London, Lhamul 27(PTI): Bollywood filmmaker Yash Chopra chu UK college ten kum 60 lang cinema a contribution aneina jeh in honorary doctorate title anape uvin ahi.Hiche veteran filmmaker pa,Bollywood a 'King of Romance' tia kihe leh evergreen hit 'Silsila', 'Kabhi kabhi' kiti ho neipa hi School of Oriental and African Studies(SOAS) ten tu Gansem ni chun Doctor of Letter anape uvin ahi.
'Hiche jana kachan hi kagel leh tah jong katah san pon,chang dinga kilom jong kakisa pon ahi.Hitia SOAS ten geldoh naleh hetpih na eihin neijeh nachung uvahjong hatah in kakipa na kaphong in ahi.Chuleh ken ka film sem jouse hi kalung gil pat'a kasem ahin,hijeh chun leiset chunga simlai chapang jouse kom'a jong hiche thu hi kape son nom'in ahi' tin kum 77 a upa filmmaker Chopra chun thulhut aneiyin ahi.

Director and Principal of SOAS,Professor Paul Webley le President SOAS, Baroness Helena Kennedy QC chun honorary doctorate,Ddoctor of Letters chu anape lhon in chuleh professor Rachel Dwyer,public orator nuchun citation chu anasim lha in ahi. Professor Dwyer chun, 'Chopra bang in emotion film langa a hin ahinaleh adol taha sem tuchan in koima aum naipon chuleh a film'a a dialogue le ala lyric hojonghi ahoiyin ngainom jong aum thei lheh in ahi.Amahi King of Romance mongmong ahi' tin aseiyin ahi.

Chuleh Chopra hi 2007 kum jong chun The Leeds Metropolitan University ten jong India cinema chunga a contribution hetpih nan honorary doctorate anape uvin ahi tin PTI BK thulhut chun aseiyin ahi.

Applegate in cancer charity launch bol ding
London,Lhamul (IANS):Cancer natna apat kidang tah-a damdoh na hin nei actress Christina Applegate chun cancer natna nei numei, phataha kijen na neijoulou ho ding in charity khat launch abolíin ahi.

Applegate hin Lhalam leh hiche charity,Right Action For Women kiti hi launch abol ding ahin chuleh amahin hiche project hin numei ipi cancer natna nei hijong leh matah-a akihet doh theiya akithopi a apanthei nadinga agel ahi tin wenn.com thulhut chun aseiyin ahi.

'Hiche charity akibol lona ajehpipen chu ahileh cancer natna chunga kichat na sang tah(risk) nei numei,MRIs a kijen joulou ho sumía kithopi na akinei nom jeh-a hiche tohgon hi kinei ahi tin Appelegate chun aseiyin ahi. Chuleh Appelegate chun, 'kenjong MRIs kon'a cancer kavei hi kahin hetdoh ahin hiche hi sum atam lut jeh in koima pouvin amoh boljou pon ahi.Chuleh vangset umtah khat chu America gam'ah insurance company hon hiche a sumlut hi apodoh jou pouvin ahi. MRIs a kivet hi hatah in aphachomíin ahi ajeh chu hiche thil hin cancer akipan til hojong beilam tah in ahedoh theiyin ahi.tua kibol kigo tohgon hi launch kibol naihih jong leh numei ijat hamkhat in aphat chompi taovin ahi' tin aseiyin ahi.

'Hiche programme in atup adang chu ahileh cancer natna nei numei hohi genetic counselling neipi a athisan ding uva ipi ineh le pha am? Chuleh hiche natna akon'a hi iti kiven dingham tiho seipeh ding tihi ahi.Hiche hi masanga apatía kana bolnom le ka pohdoh nom natoh khat ahi' tin amanu chun aseibe in ahi.