In the Midst of Thuderbolt, Hailstorm, and Heavy Rainfall
:.. Pakai Nei thahsem kit tauvin
:.. Huile guo kitho keu hilouvin, giel alhan, kieh akisep e.
:.. Mipi ja 5 (500) val in koubru mol jon
:.. Pasal 258 le Numei 242 regsitered kibol ahivang in mi 700 aval e.
:.. Nisim 28 nilhah in Nam gollhang ho’n mipi ankong sempeh
:.. Pu Dr. Khaikhohen Kipgen, London in Pathen thua houlimna nei.
“Pakai Neithah semkit taovin Lam. 5: 21 Thupi a mangchan Kuki Nampi Taona a 41 (Somli le khat) na chu G. Songlung a koni’n Koubru molbum a Anngol taona chu Huile go, keh leh gel gimnei tah toh manchai ana hitai. Nisim 26 March 2010 chu lhunkim ana hin, Nilhah in kaikhomna aumin, Rev. N. Lhungdim Advisor KNT in Pathen thua mipi tilkhou na anei jin ahi.
Ajing jingkah nidan 9 vel in kivai lhah na Evan. Seithang Doungel in taona anei jin, mipi ja 5 (500) val in Koubru mol ajon taove. Akal pat got uleh go hattah in ahungjun, ama jep hon athoh kangkei un, anunung jep hon alhauvin, hiti chun abanban in nungah gollhang nupi upa mi aja asim chun Kuki Nampi dinga anngol pum a taona mangding in Koubru molvum a taona mangding in molvum chu ajon tauvin ahi. Sunkim vella pat in nidan 2 sung in molchung akaldoh tauvin, molchunga taona ding hall akisah un taona apan ngal un ahi. AHin lah Nampi’n Pathen akou chu Satan jong nomlou khat tou jong hiding ham “Huile Guo akithon, chukeo hilou vin keh akhen, Giel jong alha kit nalai jin ahi. Chupet tah chun mipi chu a hall chunga jong go aban tah loujeh chun koima atouthei jong um talou vin, Pathen henga taona anei un vanlam sangpum in Nampi adding leh apettah a thilsoh gimnei jeh chun atao tauve. Jankho vah in taona anei jun, ajing khovah thinthen in mipi dap chu thohjou talouvin, Innlum ngaijin G.Songlung lam ahin del cheh tauve. KNT a dinga registration bol’a chu pasal 242 le Numei 258 ahi in, hinlah Koubru a kal mong mong chu mi 700 aval in ahi.
Nisim 28 ni nilhah in Nam gollhang ho akon in mipi ankong sokhom na aumin, nilhah in Pu Dr, Khaikhohen Kipgen, London in Pathen thua mipi tilkhou na anei jin ahi. Hiche nilhah hin K.Moljol a kon Ng. Lalam in mol chunga apenthah na testimony jong aphongdoh in ahi.
Courtesy: Jingvalpa (Monthly Bi-Lingual Magazine)
