Hichu mobile phone towers operators hon stay order angeh u chu Supreme Court in anasan peh lou ahi.
Justices RM Lodha leh AK Patnaik bench chun Municipal Corporation of Delhi henga FDK deposit kibol ho chu alah doh thei lou dingin thupeh aneiyinahi. Ajeh chu athu hi Delhi High Court a akisei nalaiye ati. Cellular Operator hon interim stay order angeh u chu apex court in hiche chung thu a kikum ding chu thilpha hiponte ajeh chu athu hi Delhi High Court a um nalai ahi tin aseiye.
Sema hon Th. Muiva lamto u
Dimapur, Lhadou 22: Sempatni chun Nagaland, Zunheboto district a Pughoboto tolpi a chun Sumi Naga hon NSCN-IM general secretary Th. Muivah chu kipahtah in analemmun ahi. Pulampalam avetsah jouvun nidan 5 leh akeh jen akihou limmun ahi. Muivah hin Naga te ngailutna a Sema te panlah naho aphapoh in, tu a jonghi Sema te tahsanna leh ginchatna neipumma kahung ahi ati e.
Muivah hin tulaitah a hi Naga tehin lungel lhuhna dihtah ineiju angaitai. Nagalim hi Pathen nin Naga te
apeh gamchu ahin hijeh a chu Pathen nin thil eipehna chunga hi aphapen dingchu lungel lhuhna inei khumdiu angaije. Thil hung kikhel ding hohi nakimaito pingam nadiuvem tin mipichu achouvin ahi. Ikiginlou kah uva Nagate chunga thil phalou hunglhung thei hohi seikhompi dinga kahung kalson ahi, tin aseijyin ahi.
