1998 kumma ana kithah sem ahi. Manipur Finance Service hi MFS Rules, 1998 noija uma phatche dungjuija kisemphaji ahin, anatonga panghi putation/Leave/Training Reserve puma mi 175 ahiuve. MFS officers batch masapenchu 2007kumma MPSC makaina noija MCS Combined Competitive Examination na anakilao ahi.
Alang khatnah MFS officers hohi department thupi tah tah Finance Department ho tobanga hin akitohsah un ahi. Achung chonnin financial management system hi asemphat uva asuh hatdiuvin natoh akipeh beuvin ahi. Official thuso kimudung juijin MFS Rules, 1998 kisempha hin aseichu Planning/Economics and Statistic Department noija tohmun tampi a hi Finance, Economics, Statistics leh management chung change hetna thuhtah nei angaijeh in Planning Department and Economics chuleh Statistics Department na tohmun kilhengdoh themkhat hi Manipur Finance Servive a En-cadrement bolding atin ahi.
Chuleh, tua Planning/Economics and Statistic Department na officer ho hetna leh thepna hi Department danghon aphatchomna diuva manthei ahi. MFS a hetna leh thepna sangtah a nei officer hochu Planning/ Economic and Statistics department najong tohsahthei ahi. Hichi hin Finance,Economics leh Planning langa sorkar natoh hi akipun khomsah thei ahi.
MFS Rules amend kibol jonghin Department tampi a Accounts officer tohmun (MFS officer honbou atoh) hi accounting natoh keo hilouva budgeting expenditure control leh internal auditing jong aboltha ahijeh hin aminhi Finance Officer a kheldoh ding atin ahi. Amended rules kiphatsah jonghin Rules a kijaosahbe existing Scheduled-I hin MFS Grade-III dinga tohmun 92, MFS Grade-II dinga tohmun 29, MFS Grade-I dinga tohmun 9, MFS (Selection Grade) dinga tohmun 5 chuleh MFS(Supertime) dinga tohmun khat umdingin aseije. Directorate of Planning and Economics & Statistics a tohmun phabep MFS a en-cadre bolding akitijeh hin MFS Grade-III dinga tohmun 201 a suhkhanding, Grade-II dinga tohmun 47 a suhtamding, MFS Grade-I dinga tohmun 13 a suhtamding, MFS (Selection Grade) dinga tohmun 7 a suhtamding chuleh MFS (Supertime) dinga tohmun khat hidingin angai touve.
CHSEM Annual prize kihom doh
Imphal, Lhadou 21 : 17th channa Council of Higher Secondary Education Annual prize hopdohna kin chu J.N Manipur Dance Academy Hall, Imphal a aum in ahi. Kipa thilpeh achun council akon in Gold Medal leh Cash award dangka 3,000, 2,000 leh 1,000 cheh citation jaona in first, second leh third position a hungho Arts hihen Science ahilou leh Commerce hijong leh ana kipen ahi chuleh Arts leh Science a 4th apat 20th position chan ho chu citation akipen chukit leh Commerce a 4th le 5th position a hung ho jong citation ma akipe in ahi.
Hiche kipa thilpeh chung chon achun Late K. Manikchand Singh, Late Jasobanta Taorem, Late Nelis alias Joychand Singh, Late RK. Sanatombi Devi, Late Th. Birahari Singh, Late M. Megha Singh leh Thagoi Devi, Late I.Kulachandra Singh, late Pu Lalkhopao Singsit, Late Th.Sheuti Devi, Late Th. Bahadur Singh, late Th. Nodiasana, late N. Amuyaima Singh, late Chongtham Ongbi RK. Sanatombi Devi ho inko te akon in position holder hochu 16 individual memorial award jong akipe uvin ahi. Award dang Late Pourillu Kameipui inko te in amanu het jingna dinga ahinto doh u tukum a pat in ajao pan tan ahi.
Education Minister L. Jayenta in ahoulim na a simlai ho hahsat-genthei na um jong leh pachan na sangtah tah a hungho chunga kalung alhai e ati. Ama sei dung juiyin kum 11 masang education system chu athah in igam sung uva akikhel tan hijeh chun education department leh council kikah a hahsat naho chu hung kisulham vah ding ahitai ati.
