jonghi kisim nalai maithei ahi. Nilhah lang 8:00 c.n. donna sorkar mi thuneiho seidannin INC hi 32 akaidoh in ahatpen ahi chuleh Independent hi 18 akaidoh in ani channa ahi. NCP leh Trinamool Congress hi khatgel bou akaidoh hon nalaije tin thuphon ahin nei uvin ahi.
Autonomous District Council 6 lah a hin Sadar DCC, Chandel DCC, Senapati DCC leh Ukhrul akichaitan
ahinlah Churachandpur leh Tamenglong DCC akichai hihlaije. Gah hetding khatchu, Sadar Hills DCC a 24 lah a hin seat 12 hi masangchun uncontest inakaitai tin anakiphong dohtan, adang 12 hi janhi chun akiphongdoh in Independent 8 leh INC 4 akaije.
Hibangchun, Senapati DCC a 12 hi masangchun uncontest in akaitai tin anakiphongin adang DCC 6
chu aloding umlouvin a ongin aumme. Adang seat 6 holah a DCC 2 hi nil ahi tin janhi chun akiphongdoh in seat 4 akilhenglah a hin INC in 2 amun Independent nin 2 amu e.
Ukhrul district a DCC 24 lah a hin seat 20 hi masangchun uncontest in akaitai tin anakiphong dohtan, DCC 2 hi aloding umlouvin a ongin aummin adang seat 2 hi INC leh NCP khat gellin akihom hone. Chandel DCC a 12 lah a hin INC hin 8 amun, Independent nin 3 amu e. Tamenglong district a din DCC 20 lah a hin DCC 14 bouhi vote akisim chaijin, seat 4 chu masangchun uncontest in akaitai tin anakiphong tai. Janhi a seat 14 kiphongho lah achun INC in 14 amun chuleh Independent nin 3 amu e. Churachandpur district a hin INC in 7 amun, Trinamool Congress leh Independent hin khatgel amuhonne. Vote simna chu 1/Khousabung ADC in akipannin Trinamool Congress a Thangkhomang akaidohtai. Amahin vote 2334 amun, akitetpipa
P Soiliankhum Vaiphei hin vote 2128 amun ahi.Tuchan geija result kiphonglah a hin Indian National Congress in atam mupenne. 2/Leimatak ADC result kiphon chun INC candidate Demmang Haokip akaijin vote 2480 amun, Akitet pipa P Paukham chun vote 2062 amu e.
3/Henglep constituencies a jongchun INC candidate Paolal akaidohtai. NCP candidate Thenkhohau chun vote 1397 amun ani channa in apange. INC ho lolhinna hi tanglou hellin achejompeh in 4/Chongkhojou ADC achun INC candidate Genneikhup chun vote 3395 amun akaidohtai. 5/Thanlon achun INC candidate H. Jamkhanpau Simte chun vote 3859 amun akaijin, akitet pipa NCP candidate L Haupu chun vote 2317 amun ahi. 6/ Parbung ADC a chun INC candidate Lalhmangpui in vote 1644 amun akaidohtai. 7/Vangai ADC a chun INC candidate Lalhossan akaijin vote 2576 amu e. 8/Lanva constituency a chun inc candidate Sumlianthang akaijin ahi.13/Kholmun DCC adingin Pu. Khaipao IND in 4418/71140 amun akai tai, 14/Tuibong DCC in Pu. Ngamhao Touthang INC in 4970/9603 amun akai tai, 15/Hiangtam Lamka ah Pu. Kamsuanlun INC in 5549/ 8952 amun akaitai, 19/Saikot ah Pu. Hrila CPI in 5206/7392 amun akaitai, 20/Sagang ah T. Tongminthang Lhungdim IND in 3096/5857 amun akaitai, 21/Sangaikot munah
Pu. Tongkhokai Baite IND in 5605/9164 amun akaitai.
Congress hilou MDC kaidoh nukhah penchu Senvon ADC a Independent candidate Lalditsang ahi.
