tin Pu. Tongminthang Lhungdim 20 Sagang ADCC Independent Candidate in ahin bolin ahi.
Aman aseina ah, Lhaphul 26 nikhoa first phase Autonomous District Council Election aum nikhon ka agent pa le eikithopi hokhat ka 3 uva Constituency sunga polling station kaga vil uchun INC Candidate Pu. Lalkhomang Serto le akithopi loihon eikai doh uvin songtum in eisepuvin Kuki Hatlo! Tin eisap khum uve ati. Hiche jouchun Pu. Lalkhomang le asopi hon Army ho akou uvin Candidate identity card kavetsah vangchun leitol ah eibokhup sah un ei engbol uvin ahi. Hiche jouchun Returning Officer pa komah kathilto ho kaseile Dampi, Tuiring Phaisen le Saitol Khulen polling station muna re-poll ding aphongin hinla akhoh pen Sagang polling muna ainko uva vote capture abol namun chu aphong poií tin aseiyin ahi.
Chujou chun nisim 31 ni khoa re-poll um ninjong Samu-lamlan le Songphel Kom khoho vote lhadin ahung uvin ahi. Sagang kho khangdong hon barricade abol uveatiuchu ima dang ahipon Dampi polling station muna amin umlouho lutsah louna dinga go-a gate kisem chu asei u ahi tinjong aseiyin ahi. Ipi hitajong le thudih chu , Govt. polling personnel hon record abol uvin ahi ati.
Aman aseibena ah, eipanpi vote manlutah eipeho chungah kakipah in chule eipelou ho chungin jong democratic rights dungjuiya vote ahin lhah jal uvin kapahchan ahi. Iham tia kahung kaitah a ahi jongle koi phungle chang khen louva Constituency thalhenga mopo kahi ding ahi. Hitobanga kibung khenna thuso kibol hohin gamsunga kikhen telna alhut ahin kichih thei u hite tin thuphon abolin ahi.
AR hon PULF 1 man
Imphal, Lhadou 21: HQ IGAR(S) noiya 9 Sector a um 15 Assam Rifles leh 28 Assam Rifles hon Lilong Awang Makha Leikai, Thoubal district a thingnoi aum e ti ahetjeh un operation abol nauva PULF(MI Khan) thingnoi 1 Lhadou nisim 20 jan nidan 10 vel chun anaman uvin ahi. Akiman pa chuamin Sadik Khan alias Ithem (27), s/o Atimuddin, Lilong Awang Leikai a cheng ahin ama akon chun Nokia Mobile phone, AIRCEL SIM card No.9856727209 aman doh uvin ahi. Akiman pa chu Lilong Police station ho khut a pehdoh ahitai.