Tuilang hom genthei na ogin
Achesa nikho 15 leh 16 June 2010 ninisung Go tanglouva ajuh jeh in IT Road, Tuilang Area gamkai sungah Phailei tampi vadung tuijin asusen, adeh in Kpi Block noija Wakotphai phailei jao Phoikon Phailei jao ho Tuilang vadungin ahasuhset deh in ahi tilhut akimun, alangkhat nah Tamei T.D Block noija Lasan Area sungah Tuilet jeh in Phailei tampi asusen kho le kho kijotmatna ho Lanka Vadung in Lei (Bridge) mun 4 lang asuse kitnin Pasal hatali tilou Numei chapang tuilet jeh in che le vale aum tapoi ti thulhut akimu kit ne.
Go hattah nini sung ajuhheh in IT Road lampi Chalva-Tamei changei sunga Munchim(Landslide) 6/7 vel aum min, kicha pumin Passenger Gariho ah Lampi akipalle ti Passenger ho a konnin thu akijan, Gohattah ajuh jeh a, achunga Report hung kibol hohi Date 18 le 19 June 2010 nin TAKCAin kholchilna aga kineijin, adih soh keijin ahi.
Hijeh chun Tuilet jeh a Phalei se Insung mite kho le kho kijotmatna a Lei seho, Manipur Government noija ama ama mopoh na noija aging theipenía vetlhahna ahung nei juva gentheina toh Inasung miteho komma lomtah a kithopina apeh ding uvin ngehna akinei to lhonnin IT Road Lampi munchim ho jong agangthei penna ahung sem dingu vin jong Government mopo ho komíah Tuilang Area Kuki Chief Association (TAK-CA) General Secretary H.Kipgen in thulhut nale ngehna aneina thulhut akimui.
Imphal East dinga Ombudsman Office kihong
Imphal, Lhadou 21: Jiribam Sub-Division jaona a Imphal East District sunga Panchayat areas ho henga hetsah khatchu sorkar hin Imphal East District dingin Ombudsman office hi Porompat, BSNL Mobile Tower komma District Rural Development Agency, Imphal East building thah a khu Mahatma Gandhi National Rural Employment Gurantee Act, 205 chung thua lung lhailouna neihon lekha aselut theiju ahi.
Ombudsman Office, Imphal East District in, hetsahna anei dungjuijin koi hijongleh MGNREGA chung changthua - job card kihopdan, tohman kipehdan, unem-ployment allowance kipehdan, numei-pasal kikah a dangdetna kinei, natoh hoidan, machine kimandan, bank account operate kiboldan, lunglhai louna kiseplut ho kidonbut dan, muster rolls verify kiboldan, sum kimandan, sum kihopdoh dan, audit kiboldan leh adang dang thu a lunglhai louna neiho chun asatah a agasei thei ahilouleh complain boldinga midang jong asolthei ahi. Koi chunga lunglhai louna complain kibolham ti hettheina dinga amin, aum na, atohmun kichehtah a jaosah angaije. Complain ki bolchu akithopi dinga documents inei jongleh pehthathei hinte.
AR hon nga (fish) vah ding chung changa Seminary/workshop nei
Imphal, Lhadou 21: HQ IGAR (South) noiya 21 Assam Rifles 9 Sector hon ni 2 ding ìSeminar cum Work-
shop on fisheries’ kiti Kackching leh avellah khohoa dingin civil administration and Fisheries Department ho toh kitho in Lhadou 21 apat 22 chan dingin abol uvin ahi. Maj Gen CA Krishnan, IGAR (South) chu Jin-
gun in apangin adang milenmilal ho chu Brig Gajendra Prasad VSM, Commander 9 Sector, DFO Thoubal, Mr Salam, Scientist, National Agricultural University, members of Civil Administration and Fisheries Department ahiuvin ahi.
Ni 2 sung kin achun nga (fish)nou hopdoh naleh vetsahna, hilchenna ho hetna neiho a kon in ana um in ahi. Maj Gen CA Krishnan inahoulimna a mipi ho a dingin nga avah uva sum le pai hahsatna neilou a aumna diuvin ahi thei chan a kithopi na kipe ding ahi ati. Aman aseibe na a akhoh pentah leh akingaicha pen tah chu mipi ho, lekha them ho leh civil Administration a researcher hon Assam Rifles ho atosot uva phaicham toh kigamlha umho akithopi dingu chu ahi ati.