DC/CCpur hin vote kisim akichai tokah a dingin town sunglah vellah 144 CrPc alha in ahi. INC candidate miko hi akipat tilchun uncontest in akaidoh taove tin ana kiphonge. Amahochu 16/ New Lamka West DDC ah H. Mangchinkhup (INC),17/ Newlamka East DCC a h M . G o u z a m a n g Guite(INC),18/Zenhang
lamka DCC mun ah V. Khaikhanmung (INC)22/ Haopi Range DCC mun a Pauminlian (INC) 9/Ngazam
DCC mun a M.Ginzapau (INC) 10/Tuvai DCC mun a V.Langkhanpau Guite (INC) 11/Lungthul DCC mun ah G.Suanchinpau (INC) 23/ Muallum DCC mun ah Zamneiching (INC) 24/ Singngat DCC mun ah
P.Sianzading (INC) Candidate ho ahi.
“Hinkho leh Phat Kikhel” kiti Lekhabu kitatdoh vah tading
Imphal, Lhadou 22: Muntin gamtin, ahideh a Manipur, Assam, Nagaland, Tripura, Chin Hills, Bangladesh tia min eihopkhennau, pugam pagam sunga Kuki chate, ngaikhoh najalla Pu T. Lunkim in ajih ìHinkho leh
Phat Kikhelî kiti lekhabu neocha ajih chu kitatdoh vahding ahitai. Hiche lekhabu kijih lona chu (1) Pathen Thu theng kijihna Lekhabu (Bible) ahinadol banga hetía jui ding leh (2) Kuki nam kivaipohna het them a, manchah ding phajo dinga tahsan jal’a kijih khohten ahi danin Pu. T. Lunkim chun aseiyin ahi.
Aman asei na ah, “Pathen thusei kijihna lekhabu (Bible) hi agomcha hetdohna thei chabi (key) aumin, chule leiset mihem nam khatía kivaipothei jousen kivaipohna (Constitution) anei cheh-e. Chule hiche kivaipohna (Constitution) ho jalía nam jouse cham le lung monga khosa ahiuve. Nam jouse kisemdoh kivaipoh Danpi akibangpoi. Ajeh chu anam cheh chun ahindol toh kitoh a kivaipohna akisem cheh ahi” ati.
Kukite kivaipohna (Constitution) hi pului paluiten inam umdolíuva anasemdoh-u, lungchin a achepiu ahin,
akisemdoh-uva, amanchah sau, ahatpiu le aminthanpi sau ahitai. Tukhanga atu achateu’vin, pu le pate kivaipohna sangin namdang kivaipohna joh isimíun, ihetauve. Simdoh a het ahi vangin khosunga pat nampi geiya kivaipohnan akimang hih laiye. Tukhang Kukiten namdang kivaipohna hetphah phah kijui ahin, Kukite kivaipohna mang louva nam dang kivaipohna imaníu hi kum 60 sunga hung kilangdoh gim hesoh kithoh atamjo hi akivaipohnau to kitoh lou ihinau ahin, koima ngoh angaipoi tinjong alekhabu jih chungchang thun houlimna aneiye.
Ipi chu hita leh Pathen Thutheng Bible le Kukite nam kivaipoh Dan simpatna dinga hiche lekhabu ‘Hinkho le Phat Kikhel’ tia kiminvo hi kijih a tadoh ding kigo ahi. Mipin simcheh dingin ngah-u hite. Phengmai 120 val beh ahin, nidan kal khat sunga sim chai thei ahi. Namdang Kivaipoh jah (man) jeh a hahsa genthei ihiu leh, Pu le pate manchahsa, athahatnau leh aminthanpisau, Kuki nam kivaipohna sim’u hitin ahina bangin jang (mang) u hiteí tinjong aseiyin ahi.
NH-53 a truck kitang mi 2 thi, 21 kitongkha
Imphal, Lhadou 22: Janhi chun highway sempha dinga che natongho touna truckchun toset atoh in mi 2 athin mi 21 akitongkhan ahi. Truck 2 hin state PWD department in achelhahpi NH-53 semphadinga atong mi 45 Jiribam langa apoh ahi. Natongho atamjohi Thoubal district a kon ahiuve. Truck hi Tamenglong district, Nungba police station noija Kotlen munna 11.50 c.m. donna chu lamlhang langa kilihlha ahi.
