Hiche hi phung ngailut kichat aum natah ahi. Phung ngailutna a hin koi ichom iumpouve. Iki ehbah sohkei uve. Lamkai len a ineihou akhohcheh uve. Phung le chang ingailut u hi min kisut dan’a jong kilangdoh am? Amamin kilang talouva aphung min kisutte hi iphung ngailu ahi theiyuve. Phung ingailut dan’u hi houbung min’a jong akilang theiye. Phung ingailut jeh un Labu, Bible jong kibao nan ineiyuve. Phung ngailutna jeh in phung min’in kiloikhomna chom chom tamtah ineidoh uve. Tekah in Chongthu Tribes hon aneiyun, Khhongsai hon aneiyun, Chonghang hon aneiyun, Kipgen hon atum aneiyun, Haokip hon aneiyun, Thadou kisah loiyin aneiyun, Singsit hon aneiyun, Sitlhou-Lhouvum hon atum aneiyun, adang dang jong aum’e. Hichepi hi hung pilhing cheh leu nam chom, jat chomíin umding nom cheh leu akilom’e.
I phung ngailutnau to kimat ham? Ole mi hoithem ihilou jeh uham? Ole mi beltheiya iumlou jeh u ham hin Monsang, Chothe, Lamkang, Maring, Aimol le adang ho anajam mang gam tauve. Tuhin Hmar, Paite, Simte ho hi Kuki kahi jong atinom tapouvinte. Ajeh chu belthei ihilouvu hinte, mihoithem ihilou jeh u hinte. Tuhin Kom le, Gangte ho, Vaiphei ho hi achom umnom kit tauve. Hiche ho jong hi phung ngailut’a kon ahina chan um’inte. Hiche ho hi ivet le phung le chang ingailut jing ule apampet ding umbe thei nalaiyinte. Phung ngailut hi nam suhnemna ahi. Nam hina mansah ding inop lou le phung ngailut hi pai/dalhah ngaiyinte.
banjom nalai ding............
