.
5. I-League club jouse a workshop chu Phallha nisim 2 tengle umding ahi.
Bryans teni aban lungtup chu Grand Slam doubles record semdoh ding Washington, Lhajing 5: US ucha pengkop Bob leh Mike Bryan hin ATP record 62nd lhinna doubles title leh record a 12 Grand Slam men's doubles titles lahjouna anei jou lhon in, tuhin aban a lolhinna neibe ding tihi
alunggel lhon'a aumtai.
American ucha pengkop teni hin, ATP double title record asemdoh jou lhon in, vahchan nia Washington Classic kichep panna anei lhon chu ajou lhon tan ahi. 'Kalo lhin nalhon lenpen ahi
tia kagel doh jing lhon ding khat chu ahitai,î tin Bob Bryan, kum 32 upa pasanga minutes nia dongjo pahin aseiye.
Title 62 nadal lhon chu nalo lhing lhon tan, khununga lolhinna nanei nom nalai lhon em tiathudoh, Bob Bryan adonbutna achun, Grand Slam men's doubles title all times record chu 'Woodies' in ana lahjou 11 chu ahin, Bryans in tuchan a alah jou Slam doubles titles sang in thum in atam nalaiyin ahi. 'Hiche hin aban a horizon muna lolhinna eihin pih lhon ding chu ahisah e,' tin aseiye.
Bryans teni hin tukum Australian Open a eighth Grand Slam doubles title lahjouna chu anei lhon in
chuleh achesa kum ko langa singles carrer sanga doubles carrer lamjoh a gelkhohna nei ding tia kigel
lhahna ahin nei jou lhon in tuhin nasatah in lolhinna anei lhon in ahi.
Chelsea in Benfica midfielder Ramires sign bol tading
Hiche kihou lhahna hi kum 23 a upa pain English Premier League club a medical a lolhinna anei jou akon ahi. Ramires hi Benfica a Cruzeiro akon kum 2009 lhaphul a kichem pan ahin chuleh lhakhat jou in Brazil ading in senior cap himasat penna anei tan ahi.
Benfica team-a ama key part in akichem in, hiche hin kum nga sunga apatna ading in lhaphul achun Portuguese title lahjouna ana nei sah uvin chuleh 26 vei akichepna a goal li akhum in ahi.
Midfielder themtah pahi 15 vei captain in ana pang jou kit in, kum 2009 Confederations Cup a ngavei akichepna leh tukum South Africa muna World Cup livei akichep naho apang in ahi. Ahinla Brazil tehi quarter- finals a Netherlands te khut in ana lel taovin ahi.
Huikong tosetna thi lah-a Pakistan’s Best Woman Footballer nu jong pang
Karachi, Lhajing 5 (IANS): Kum 19 a upa nungah Karachi akon, nu jong hi Islamabad muna huikong pohkeh nalah achun athi in apang in ahi. Amahi leisem ni in Pakistan's Best Woman Footballer of the year tin amin phondoh ana hitai.
"Maradona of Pakistan women's football" tia jong kihe nuhi, Misha Dawood hi Margalla Hills muna lhamul nisim 28 a Airblue Airbus pohkehna a mi 150 hinkho abeina achun ama jong apang in ahi.
Misha hi domestic football tournament a ateammates holah a pang dinga Karachi akon Islamabad che ahi.
Pakistan Football Federation (PFF) President Faisal Saleh Hayat in aphondoh na achun National Women's Championship hi "Misha Dawood Trophy" tia ama geldohna event khat a kimang ding ahi ati. ë Tua apat hiche annual National Women's Championship hi "Misha Dawood Trophy" tia kihe ding ahitai,' tin PFF chief in aseiye.
"Misha hiche arena a akichep kit talou ding ti gelding hi ahah salheh in chuleh akichep khom piho leh women football family adinga lungkim louna chu hiding ahitai,' tin aseibe kit-e..
