uleh akaidoh sa ahi taovin ahi. Mexicans te le Uruguayan te hi Rustenberg a kichem lhon ding ahin, amani team hi kijou to lhon hih jong leh Argentina te hi next round lut thei thou thou ding ahi. Tua lhah samna leh boina nei hi Group A a France te leh South Africa te ahiuvin ahi. Group B a um South Korea te hi Nigeria te ajojeh uvin adin mun u ahoi in chuleh hindoh nathei ding phat gamkom jong anei uvin ahi. Nasatah a thanom le lung- la mama game chu ahi Mexico te le Uruguay te kichep chu ahin ahi. Amani team teni gel hi hattah leh themtah team Argentina te hi knockout round a jouhih jong uleh ki draw pi thei chan ding jong ginchat aum lhon in chuleh dei peh lheh jong ahi lhon in ahi. ‘World Cup a team dang banga Mexico te jong hi kicheppi hahsa tah hiding u ahi. Amahohi football phatah in akichem them uvin, ahin keihon amaho game suhset thei nading manchah le tohgon phatah kanei uvin ahi. Amaho hi kichem thei louhel a koina ding bolthei kanei uvin ahiî tin defender Diego Godin in asei in ahi.
Atah beh in Striker Diego forlan hin South Africa te toh akichep uva 3-0 a anajou chun goal 2 anakhum in ahi chuleh, forward Luis Suarez jong hi kichat umtah player khat jong ahi in ahi. Uruguayan te tourna ment lut thei nading leh panjing thei nading Costa rica te ajo tei tei u ngaite hin tuchan hin tuchan in goal apedoh nai pouvin ahi. ‘Tuchan hin kei hon koima cha kakhum sah nai pouvin ahi. Hiche hi angai khoh le apoimo pen ahi. Hiche tobanga hi Mexico te kom a jong kabol jou uleh, next round a machal na kanei dingu chuleh, hijou apat thil ipi ipi hijong hungsoh pan thei ahi tai’ tin Diego Godin chun asei in ahi. Mexico te lang ahi striker Carlos vela hi ajet lang keng akisuh khah jeh in kichem thei louding in a um in ahi. Chuleh, ama khel thei dinga kilom pen hi Pablo Barera hi ahi chu jong leh, amahin France tetoh akichep un anabol hoi lheh in ahi. ‘Tuchung World Cup hi kei a dinga amasa pen jong ahin chuleh, katha jong anomlheh in ahi’ tin Barrera chun asei in ahi. 2009 world player of the year, Lionel Messi alungneo lheh in ahi. ajeh chu amahin tuchan in goal khat cha akhumnai pon ahi. Ahin amaho lang Gonzalo Higuain in South Korea te 4-1 a anajou chun goal 3 ana khum un ahi. Chuleh, Argentina te hi tu chan dingin team kitup pen leh them pen ahina alai uvin ahi. Argentina team te hi final 16 a dinga qualify ahinai lou vangun coach Diego Maradona in, Greece te toh kakichep phat uleh akipat na a kichem dinga captain Javier Mascherano le striker Carlos Tevez toh Higuain kapan sah louding ahi tin asei in ahi.
Greece te hin Argentina te line-up akikhel jeh hin advantage anei diu vem ahilouleh ala diu vem? Amasa match a adraw uleh, Nigeria ten South Korea te ajojeh uva vang le phat gom kom anei vang uvin Greek tehin kaidoh thei nadinga ajotei tei u angai in ahi. Greece ten hin World Cup a amasapen match adinin Nigeria te chu 2-1 in kal masa chun anajou uvin ahi. ìGreece team te hohin amasa asanga abol hoithei chom dingu, chuleh ground sunga jong masanga sanga athep nao apoh doh thei dingu ahi. Katahsan e. Tua aban a kakichep dingu hi hatah a nom chom joding ahi. Ajeh chu Nigeria te toh kaki chep uchu final tobang ahi. Hijeh chun kagel dan in hiche jona hin hatah a ei kithopi dinga kaging chan ahi' tin Greece defender Sokratis Papastathopoulos chun asei in ahi. Team ho lah a hin anasapen in Nigeria te in kithopina ahangai chat pen uvin ahi. South Korea te hi World Cup a ahung pan uhi a sagi vei na ahi tan chuleh, kaidoh thei dingin jong din mun anei uvin ahi. South Korea te hi opening round a ana pot doh masat pen naohi 2002 World Cup tournament co-host anabol kum u chu ahi. Hiche kum a chun amahohi semifinal chan analhung ahilouleh ana kai doh un ahi. South Africa coach Carlos Alberto Parreira in a team hohi French team tenkhuti tah a beithet a akichep pi dingu aging chapon ahi. South Africate hin France te phatah a ajou angai in chuleh, Mexico le Uruguay kichep na a ajoujo jo hijong ajo tei tei u angai in ahi. Akhuti louleh, World Cup host bol a knock out stage a akhelha amasapen gam hidingu ahin ahi. ìFrance tehin last group stage match jonadinga hi abol thei chan u apoh doh uva kichem dingu ahií tin Parreira in asei in ah
World Cup match referees ho chunga lung lheisel: FIFA
Derdepoort(South Africa), Lhadou 22(AP): FIFA in World Cup match officials ho umpireapohnao chunga gellhahna themkhat a seisetna tampi umjongle kalungu alhei sel in ahi ati. Jose-Marca Garcia Aranda in in gel lhahna themkhat chunga 'Adihpoi' tin sanpeh jing jongleh suhkhel nahi pelthei lou khat chu ahi. 'Themkhat chu kichepna sunga gellhahna dihlou hemkhat chu ahin chuleh hiche hi mihem adinga, ahung umjing khat chu ahi,' tin Amain in thuso miho koma sempatni inchun anasei in ahi.'Keihon hitobanga gellhahna ho chu semtoh ding in kagong uvin, hiche chu ahileh keihon hitobang gellhahna chu alhinjep lou in kagel uvin chuleh nisih in kihilna kanei uvin ahi. Garcia-Aranda in aseina achun, ‘World Cup referee hon boina chunga gellhahna hohi player holeh thuso mihokoma aha seilou dingu chuleh South Africa muna tournament sun- ga amaho kithopi ding in elite officials mi 30 jong akikoibe in ahi. 'Keiho hiche ding in chun kakigo nai hih uve,’ tin Switzer- land's Massimo Busacca, communicator leh Final officiate adinga candidate pain aseiye.
