Pathen Thu theng Bible thu a pat thu hetchet lou seida aphai. Kukite hi ahi monga pukhang pakhanga hung kitol son peh Khankhoa hetchet lou kisei ngai lou mong ahi.
Thu kisei chu aseipan ipi mong mong asei kidong chen masa a, chuteng asei chu dih isah hihen dihlou mkisa hita leh igeldol sei ding hi chondan pha, Khankho kiti chu ahi.
Pakai Jesu Christa mihuhhingna Thupha tahsan a kon hin atahsanten Kipana Thupha hi seiphong tei ding ahijeh-in, thusei kichu tho lam a mitin apaotan, ahinla aseihou kikal chet chet, kinel baotamna asohgamtai. Ajeh chu asei ho hin ageldan dan aseiyu ahin, adih adih lou photoh louva sei ahiuve. Bible thu seikhel keo ahitapon, chi le nam thu geiya abul abal bei, Khankho beiya aseiyu ahin, kinelna leh kitomna asodoh gamtai. Kihilna thei tah, hetchet louva thu kiseithang jing khat chu - English paova – ‘Any Kuki Tribes,’ ana umsa, Kukite kitomosah a kikhentel ding dei hon kikan khomna min ‘Any Kuki Tribes,’ khelía kikhentelna ding, achom cheh a ‘Tribe’ 21 asemdoh-un, kum somgup sunga baopi paote soh a, kitha kimat geiya sohdoh ahitai. Kukite Tribe chom cheh a akikhente a, kigom khom thei talou ahiuve. Kigopkhom kitna dia minthah Lushai, Chin, Mizo chule Zomi asem jouseu hin min thah thah a punbe be kit’in, kigop sanga kikhenbe najo ahi.
Kuki nam pumpi kankhom min chu, ‘Any Kuki Tribes,’ hi ahi. Hiche ‘Any Kuki Tribes,’ hin koi phung koi chang hihen, vannoi leiset hoikoma cheng jongle Kuki jouse ahopsoh hel ahi. ‘Any Kuki Tribes,’ kitin ahop soh ho chu, eihung mudoh masateuvin, “Kuki” tia aminvo jouseu ahin, akhang khanga koi nam itobang hi jongle KUKI hinom ho geiya ahop jou jing ahi. ‘Any Kuki Tribes’ neo ho hin adeipeníuva aseiyu chu ‘Any Kuki Tribes,’ joh ahi. Koi tobang khat chun Kukiasuhmang nom jeh a asem thua ‘Kuki Tribe,’ khat a kibol doh a anaseipeh khah a, adeimosah ahin, Kuki hi Tribe khat a kibol jong aumpon, koiman bol din jong asei khapoi. Hetchet loujeh a Kuki hi Tribe khat ham tia, aumlou aseiyu ahin, ngaidam ding, kinah lo lou ding ahi.
Ijemtia itile Kuki Tribe khatseh a kiboldan a anaseiya chu, koi hijongleh, Kukite kinahsah a kitomosah ding ahi hiding ahi. Hijeh chun ‘Any Kuki Tribes’ dei lou hon adeimona kholtoh masuvin. Tribe chom chom a anabol hon abol khelnau aphongdoh tauvin, ‘Any Kuki Tribes’ anaboldoh masa ho le tua chohing kit hon abol khelnau asei khapouvin, adihmona jong akimudoh hih laiye.
Tu masangjep chun Mn. Timothy Haokip’in, ‘Any Kuki Tribes’, thudol lekha phengmai som (10) jen ajihin, mi khatía konin lekha chu kamun, phatah a kisim leh, Mn. Timothy Haokip’in adei pen chu, ‘Any Kuki Tribes,’ ahi. Ajeh chu masanga pat Kuki kiti jouse hopsoh, chule tu thah a jong Kuki hinom jong ahopsoh dinga asei ahin, hiche hopsoh ding chu, ‘Any Kuki Tribes’, nampi minlui hi ahi. Anaboldoh hon vannoi leiset hoikoma cheng jongle Kuki jouse hopsoh a anabol’u, chule koi hileh ‘Kuki’ dei jouse jong ahop jing ding ahi.
Anaboldoh masa hole tua kikhentelna deimoa ‘Any Kuki Tribes, ‘chohing hon jong abol khelnau aseipouvin, bol khel le kikhentelna jong ahipoi. ‘Any Kuki Tribes’anapaiya Tribe chom cheh a anasemdoh a Kuki Nampi khentel hon vang abol khelnau aphongdoh tauvin, mipin tribe chom cheh a kikhentel phatmona, pangkhom thei louva ium nau, akimuchentai. Nampi pumkhatna. ‘Any Kuki Tribes,’ anabol ho le tua hin chohing ho jal’in Kuki nampi Pathenin phatthei boh jing hen.