Misha hi kum 1990, Lhajing nisim 21, in Lahore muna ana peng in ahi. Achesa kum ni langa Colony Sports Stadium, Malir Town Karachi muna inaugural National Women's Football Club Championship a Sindh tetoh akichepnao va hattrick goal akhum jou akon midang sanga amahi hung minche pan ahi.
University of California, Berkeley a second-year simlai ahin, Misha hi footballer khat dinga hung khanglen chu ahi.
'Amanu hi tuchan a mi kahin hetlah a lunggel themtah le michingtah khat chu ahi. Epi dinmun hijongle amain mi nuisat ding dan ahe in chuleh hiche chu ahi ama loupina,' tin Mariam Laghari, Misha a club-mate nuin aseiye.
Paraguay in Australia, New Zealand friendly match a kichep piding
World Cup quarter-finalists Paraguay hin Ellha tengle soccer friendly match a Australia leh New Zealand tenihi akichep piding ahi, tin New Zealand Football (NZF) leh Football Federation Australia (FFA) in gansem ni in aseiye. South Americans, knockout stages a alut masanga South Africa muna World Cup a New Zealand tetoh 0-0 a ki draw team hin in, All White te Ellha nisim 12 a akichep pi masang uva Sydney muna Australia tetoh Ellha nisim 9 kichem dingu ahi. New Zealand match adinga kichepna ding mun hi tuchan in hatchet ahi naipoi, ahinla NZF in aseina achun, ni som sunga kichepna ding mun suhchen na kinei ding ahitai ati. Australia leh New Zealand hin World Cup Lhamul a akichaitah toh lhon a 'welcome homes' officials hohi akichepna cheh u officials a aman dingu ahi.
Players hohin hiche kichepna hi Qatar muna kumkit Tolbol Asian Cup tournament adinga kigonna a anei dingu ahi. New Zealand tehi thumvei draw in aum uvin, ama ho group a machalna nei hih jongle, South Africa muna tournament achun khatvei cha mi khut a lel lou team in apang uvin ahi.
'World Cup quarter-finalist te New Zealand muna ahung kichep dingu hi FIFA World Cup chun bang ding ahi,' tin NZF chief executive Michael Glading in aseiye.' Top 20 team khat gam sunga kichem dinga temna kinei hi masanga chun ana umkha beh pon ahivang in football ahung khan dung jui in, hiche match hi World Cup tournament sunga lungput ho aumdan theina dinga chance khat chu ahi,' tin aseibe kit e.
Saina in khel Ratna muta ding
Hiche "jana" hi president Pratibha Patel in lhajing nisim 29 tengle Rastrapati Bhawan muna function khat pehdohna anei ding ahi. Selection Committee hon awards mudinga pang minho hetpihna neina dinga Sports Ministry koma pehlutna aanei jou uvin, lhamul nisim 30, nikho in awards mudinga list jouse chu thuso a mudoh in aumtai.
Former Indian hockey captain Sandeep Singh leh woman cricket captain Jhulam Goswami teni jonghi
sportpersons mi 15 government in achesa kum khat sunga alolhinnao chunga Arjuna Award pehding a aphondohna lah achun apang lhon in ahi.
Arjuna Award muding list lah achun, Pugilist Dinesh Kumar, Swimmer Rehan Poncha, world second
youngest Grandmaster Parimarjan Negi chuleh Olympian wrestler Rajiv Tomar hojong apang in ahi.
Awards muding minho hi National Sports Award ( Rajiv Gandhi Khel Ratna, Arjuna chuleh Dhyan Chand) Selection Committee PT Usha lamaina noiya lha masa a national capital muna akihouna achu alhendoh u ahi.
Gamsung adinga coach alolhing pen ho hetpihna aneinao achun, L.Ibomcha (Boxing), Ajay Kumar Bansal (Hockey) chuleh Subhas B Agarwal (Billiards and Snookers) ho apange, tin Sports Ministry akon thulhut chun aseiye.
