Saikul lhanga Kuki Inpi president Pu Thangkam Lupheng ahoulimna achun isopiu Naga tehin 'Black Day' hi
mangtahih un ajehchu hichi hin eikigam latsah cheh-cheh un ahi atiuve, ahin Naga te joh hin Kuki te chunga akhanset naohi ngaidam akithum johdiu ahi', ati e.
Pu Thangkam hin Kuki te that ho tohin India sorkar hi ibol'a kihou nalai ham? tin aphong doh e. Ahinlah, Pathen thutoh kitoh a aseina a chun Kuki tehin masang laija isuh khel'u aumjeh a genthei ithoh u hinte. Hijeh a chu Pathen henga ngaidam ikithumdiu ahi, atin ahi. Pu Thangkam Lupheng in aseibe na ah, "Kuki thingnoimi hohin Kuki tehon tunia hi ibolla Black Day kimanga ham tihi lungiltah a agel uva Kuki te dinmun dopsangna dinga akihabol'u angaije' tinjong aseiye.
Janhi chun Kuki te inson tin'ah Black Day ahitoh lhonin ponlap vom atahdoh un ahi. Saikul ah dukan khatcha
akihongpon, nilhum keijin thil danga kiman chahna jong mudoh theijin aumpoi. Black Day hi Imphal, Chandel district, Sadar Hills hopsung leh Churachandpur district a Kuki ho chenna lah in akimange. Imphal khopi sunga Kuki Houbung tampichun amollem saho geldoh naleh adalhah a-insung miteo lunghempi nan taona nikhon amangun ahi.
Manipur sunga PRS System 2 MP tenin thensota
Imphal, Lhalam 13: Manipur sunga PRS (Railway Passenger Service System) 2 chu MP teni Thokchom Meinya Singh (Inner) leh Pu Thangso Baite (Outer) in Bishnupur District headquarter leh Senapati District headquarter mun ah thensona anei lhontai. Hichehi North East Frontier Railway'n tunaicha Railway Passenger Service System 10 akoibe lah a pang ahi. Adangho jong India sah-solam state ho a MP hon nikho khatna aphat kitoh chetnin thensona anei taove.
Thinglhang mite dinga amasapen hinalai Railway Passenger Service System chu Senapati District ah Pu Thangso Baite MP (outer) hin Railway minister, Mamata Banerjee thalhengin janhi chun Senapati District headquarter Post Office munah Ex-minister Pu Ngamthang Haokip, Ex-minister Korungthang leh Ex-minister Francis Ngajokpa chuleh North East Frontier Railway natongho jaonan thensona aneiye.
Pu. Thangso Baite in chief guest hina a ahoulimna achun Senapati hin thinglhang district ho lah a bailam thetna railway ticket kahtheina anei masatpen ding ahi. Ticket kahna thei akihon tengleh thinglhang mihohin boitah a internet a ticket akah ahilouleh ticket kah dinga Imphal ajot uhi oltante' atin ahi. chukitle thunei vaihomhon thinglhang mite gelkhohna jal'a hitobang thilpha ahinbolna chunga hin akipana aphongin, Senapati district
keo hilouva PRS hi Ukhrul, Tamenglong, Churachandpur leh Chandel a jong kikoibe ding ahi, tin aseije.Law and order akisuhlou jeh a Manipur sunga khantouna alhahsam thu a ahoulimna in MP pan "look east policy" noiyahi khantouna lamtoh kisaiya tohgon tampi hung umding ahin, suhbulhitna aumtheina dinga mipin kithopina apeh dingin tepna aneiye. Senapati district hi Manipur a dinga district thupipen ahin Manipur sorkar jonghi Senapati district chunga kingai ahi, tin aseije.
Janhi a PRS adang MP hon thensona anei houchu - Hojai (Assam), athenso Rajen Gohain MP, Makokchung (Nagaland), athenso CM Chang, Champhai (Mizoram), athenso CL Ruala, Boka- jan (Assam), athenso Bi-
ren Singh Engti, RK pur (Tripura), athenso Khagen Das, Ambassa (Tripura), athenso Baju Ban Riyan, NEHU (Meghalaya), athenso Vincent H. Pala (minister of state for water resource GoI), Sarupathar (Assam), athenso Deep Gogoi, ahiuve.
ECI le DAVP in agon Photo Exhibition chu Governor in Hondohna nei
Imphal, Lhalam 13: Election Commission of India le DAVP kitho khomna ki-gon 'India & Election' kiti lim
kila mipi vetsahna (photo exhibition) kin chu tuni, Lhalam 13 apat Lhalam 15 chan din Manipur Governor, Pu Gurbachan Jagat Singh in Tribal research Institute, Imphal mun ah hondohna ananei in ahi.
