ding ahi. Pakistan apat jing lam nidan 9:25 am teng India hunglut ding ahi. Hiche Baton hi Pakistan Olympics Association president Syed Arif Hassan in Indian Olumpics Association lamkai Suresh Kalmadi khut a Attari-Wagah border a kikhut lhehna anei lhon ding ahi.
Border ahin kho khel teng leh India State 28 leh 7 Union Territories a che ding hichu agom a 20,000 km ahin achaina leh New Delhi a Lhalam 30 teng hung lhung ding ahi. New Delhi hin ahung lhung ding Ellha 3-14 changei Commonwealth Games chelha ding ahi.
1982 kuma Asian Games aum jouva pat Common wealth Games hi alen pen hidin akiseiye. Queen Baton hi kichep kipat masanga leiset pum pia hung kitol ahin, Queen Elizabeth-ll akon thu apoh le ahi. 2010 Games a Baton hi achesa Ellha 2009 a chu President Pratibha Devisingh Patil umna a Queen Elizabeth-II in Buckingham Palace, London muna hondohna ana nei ahi.
