simlhau hite.
Gaza Strip-a Palestine-mi ijat chengu vam?
Mihem million 1.5 (lakh15) acheng un, hicheho lah-a million khat tobang chu gari lampia kipolut UNleh foreign kithopina dang dangho-a kingam jeng ahiuve. Foreign kithopinaho hi Israel sepai hon inspect abol jou tengle bou kipolut thei ahi. Strip kiti kah sung hi rectangle shape sao thip tah, 40 km by 10 km (25 by 6.25 miles) vela sao, Mediterranean coast toh kimat ahin, chuleh Israel sahlam leh solam leh Egypt lhanglam toh kigamgi ahi.
Ipi jeh-a Gaza hi blockade noia ki-umsah ham?
Islamist galguhbol Hamas-ho control noia aum jeh-a Gaza chunga Israel in blockade akoi ahi. Gah
hetthei din, Hamas galguhbolho hin Israel gam hi apomda chungchona Israel chunga gal bol jing ding hi akitepna chu ahi. Gaza mipihon Hamas a support nau suhthipna dinga Israel in blockade hi kum thum jen ahin koi ahitan, ahinla Gaza sunga Hamas thuneina hi adet chet nalai e.
Gaza Strip-a thil kipolut leh kipodoh chu koi thunoi-a um ham?
Thil alut leh apot ding jouse chu Israel phalna louva hitei lou ahi. Sumk-oveina thilkeoho (com-
mercial goods) tamjo chu blockade noia kikhah ahi jeng e. Humanitarian aid bou chu phal ahin, ahinla hi jong chu Israel phatsahna dungjuia bou kipolut thei ahi kit e. Alangkhata, aguh-a Gaza sumkolveimihon Egypt lhumlam gamgi gei lhungin leikonoi lampi asemun, chuleh danin aphallou thilho leh gal manchahho aguh in apolut jiuvin ahi.
Thilkeo supply chunga ipi boina um am?
Gaza-a thunei leh sum neiho chun leikonoi lampia konin thil adei dei-u acho thei un ahi, tin United Nations aid agency in asei e. ìNgaichat choh ding tam tah aumin, ahin chuho chu avaichaho dingin chanphah thei ahi poiî, tin UN aid agency spokesman Chris Gunness in asei in ahi. Nenglhinga neh leh chah cho joulou Gaza mite um jat mong hi 300,000 (lakh 3) apha tai.
Israel in dan thahasem dungjuia Gaza-a polut thei thilkeo list-a thil dang ipi aphalbe dem?
Galmanchahho leh military toh kisai-a kimangcha thei jouse pang louvin, thilkeo adang jouse chu
Gaza-a polut kiphal ding ahitai, tin Israel Prime Minister Benjamin Netanyahu in asei in ahi. Hamas hon amaho military panmun semhoina dia kimangchah thei construction/building materials ahilouleh amaho military facility-ho suhhing kitna dia kimangcha thei jouse polut kikhah ding ahi, tin jong Prime Minister office thuphon chun asei in ahi.
Israel thuphon chunga Hamas-te donbutna ipi ham?
Hamas official Ismail Radwan chun Israel gov-ernment provisions thah chu akisang poi, tin asei e.
ìHamas hon hiche thu hi akisang poi. Hiche hi Gaza Strip blockade chunga international lunghanna lhahdai sahna ding tohgon ahi bouveî, tin asei in ahi. Tui lampi blockade puma migam "umkolna" angahu angai e, tin jong asei in ahi. Blockade lhakangna ding hin United Nations in jong ngehna anei ahitai.
Ipi jeh-a Israel in building materials chunga ban akoi alahdoh nomlou ham?
Israel chun, thih leh cement polut kikhah louva ahileh security dia kichatna aum e. Ajeh chu Hamas-ho hin bunker-ho khela amaho panmun leh rocket bomb kapdohna munho (military infrastructure) semhoina dinga thih leh cement-ho hi amanchah thei-u ahi, tin aseie. Ahin, cement leh thihho hi Israel in Hamas rocket bomb kap suhthipna dia December 2008 leh January 2009 sunga Gaza abuluna uva chenna-in asuhsetho sahphatna dinga ngaichat ahi, ti hi khatlangho panna chu ahi kite.
Gaza tui lampi blockade thu ipi hung ti dem?
Hiche hi achaina pena Israel in alhakang dia tahsan chu ahi. Tuikongho hin galmanchah len phachompi atollut thei ahi. Tumasanga, Iran in Hamas-ho dia long-range rocket-ho aguha tollut peh ding ana gonsa ahitai,tin Israel in asei in ahi. Blockade ësuhkehnaí dinga tuikonga thilkeo (aid flotilla) hung kipollut ding hi Israel in ginchatna anei toh kilhonin lutsah louna ding hetsahna thu jong asodoh ahitai.