Truck tolpa chu apetnin athin, mikhat chu Imphal langa hospital ahinjotna a lamkah a thipa ahi. Akitongkha mi 21 hohi RIMS Hospital Imphal ahin kil- huttai. Mi 10 hi akihasuhkhah jeh un athi hung umbe diuvinakiseije. Police ho seidannin truck akilihlhah jouhin CRPF holeh Assam Rifles hon akisukha ho akaidoh un Imphal ahinlhut uve. Truck lamlhanga akilihlhah hi achesa lhakhat sunga NH-53 a toset tohlah a amelsepen anichanna ahi. Lhaphul kichailam chun Territorial Army leh CRPF ho touna gari kolla akitahjeh in mi 11 anathiuvin ahi. Alang khatnah janhi mama chun, Moreh a konna Imphal hinjon bus khatchun Imphal west, Singjamei police station noija Kakwa munnah 10.40 c.m. donnin school van lijen atatnin ahi. Van hohin school kikhen jouteng chapangho pohdinga angao ahi. Van khat chu bus noijah aumme
AR hon Umathel a twi don ding project bol
Imphal. Lhadou 22: HQ IGAR(S) noiya um 21 Assam Rifles, HQ 9 Sector hon Umathel lehakimvel a cheng kho ho a dingin tui peh thei (water supply) nading in project khat abol uvin ahi. Hicheproject kigong hi
Thoubal district gamkai a um Umathel mipi ho a dinga nitin ngaichat don ding twi alhahsam jeh a hungki gong ahi. Major General C A Krishnan, IGAR(S) in Lhadou nisim 21, 2010 nia project chu ana hondoh ahi, akho akho a haosa, Club Secretary, Meira Paibi leh Kakching Sub Division a ja umtah tah ho jong kin a chun apang uvin ahi. Leinou apat na twi jopdoh nadin pump akibul in hichu 7.5 HP centrifugal ahi. Hiche hin mipi tamtah don ding twi ahopdoh ding ahi akiti.
PLA 1 AR hon man
Imphal, Lhadou 22: HQ IGAR(S) noiya um 9 Sector, 12 Maratha LI hon thingnoi mi aum e ti hetjeh in operation abol nauva Lhadou nisim 21 nidan 1 pm velchun Awang Leikai mun Imphal West district a PLA mi khat aman uvin ahi. Akiman pa chu amin Phaitom Roshan Meitei (28), s/o Phaotem Amuba Meitei ahin
ama hi Uchiva Awang Leikai a cheng ahi. Amapa hi akimat doh jouvin Mayang Imphal Police station a pehdoh ahitai.
Thilpo gari 4 kisuse be kit
Imphal, Lhadou 22(NNN) : NH-39, Imphal-Dimapur kikah a lhai Imphal hinjon gari 4tobang chu Leisemni in Sekmai a mel hetlou miphalou hon ana sepse uvin ahi. Police thulhut in aseina a gari 4 ho chu janhi jan a Dimapur apat a nga (fish) ahinpoh ahin gari lonkhum (attack) hochu Imphal-Dimapur kikah NH-39 a gari lhaisah lou ding tia tosot ho hinte atiuve. Transporters' and Drivers' Council ho hin Nagaland leh Central government ho koma highway a gari lhai ho venbitna dia angeh u ahin chuleh NSF kiphinna neihon Nagalanda gari asuhset ho compensation apehlou tokah a hiche highway a gari lhai ho bandh anabol u ahi. Akisuse gari 4 hochun Imphal hunglut thei nading a Sekmai apat Imphal West hopsung Lamshang langa ahung nauva Imphal khopi hung lhung nading 28 km vat a hi miphalou hochun anase setpeh u ahi. Akise set na mun chu Kameng Chingchin kho, Lamshang police station hopsung ahi. Gari hochu amai le window glass ho ase set keo hilouvin
athilpoh tichu nga ho jong asu chavai uvin ahi tin police thulhut chun aseibe in ahi.
Bridge of Hope Manipur staff training chelha jing
Imphal, Lhadou 22: Manipur gam mun chom choma um Bridge of Hope Project Staff chengsen nisim 22-23- Lhadou 2010 sunga chelha dingin Believers Church Bible College, Langol-Laimanai muna Staff Training program agong uvin ahi. Hiche Training nimasa nihin Resource person Ms. Kangabam Anita Devi, Lecturer, DM College in ìTeacher Education in Teaching Tech-niqueî kiti thupi mangchan houlimna aneijin ahi. Anini chan nileh Manipur Institutes of Management Studies, Manipur University a Asst. Prof.Thangjamang Sitlhou vin Social Marketing chung change houlim na anei ding ahi. Hitobang Training program hi India, Bangladesh, Bhutan, Nepal, Burma le Sri Lanka gam munchom chom a um Bridge of Hope jousen kumseh le khatvei vei aneijiu ahi.
