Thulhut khat chun asei dung jui-in,Lindsay Lohan hin Century Regional Detention Facility mun ah chun aumkhom pi ho nehneh ane-e tin asei in ahin amahi asunga um adang ho kijen bang in akijen'e tin vang aseipon ahi.

'Amahi songkul a hunglut adangho kijen bang in akijen poi,amahi achomíin aphat bol uvin ahi.Itiham khat'a vonthah ahilouleh thil dang ipiham khat ahin choi peh nom uleh facility jouse hi abon in akhah ji uvin ahi.Chuleh hiche hi aphat seh tobang in asoh in ahi' tin Maria Mendina kiti,songkul sunga Lohan toh umkhom nu sopi nu chun PEOPLE thusoh kom'a chun aseiyin ahi.

Medina,kum 40 a tah nu chun,Lynwood,California songkulía umhohin koiham khat akimuto pi dinga uvajong aphalpeh louvu ahetkhat uleh akivop pi mijong hilou khat in hitia aphat seh leh achung uva boina apeh jing kei uhi alung oi pouvin chuleh langnei sihnei na alutíe tin asei uve tin aseiyin ahi.

Chuleh kitleh amanu hin 'songkul sunga umjose hin Lindsay hi atheida uvin achim gam taove.Tua ama hung um panpan nalaiya ahiti pehleh iti kithoh jouding ham tin asei uvin ahi.Ama hi itiham khat'a achaloh meimei jong leh cell jouse hi akhah ji uvin ahi.Gahsei ding in janhi jong chun Lindsay Mini-clinic a acheding chun songkul sunga um cell jouse chu ahung kile tokah in akhah uvin asunga um ho asu gen thei lheh uvin ahiî tin aseiyin ahi.

Ahin alangkhat'a Los Angeles Sheriff spokesman Steve Withmore chun Medina thusei hohi khat cha adih aumpoi jouthu bou ahi tin amochan in ahi.Chuleh amapa chun, 'nidang bang in akiche lha jing ahi.Koima akiphat bol chompoi chuleh Lindsay in achom beh in phat bol na jong amupoi' tin PEOPLE thusoh kom'a chun aseiyin chujongleh 'cell jouse akhah uve kiti hi nuijat umtah thil ahi' tin jong aseiyin ahi.

'Tu kal(week) masalang sang in Lindsay hi hatah in atahsa lang hihen lang lungthim lang hijong leh aphat chom pi lheh in ahi.Chuleh amahin hahsat najong aneipon nomtah in aum in ahi' tin Lohan Lawyer pa Shawn Chapman Holley chun PEOPLE thusoh kom'a chun aseiyin ahi. Chuleh lawyer pa Holley chun reporter hokom'ah, 'Lohan inko te hi tu kal sunga avil thei nadingu phalna kipelou ahi.Ajeh chu asuh boidingu akidei poi tinî tin aseiyin ahi.Chujong leh lawyer pa hin kal masalang jong chun PEOPLE thusoh kom'a chun,Lohan hin TV crew le Photographer hoa kon'a ondoh thei nading in a inkote toh kal seh-a akimu toding hi adeipoi tin aseiyin ahi.

Akicheng thah Orlanda Bloom leh Miranda Kerr in wedding gold ho show bol lhon 
Akichen jou lhon in Orlando Bloom leh Miranda Kerr in Caribbean twipi chunga honeymoon amang lhon in chujouvin sana a akijep nalhon chu miho vetsahna jong ananei lhon in ahi. 'Lord of the Rings' chuleh 'Pirates of the Caribbean' British actor kum 33 a upa chuleh model Miranda Kerr (27) chu Miami International Airport mun ahung lhung lhon in chujouvin janhi chun Los Angeles International ni 4 sung cham din ana chelhon in ahi. Amani nupa in nomtah a honeymoon aman na lhonna Kerr nu Therese Kerr in PEOPLE magazine a ahoilhon lheh jengin chuleh akivon na lhon jong akilompi lhon e. Orlando chu Kerr insung miten kipah tah in kalem cheh uve ati.

Presley thil le lo ho joh a umta ding
London,Lhamul 27 (IANS):Surgical manchah,pop icon Elvis Presley athi najeh holna leh vetchil na-a kimang ho johdoh dinga tohgon aum joutoh kilhon in tun hiche pop icon pa personal item ho a grand piano kang pan nan auction a johdoh ding in abon in pohdoh in aum tan ahi.

Pop icon Elvis thil le lo hohi lhakit leh anachen na mun Memphis,Tennessee mun'a joh-a umding ahin chuleh adang athil johdoh dingho lah-a hin Triumph TR-6 Convertible car, gold-frame sunglasses, address book, target pistol chuleh a gaint opal le diamond ring jong apang'e tin contactmusic.com thulhut chun aseiyin ahi. Pop icon Elvis Presley hi 1977 kum'a chu anathi ahi.

Enrique Iglesias in World Cup’a akitep na boldoh tei go
Lasa minthang Enrique Iglesias hi mithu dih aseisei bol mihileh aki lomíin ahi. Masanga hiche sexy singer pan Spain ten football World Cup alah poupou-u leh ka keova water ski kabol ding ahi tia anasei chun mipi atamjo chun athusei banga atahtah a abolding anatah sanpouvin ahi.Ahin tuhin athu umdan hi akivet leh atahtah abol kigot hileh akilom'in ahi tin thulhut khat chun aseiyin ahi.

'Hiche kabol masanga hi ka Brazilian wax kaga kilah ngaiyin te' tin 'So You Think You Can Dance' kiti show 150th episode taping kibol patchun PEOPLE thusoh kom ah chun ana seiyin ahi.Chuleh ìatah beh in kisei leh anikho dingbou chu ka nga ahitai.kitep nakhat neihi bolía suh bulhit teitei angai ahiî tin jong aseiyin ahi. Singer pa chun aseibe naah, 'hiche tobang thil hi high school kakai laiyin in jong kanabol ji-in,hijeh chun ipi thupi in jong kagel pon chuleh akhoh na umbeh sehding in jong kagel pon ahi' tin aseiyin ahi.

Akah lah-a thulam lengkhat,police hon hiche tobang tohgon hi Iglesias ahithei chan'a bolsah louding in panlah na hatah in anei uve tia akisei jeh in amahin hiche thil hi Biscayne Bay mun'a chu janleh bol ding in lungtup aneiye tin aki seiyin ahi. 'High school kakai lai chun hiche ho boljeh in police hon ina man ngaipou vin ahi' tin singer pa chun aseiyin chuleh lungdong tah in 'keova water ski boljeh-a police hon mi amat thei am?' tin jong aseiyin ahi.

Chuleh singer pa chun, 'tulaiyin Miami tui hi asa in chuleh kakichat pen chu shark aum in ahi. Itiham khat in kikhe leh ipi kibol ding ham' tin aseibe in ahi.