Thulam leng dan'in ana um jong leh tuhin actor Sean Penn le ajinu Robin Wright kikhen nading chung chang hi suchet hetchen ahi tan ahi. Marin County, Calif mun'a Lhamul nisim 22 nikhoa court paper filed kibol dungjui chun, amani nupa hin child support, spousal support,neile gou chunga kihop nale achapa lhon Hopper Jack kum 17 a tah pa custody chunga hin private agreement kinop tona anei lhon tan ahi tin akiseiyin ahi.

Penn, kum 49a tah ajinu Wright,kum 44 a tah nu,tua achang lhon'a hinkho manga anop lhon leh midang toh kicheng thei dinga phalna neite nihin chapa Jack keo hilouvin chanu Dylan kiti kum 19 a tah jong anei lhon in ahi.

Actor teni ding hin masang chun akikhen lhon nading process hi hoitah in anache lha theipon ahi.Ajeh chu 2007 kum chun kum 11 sung ahung kichen lhon jouvin amani nupa hin divorce proceeding hi ahin pan lhon'in ahin lha 4 jouvin anasu hai lhon in ahi.

Kum chomkhat jou Lhatun(April) 2009 kum chun,athah beh-a Lhaphul(May) lha a kichen na aneikit lhon masang chun Penn in legal separation filed anabolíin ahi.Chujouvin achainan Wright in Lhajing(August) lha chun divorce filed anabol'in More magazine te kom'ah Penn toh kichen kit ding ahilouleh chen khom kit ding kiti lunggel hi imacha kanei mongmong tapoi tin anaseiyin ahi.

Tua anukhah pen'a akikhen jou lhon'a pat hin Wright hin lunggim nale lung opkai na neilouvin hinkho
nomtah in amang in chuleh amanu hin kajipa toh hin kikhen nanei jong leng hitia chu loi khat banga kaki voppi jing ding ahi tin aseiyin ahi.

Vanity Fair's thusoh Lhamul(July) issue adinga interview a chun, actor pa ajinu toh akikhen lhon chu
ana pona lheh in ahi. Aman aseina-a chun, 'Robin hi tua kei dinga ghost tobang bou ahi tan ahi.Kum sot tah hinkho kana mang khom lhon in ahin tun aman eida lha in aum tapon ahi' tin aseiyin ahi.

Eminem in athi ding gelgel jing

London, Aug 5 (IANS) : American rapper Eminem chun, itiham kathi ding dan ahilouleh kathi ding thu hi niseh in kagel gel jing in ahi. Gel louding kati jong leh ahi thei mong mongpoi tin aseiyin ahi. "Superman" singer pa, prescription drug addiction jeh-a sot tah hinkho genthei tah-a anamang pahin alup phat leh thi dingdan agel gel jing'e chuleh hiche hin hatah in kalung thim asuki cha-e tin rapper pahin aseiye tin gossip blender.com thulhut chun aseiyin ahi.

"Kathi thi ding dan thu ho kagel ji-am? Heng'e kagel ji-e aniseh in kei le kei kathi ding dan thu hi aniseh in kagel jing in ahi. Gel louding kati jong leh ahithei pon ahi. Hiche thu hi gel louva umthei ding kadei lheh in ahi. Kalung jong asulung gim lheh in ahi. Adeh in jan kalup phat le hin kaha gel in ahi. Gel louthei hileng hatah in kanom lheh-e' tin Eminem chun aseiyin ahi.

Bolls in records asemdoh beding hi katahsan e: Anu (Jinnifer)

London, Lhajing 5: Usain Bolt, leiset chuga agangpen pahin, kathu ngaiya ahile world records asemdoh kit ding ahi, tin anu in aseiye. Jennifer Bolt, Jamaican sprinter's pa anu in aseina achun, kachapa hiche sanga ganga alhei nading in kaseiyin, ahivang in phatah a akitil khouna training sunga akiha bolna hin asemdoh sah kidang tah records chu asuh lhah thei ahi ati.

Bolt hin gansem nileh Stockholm muna 2009 Berlin world championships apat apatna Jamaican compatriot Asafa Powell leh America's Tyson Gay hi akitet piding ahitai.

Bolt anu in aseina achun, kachapa hi kakhoh sah lheh in chuleh akitet piding ho ajo theina dinga ka thumopna ding angaichat tengle hoitah in kakihupi ji in ahi ati.

'Amain hoitah a training abol a, abol jom peile, gangcheh a lhei jou ding ahi,' tin amunu in aseiye. Bolt hi Berlin muna 100metres a 9.58 seconds chuleh 200metres a 19.19 seconds in ana lheidoh in, world records hi ana semdoh tan ahi. Kum 2008 Beijing Olympics a gold medals thum ana muhin amahi global sporting icon ana hisah tan ahi. Ahivang in anu in vang achapa gangtah a alhei doh jou hi kidang asa poi.

'Kidang kasa poi. Amain aboldoh jou ding hi kahe in ahi. Hijeh chun aphat akitoh leh amain in boldoh jouna anei ji in ahi,' tin amanu in aseiye. 'Nikho pha ahi-a chuleh ama adinga nikho hoi chu ahile amain in record chu asemdoh jou ding ahi, ahinla echengeia gang-a lhei jou ding ham tivang kahe poi,' tin aseibe kit e.

