million phachompi ahi.
Tu le tua, Flow Rate Technical Group estimate dungjuiin, niseh in thaosel barrel 35,000 leh 60,000
(1,500,000 to 2,500,000 US gallons; 5,600 to 9,500 cubic metres) kikah lang ahung kilapdoh in ahi.
Tuchanin, hiche thao hin tuikhanglen square miles 2,500 (6,500 km) sung atongkha tan ahi. Hiche
thilsoh toh kimata scientistho lunglinglaona pen chu ahileh, tui-a cheng nga/ganhingho leh gamsaho lhahna munho puma environmental setna nasa tah um ding chu ahi.
Gulf coast kah-a beach, wetland chuleh adang danho venbitna dingin, skimmer ships, floating containment booms, anchored barriers, chuleh sand-filled barricades tiho crew hon amanchah vangun, tuchanin imacha aphachom nai poi. Hiche thilsoh chunga US government in BP company-te themmo achan toh kilhonin tui suhthenna-a sumlut jouse company mopohna hi ding ahi tin ana
sei in ahi.
Thilsoh ahung kipat dan leh atohkhah danho veu hite. April 20, 2010 :BP company in licence noia tui noia thaosel alahdohna mun 'Deepwater Horizon rig' meikou ha tah-a pohkeh; amuna natongmi 11 thi.
Hiche thilsoh hi Venice, Louisiana-a kona km 68 gamla a um, tuikhanglen leinoi (feet 13,000 under seabed) a thao apeidoh pet tahuva soh ahi.
April 22 : Million $500 val dia kisei Deepwater Horizon rig tui sunga lhumlut.
April 25 : Coast Guard hon blowout preventer mangcha-a thao leak suhtanna dia 'remote underwater vehicles' man ding thu phatsah. Ahin blowout preventer kimangcha theilou.
April 28 : Coast Guard-ho sei dungjuiin, thao hung putdoh jat hi nikhata barrel 5,000 (210,000 gallons /795,000 litres) ahi - estimate masa sanga ngavei jena tamjo.
April 29 : Thao hung putdoh leh tui chunga chal tultul suhtanna dingin US military puma manchah thei jouse kimang ding ahi, tin US President Barack Obama in phondoh. Asuhthen ding hi BP-te mopohna ahi, tin jong Obama in sei. State hopsung natural resources ahin tohkha ding kichatna aum jeh in Louisiana state in 'state of emergency phong.
April 30 : Deepwater Horizon ahilouleh BP thilsona jeh hetdoh ahi tokah in area thah-a thao drill bol kiphal lou ding ahitai, tin Obama political assistant khat in sei.
BP Chief Executive Tony Hayward in thilsoh chunga company akithemmo tan, chuleh hiche thilsoh in atohkhahho leh asuhthenna dia alut ding jouse kipe ding ahi tia sei.
May 2 : Obama in Gulf Coast gavil. Thaotui in atohkhahna hopsungse-a nga man (fishing) kikhah. BP in thaokuh (oil well) koma 'relief wel'l vu-ah (drill), Hiche natoh hi lha thum tobang lut dia sei ahi.
May 5: Tuikong sao (barge) khata thao putdohna muna-a dia 98-ton containment chamber kitollut. Thao putdohna mun thum lah-a mun khat valve in akihuhbing tai, tin BP company in sei.
May 6 : Thao in Chandeleur Islands (mi chen louna) vapam chup.
May 7 : BP in thao putdohna chunga containment dome tui noia lhahlut go, ahin adap jeh in manchah chu hydrocarbons kanden (frozen) in mantheilou sosah.
May 11/12 : BP, Transocean leh Halliburton company-ho kona executive hon Washington-a kigong
congressional hearings anga hilchenna peu. Senate Energy Committee chairman Jeff Bingaman in
oil rig apokehna jeh hi technical, mihem chuleh regulatory 'errors' jeh hi dingin akilang e, tia sei. Company cheh-a executive-ho kingohto.
May 14 : Thilsoh chunga mopohna nei company-ho kingohtona chunga Obama in 'nuijat vetnom
um' tia demna nei.
May 16 : BP in thaokhuh 'riser pile' sunga tube hetlut ta.
May 26 : Thao putdoh khana ding "top kill" kiti natoh kipan. Hiche natoh hi thaokhuh-a , 'heavy fluids' leh thil dang dangho ki pump lut chu ahi.
May 28 : Obama in anivei channa-a Louisiana Gulf coast gavil - "Kei president chu ka hin, ka mopohna ahi", ti.
BP CEO Tony Hayward in Gulf-a thilsoh dinmun ga velha. Tuchana Hiche thilsoh chunga company
in sum asuhlut jat million $900 pha ta, tia sei.
May 29 : "Top kill" natoh lolhing joulou tin BP in phongdoh; US thao putdoh thilsoh thusima nasa
pen suhthip loina ding natoh chunga kinepna lhadai ta.
June 1 : Natoh lolhing joulou thu aum toh kilhonin, London exchange-a BP shares percent 17 a lhasuh.
Oil rig pokehna chunga criminal leh civil investigation akipan tai, tin US Attorney General Eric Holder in sei.
June 2 : BP in thao putdoh khana din tohgon thah anei toh kilhonin natoh banjom.
June 3 : Tohgon thah chunga kinep aum jeh in, market-a BP shares percent 3 vala khang kit.