Manipur a government officer 1 kitha jeh a kiphinna um
Imphal, Lhadou 21 : Thingnoi mi hidia ginmo umhon government officer khat a inna atha jeh un ëjoint action committeeí akiphut doh in Imphal-Churachandpur, NH- 150 section a Sempatni chun bandh ana kou uvin ahi. Bishnupur district, Nambol police station noiya Oinam a cheng amin Nongthonbam Sharat kiti pa hi janhi jan nidan 7:30 vella ana tha u ahi. Ama hi Manipur horticulture and soil conservation department, Bishnupur district a assistant horticulture officer ahi. Nongthonbam Sharat hi ama akitohkhah jeh chun Regional Institute of Medical Sciences (RIMS) hospital a akipon akhoh set jeh in Shija hospital a akichon tai. Nidan 2 jou janthip nidan 10 chun meichang maha thoh jou talou in ana mollem tai. A inko ten aseina a thal choi hon a inna kon in thilkhat a kihou ding tin ahin kou uvin chuin amai a thalchang akap jou uvin kin tah in ajam mang tauve ati.
Officer pa kitha demna in Oinam a local holeh avellah a cheng mipi hon tunin lamlen a kijotna anei uvin Sub-deputy Collector (SDC), Oinam block, Bishnupur police a memorandum jong apeuvin ahi. Hiche kijotna achun khangthah, simlai chapang leh numei 1,000 tobang ahin Chief Minister pa kom lhung din SDC koma memorandum chu ana peuvin ahi, hiche memorandum a chun mithat ho chu holdoh un lang gotna peuvin ti ho jong apang in ahi. Chuleh CM komaadang angeh u chu aki thatpa inko te a din dangka 10 lakh pevin, government kham khat leh adang dang ho ahi.
JAC president, M Manglem Singh in aseina a government in akingeh ho hi amolso tokah a thilong kila lou ding ahi ati. NH-39 section, Imphal-Churachandpur a nidan 12 bandh nisim 22 jingkah nidan 5 apat akou dingu ahi. Hou toh kisai, damlou ahilou leh adang akhoh dehset ho vang bandh in ahop lou ding ahi tin Manglemba inaseibei. Government in akingeh ho molso lou a akoi leh hiche sanga khoh jo hung kibol ding ahi tin gihna jong aneiyin ahi.
Bus 2 kinokhum mi 2 kitongkha
Imphal, Lhadou 21(NNN): Leisemni jingkah chun melhetlou mi phabep khatnin Imphal a pat Mao jon bus Imphal sunga munni jenna akhet jeh un bus a tou numei khatleh bus tolpa akitongkhalhone. Hichi thilsoh demna in Senapati District MotorVehicles Owners Association, Manipur hon district sunga mipo gari ho tuni a hi 24 hour bandh abollu ahi. Senapati District Students Association (SDSA) honjong thilsoh hi ademmun sorkarín chonvalna neihohi gangtah a amatna diuvin angeh uve.
Thusoh kimudung juiyin Malom, Imphal munna Rajendro jinu Ningthoukhongjam Jamini (35) hi jingkah 5.30 c.m. donna 2nd MR, North AOC gate na mi phabep ponna amai kitomhon atouna bus ahin nokhumjeh uva aluchang akisuhkhah ahi. Bus tolpa Shekho jongchuakisukha e. Jamini hi Bus (MN01-1167) a-hi Mao chan cheding ati ahin tun RIMS Hospital ah admit akibolle. Amahi Imphal a inter-state booking counter hon bus agonpeh a Mao a pat Guwahati ajotpai dingdan ahi. Bus achomkhat registration number MN01-0341 Mao jon go jongchu Sangahpham Bazar aphahchun ahinjepkit uve. NH-39 Imphal a pat Dimapur chan mipo gari chethei louding tia thuphon nei Transporters' and Drivers' Council hohi bus khenseho hidingin ginchat aumme.
Hetding khatchu council hin NH-39 a Imphal apat Dimapur chan che gariho bandh abolvangun Imphal a
pat Guwahati chan bus ticket kijohna hochu akihongin ticket ajoh uve. Min adoh phatleh NH-53 (Imphal-Jiribam) a dinga ticket kajoh u ahibouve tin adonbut jiuve.
Manipur MBBS/BDS Entrance Exam kiphong ta
Imphal, Lhadou 21: Lhadou nisim 20 a Manipur MBBS/BDS Entrance Examination, 2010 ana kibol chu Lhadou 21 nidan 3:00 chun ana kiphong doh tan ahi. Selected (akilheng doh) list chukit leh waitig list ho chu MBBS/BDS tohmun ong jat Director of Health Services, Manipur akon akihet teng pachan na neihochu merit-wise a hung kigolding ahi akiti.
Thuso chun aseibe na a candidate ho testimonials/documents, class-XII mark sheet jaona a pelou ho chu hunki hetsah ding ahi ati. Chuleh candidate hon a exam bolnau va mark amu ho jong Director of Health Services notice board a muthei hi ding ahi akiti.