David Beckham in pub khat hong ding?
London, Lhajing 5(IANS): Footballer David Beckham le telly chef Gordon Ramsay hin Los Angeles mun'a pub khat honding lunggel tohgon aneilhon in ahi.

Chuleh amani hin hiche pub hi David jinu Victoria min putsah-a 'The Queen Vic' tia minvoding lunggel aneilhon'e tin dailystar.co.uk thulhut chun aseiyin ahi.

David le Gordon hi kum sot tah gol cha anahi lhon ahin chuleh amani hi aphat seh tobang in LA mun'a hin phat ong anei lhon phat leh ache jing lhon in ahi.Chuleh amanin hiche mun hi pub hon nading in pha asapen lhon in ahi.Ajeh chu hiche mun lah-a hin gamdanga pat hung kholjin atamíin ahi. Kum 35 a tah soccer star David loipa khat chun aseina ah,'Amahin Britian gamía aneh bang bang ho lhing set in akoi nom'in ahi. Pie le mash, fish le chips chuleh chicken le thil adang dang lhing set in menu ah apansah nom'in ahi' tin aseiyin ahi.

Lindsay Lohan hinkho hi kijen najeng
Kineipi tah-a aum khompi hon aseiyu le atah lang dung jui-in,Lindsay Lohan hin ahinkho kholjin nahi nightclub apat courtroom chan chuleh hiche mun'a pat songkul chan ahin man'a tua ahung pot doh nunga jong ong thol chom louva rehab a hinkho aman jeh hin alungleng vailheh in ahi tin asei uvin ahi.

'Lindsay hi songkul a pat apotdoh hi hatah in akipah lheh in ahi. Ahin amahin akijen nading chunga hin,iti daníin ijen diuvem ahilou leh ahah dem tin lung jin na aneiyin chuleh boldoh dinglel kal ngah lel tun tun'in aum'in ahi.Songkul sunga ni 90 aum jonghi hatah-a atheida lheh ahin tua rehab a aum kit dinghi agel leh sot asa lheh in ahi' tin actress nutoh kinai thulhut khat chun aseiyin ahi.

Lohan hin UCLAís Resnick Neuro-psychiatric Hospital a staff hohin ihet sao ahi jenhah isa pouvin te tia agel meithei ahi.Ajeh hiche trouble star nu kum 24 a upa nuhi hiche mun'a hi masanga chu psychological le addiction issues jeh-a jen'a anaum sa anahitan ahi.Chuleh UCLAís Resnick Neuropsychiatric Hospital hi hiche gam'a dinga vetsang tah le ja umtah addiction treatment le research operation center khat jong ahin ahi.

'Amahi aumsa ahi tia jong kibol phachom louding chuleh athah ahitia jong ki engbol chom louding ahiî tin hiche program'a natonga pangho khat chun aseiyin ahi.

Chuleh thulhut chun,'Amaho hin Lindsay hi aboina leh ahah sat najouse chunga akithopi uva apanpi dingu ahin hijeh-a chu program hi customize abol dingu ahin ahi.Hiche munía hin mijouse achom cheh in amadam louna lang cheh in ajen un ahiî tin aseibe in ahi.

Liv Tyler in airbrushing dem 
London, Lhajing 5 (PTI) : Hollywood star Liv Tyler in model le actresse ho photo dunga ahoilou na nao ahilouleh amai uva thil melse umho air-brushing abol ji uhi pha kasa poi chuleh hiche hi thil dih jong ahipoi "manipulated 'photography ahi tin aseiyin ahi. "Lord of the Rings" star nuhin,thil hitia adih loubeh- a kibol hohi a ngah phat ahitan chuleh akham phat jong ahitai ati-e tin The Telegraph thulhut chun aseiyin ahi.

'Kaki hetpi hohi phate chan alim'u kahe soh keiyin ahi.Lim hohi airbrush akibol masanga iti um'am tijong kamun kahe in ahi.Tulai hin kalim hihen kaloite lim hijong leh chuleh midang lim hijong leh abon'in akisu se gamtan ahi.Abol hohin ahoi nadinga abolíu hijong leh adih thei tapon ahi' tin kum 33 a tah actress nuhin aseiyin ahi.Chuleh aman aseibe naah 'Amaho hin ahoina ding tin imaiya pore ahilouleh freckle umhohi asumang un iban dunga mul umho jong hi aladoh uvin ahi' tin aseiye.

Tyler chun,mihem khat natural imperfection hohi ahoiyin ahi.Ajeh chu hiche hohi mihem khat identity
ahi tin aseiyin ahi.. 'Personally tah in ken imperfections le flaw hi mi mit latah kasan chuleh hoi jong kasan ahi.

Hitia lim hi akisem phat daleh apha in ahi. Ajeh chu mijose hi achom chom dan'in aki mutheiyin
ahi.Achuti lou leh mijouse hi milim kisem thubang in ajol sep supíin akilou soh keiyin ahi' Tyler chun aseiyin ahi.