Chief Minister pahin thinglhang leh phaicham mitehin kingailutah a ikipunkhom diuhi angaije atin, thinglhang leh
phaicham mihi ipankhom lou uleh khonunga kinepna thei ima inei pouvin, thinglhang leh phaicham mi ikihet them phat'u ahitai, tin aseije. Autonomous District Council (ADC) chung changa hin O. Ibobi Singh hin thaneina leh achan diuva lom hochu ADC hohi kipeding ahi atin, 'thaneina kipe dinghi India sahsolam'a ADC adangho a sanga nemjo louding ahi,î ati e. Chuleh thaneina pehna dinga hin state chief secretary lamkaina in committee akisem in hoitah a ahinvet toh diu ahi tin aseije.
Census operation overlapping thu a hin Chief Minister pahin chief secretary chairman hinan, Principal Secretary (Hills), Commissioner of Revenue le Home department hohin athuhi hoitah a vetchilna aneijun a report hi muthei hivah tante, atin ahi. Chief Minister pa in state sunga khantouna lampang aphapoh in ahi. Jawaharlal Nehru National Urban Renewable Mission (JnNURM) hi state sungah implement akiboltan, Imphal khopi a thilnen umsah louding akiti jehin thilnenho kholtupna ding toh-gonhi Langmeidong munnah akisemme atin ahi. Municipal town 6 - Thoubal, Kakching, Moirang, Bishnupur, Jiribam leh Mayang Imphal hoa twi pehding thuhi JnNURM noija implement boldingin phatsah ahitai.
Nambul vadung leh Naga vadung jonghi hichi scheme noiyahi semhoi ding ahi. Low floor city bus 25 hi Imphal
khopi sunga manchah dinga kikoi vahding ahitai, tin aseije. Agriculture leh allied sector hoa manding sumhi 2010-11 kuma dingin dangka 44.52 crore a pat dangka 93.19 crore chan in akikhansah e.
Loubolmi hohin Khuga leh Dolaithabi project a kon nahi nasatah a aphatchom pidiu ahi tin Ibobi in aseije. State sunga kichepna langa thanomho dingin sports complex tampihi munchom chom'a kisading ahi. Khuman Lampak a Olympic Bhavan, Thoubal a sports complex, Chandel, Senapati, Jiribam, Luwangsangbam a cricket stadium chuleh Takmu water sports complex hohi state sorkar'n kichep golseh dopsangna dinga natoh achelhahpi themkhat ahi, ati e.
Tunaicha New Delhi munna National Development Council ho 55th kikhopna a chun chief minister pahin central saplenho kom ah state sunga national highway ho semphatna dinga sum atampeh nadiuvin temna aneije. Central a saplenho kom'a jonghin Jiribam-Tupul railway line hi 2014 kum ngeija achai uva 2016 kum-
leh Moreh chan geija alhunsah diuvin ngehna aneije. Imphal Tulihar Airport a night landing facilities jonghi umvahding ahitai tin chief minister pahin aseije.
Central sorkar hin 'Look East Policy' aneijeh hin Ministry of Home Affairs hin sum ato-a Moreh a integrated check post kisading ahi, ati e. Aphatseh a kiloikhomna chom chom hon bandh leh blockade akoujeh uhin state economy atongkhai tin adeilouna aseije. Mipi hohin chamna leh khantouna lang amadel'a khonung leh Manipur hi sangtah a adopsang diuvin tepna aneije.
Maj L Jyotin Singh athi nunga Ashok Chakra kisansah
Imphal, Lhajing 16: Lhajing nisim 16 nichun 57 Mtn Div hon Leimakhong ah (late) Maj L Jyotin Singh
jana vetsahna a Ashok Chakra of Army Medical Corps pehna dingin kikhop khomna agongun ahi. Nambol a cheng Maj L Jyotin Singh hin Kabul a Bulte nisim 26, 2010 nikho a galguh bolhon ahinbulu phat uva atohkhompi doctor holeh medical team ho hinkho huhna dingin ama hinkho anapedoh in ahi.
Amahi peacetime gallantry award lah a asangpen 'Ashok Chakra' hi athi nunga 2010 kum India in chamlhatna amunikho a hi kipe ahi. Maj Gen DS Hooda, VSM General Officer Commandant, 57 Mtn Div pachun Maj L Jyotin Singh nulepa chu Ashok Chakra achapa min in asansah e. Hichi kin ahin numeiho, civil jingun holeh saplenho anapang uve. Jyotin hi Manipur Public School a anakai ahin, MBBS hi RIMS, Manipur a 1996 kum a achaija junior residency hi Safdarjung Hospital , New Delhi a achai ahi. Post graduate diploma in sports Medicine jonghi Netaji Subhash National Institute Patiala a achai ahi. Khangdong doctor boltheina neitah Jyotin hin Army Medical Corps 2003 kuma Short Service Officer a anapang ahi.
Army Medical Corps a anatoh sunghin project Vartak kiti achun munsanglah in na anatonge. Bulte 2006 a pat Lhamul 2009 chan a chu 57 Mtn Div tohin anakivop ahi. Bulte 2010 a chu Jyotin hi Indian Medical Mission Kabul a dinga lhendoh anahi e. Amaleh aloi hohin Afghanistan'a chapangho dinga multispecialty hospital chu avetkol u ahi. Ahin, suicide bombers mini toh galguhbol adang mi 5 hohin Indian medical and cultural team ho guest house chu Bulte nisim 26, 2010 nikho a abullu naovah India mi 9 jaonan mi 16 jenhin ahinkho anachan lo un ahi.
Abullu pet tah uchun suicide bomber khat Jyotin leh aloiho umna guest house a chun ahunglut tan, Jyotin jongchun ama thiding khoh salouvin galguhbol mipachu akhut keovin abonlhun chat thei louvin alhatai. Ahinlah, galguhbol pachun a bomb pohchu apokehsah man in ahi. Jyotin kiphaldoh jeh hin specialist medical officer mi
2, para medicals mi 4 chuleh Afghan mi 2 hinkho huhdoh in aumtai. Thangthipna beihella thinathei munna
lung ngamtah a na atohjeh a hi peacetime gallantry award sangpen 'Ashok Chakra' hi Lhajing nisim 15 nia hi Jyotin kipe ahi.
