KSO General Headquarter office building kisah machal jing | photos

Posted by Bombiel Media on 3:30 AM in |
Lamka : September lha a ani kisa pan Kuki Students' Organisation, General Headquarter Office building complex chu tule tuhin Tuibuong, Churachandpur mun'a natoh amachal jing in ahi. Hiche Office Building complex hi akipat chet nailou vang in amai lam ding don, Teddim Road gei ah Commercial Complex (Dukan ding) amachal lheh in ahi.

Kum sottah apat hiche office building kisah ding hi athu in ani gingta jongleh, amun le amuol kisuh ana umlou jeh in lamkai hon alungtup u atahso thei tah tah jou pouvin, ahin tule tua KSO-Ghq executives, Pu Peter H Mate, President hina noiya natoh pat ahung hitan ahileh kipapi leh thanop umtah KSO History a suhmil theilou ding khat ahung soh tai.

(View of KSO Office Complex from Teddim Road, Tuibuong)

Tule tua Foundation kisem hi Pu Thangso Baite, Member of Parliament, Outer Manipur in khohsa na neitah a lungthim le tha keu hilouva, sumle pai a pan ahinlah najal a natoh hung kipan thei ahi.

Building khat kisa ding ahijeng vang in fund lam lhahsam na jal in hiche tohgon na ahin, budgetg hihen tia magon na jong aumdeh pon, sumle pai kimu dungjui a kisa ding ahi dan KSO Lamkai hoa kon akija'n ahi. Chuleh, amahon asei nauvah na kitong hi student organisation mai mai ading hilouvin, Nampi neigun ding khat a kilam ding ahitah jeh in Nam mipin pan ahinlah ding jong ginchat na akineiyin, chuleh kithopi na epilam hijongleh kisang ding ahi, tinjong akijai.


Present KSO-GHq Executives at the site
From L-R: Mangcha Baite, Vice President (Admtn), Hemang Haokip, Organising Secretary, ATSUM, Helal Khongsai, President-KSO Imphal, Kakam Haokip, Vice President (Extnl) KSO-GHQ, Peter H. Mate, President KSO-GHQ

~ Ngamlien, Pupatimes
Tags:

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home