Election Commission of India in, hiche limlah vetsah na exhibition hi kumkhat sung'a dia Dia mond Jubilee lopnau (celebration) toh kisaiya, a-tohgon khat ahi in, hiche hi state capital jouse'a jong kimang'a ahi. Manipur pan'a a India gamsung'a achesa kum 60 sung a election umho chung chang limlah pannel 34 ho chu tahlang a um ahi.
'Greater participation for a stronger democracy' tichu mipi-kivaihomna hatcheh nadia pan halah be - ti thupi'a kinei na, hiche kin achun, Pu J.P. Prakash Deputy Election Commissioner, New Delhi, CEO Manipur Pu P.C. Lawmkunga, K. Ratmani, Deputy Director, DAVP, Regional Office, Guwahati, amaho cheng jong aga lhauvin ahi. Lemna thu houlimna chu Pu P.C Lawmkunga, CEO chun ananeiyin, chuleh Governor pu in DAVP le ECI pachatna nei totho'n, Manipuría 15th Lok Sabha Election 2009 Statiscal Report thensona jong ana neiyin ahi.
Lha 2 sung’a galguh-bol 69, manchah-thal 14 matdoh a-um:
Imphal, Lhalam 13(NNN): Imphal'a dan le mol don a aumlou jingtah jeh'a galguhbol ho kimaito peh nadia hungki gong 'offensive operation' achelhah-kal, lha 2 sung hin thingnoi galguhbol 69 le manchah 14 matdoh ahitai, ti'n Imphal East district police ho akon in thulhut akimui. Hiche police ho kin-gon'a jeh hin thu le la ahung thipdom'e, tin superintendent of police, Th. Radheshyam in thusomi hokom'a anaseiye. KCP (City Meitei) hon, Lamlai, Imphal district mun'a mikhat ana kap uva pat Imphal East police honImphal East Police akong uh khigah na ahinei pan uve.
Hiche mat a-um 69 lah achun, 7 hi mikithana le mipuimang'a pan amaho tah in anala cheh uvin, amaho chu RK James (18), Somsai, Ukhrul district akon, Konsam Naocha (30), Huidrom Litan Makhong akon, Heikrujam Ranjan (29), Nungoi Mayai Leikai akon, Mayengbam Allen (19), Nungoi Mayai Leikai akon, Nigongbam
Sunil (40), Huidrom Sorok Maya akon, Khaidem Nabakumar (31), Samurou Awang Leikai akon, chule Leimakhong Chingmang akon Nepram Priyojit (18) ahiuve. Chule hiche akiman 69 holah'a khat (1) chu, manchah-thal'a kivei (arm smuggler)ahi'n, KCP akon 11, KCP(MC) - 21, KLA - 1, KLA (U) - 6, KYKL - 3, KYKL (MDF) - 3, chule gunda - 1, PREPAK akon 10, PREPAK (VC) ñ 4, chule PULF akon 4,
UKLA (MC) - 2, chukitle UNLF le UNPC akon khat ahiuve tin police akon in thulhut akimui.
Chule manchah-thal akimandoh 14 ho lah chun 9mm pistol-9, .32- 2, chule AK-47, lethod launcher le US carbine 1 cheh ahi.
Gaikhangam MPCC Luboh dia lhendoh hikit ta
Imphal, Lhalam 13(NNN): Manipur Pradesh Congress Committee president, Pu Gaikhangam chu Manipur unit a-din Congress party luboh hina chu tuni apat ajom kitding ahitai.
MPCC president kilhen'a (election) chu, Lhalam 17 nikho dia kisei ahi in, hinlah hiche dinmun tet dia nomination lekha seplut Gaikhangam, ama bou ahitah jeh chun, hiche nikho chuleh (Lhalam 17) kilhenna chu
aminía chelha maimai ding ahitai. Achesa Sempatni (Mon) chu nomination lekha pelut nading achaini anahi in ahi.Tumasang chun, Hiyanglam assembly constituency MLA, Pu E. Dwijamani chun ahin tet dia ginchtd um'a anahi in, ahin Congress Party sung'a boina neocha cha aumjeh in Pu Gaikhangam bou chun nomination lekha ahin pelut tan ahi.Hiche hi Nungba assembly constituency, Tamenglong akon MLA, Gaikhangam dia Congress luboh ahungkai dohna hi a 3 vei channa ahitai.
MPCC vice president dingin E. Dwihamani tundoh ahin chule MLA Ratankumar chu party treasurer ahitai.
