Hiche jou teng chuleh Prime Minister Manmohan Singh in jong houlimna anei ding ahi. Hiche conference hi ni 3 sung chelha ding Heads of Missions hon President Pratibha Devi Singh Patil leh vice-president Mohammad Hamid Ansari jong akimupi diu ahi.
Hiche kikhopna ahi Home Minister P Chidambaram, Finace Minister Pranab Mukherjee, Defence Minister AK Antony, Human Resouce and Development Minister Kapil Sibal, Commerce and Industry Minister Anand Sharma, Minister of State for External Affairs Preneet Kaur, Indian Council for Cultural Relations (ICCR) President Karan Singh chuleh National Security Adviser Shiv Shakar Menon hon jong houlimna anei diu ahi. Hiche kikhopna ahi foreign policy, gam dang toh kigolchatna chuleh India dinga thilpha chom ho seina umding ahi. HOMs hohin business leh Industry a lubon Gurcharan Das leh Indra Nooyi ho jong akimupi diu ahi.
Mamata in Kolkata mun’a “Mother Express” Lhaisahna neita
Kolkata, Lhajing 27 : Railway Minister Mamata Banerjee in Mother Teresa pen kal kum 100 alhin toh lhon in amanu natoh phatna geldoh na in Kolkata a Sealdah Station akon in 'Mother Express' train alhai sah in ahi. Hiche 'Mother Express' train hi Mother Teresa in ahinkho sunga atoh phatna ho seiphong le dinga lha 6 sung India gam sung pumpia lhai le ding ahi tin Banerjee in aseiye. Hiche chung chonna sorkar in Mother Teresa min'a paisa "Coin" asem doh ding ahi.
Keiman Prime Minister Manmohan Singh, Sonia Gandhi, Speaker chuleh Pranab Mukherjee ho henga Mother Teresa geldoh na a thil khat beh bol doh din kana ngeh in ahi. Hiche train chun lim leh adang dang Missionaries of Charity akon kithopi na aum in ahi. Hiche train chu air-conditioned coaches 3 aum in Mother Teresa natoh chu 1992 kum'a atahsa kum 18 alhinna India hung ahin 1948 kum in India nam hina ana changin national leh international awards tampi jong ana mu in ahi. Hiche laha chun Bharat Ratna, Magsaysay Award (1962), Pope John XXIII peace prize (1971), John F Kennedy International Award (1971) chuleh Nobel Peace Prize (1979) ho ahi.
Mother Teresa India ahung chun jilkung in apangin Chujouvin mivaicha ho, nule-pa nei lou ho, in-le-lou
neilou ho chuleh aphat ho lungsetna leh khotona neipum in ana khohsah in ahinkho sungin amaho khantou leh machalna dingin na ahin tongin, atahsa kum 87 athin in Lhalam 5, 1997 chun aleiset hinkho anabei tai.
Army official 1 visa kipeh lou thua India leh China kihou
New Delhi, Lhajing 27 : Lieutenant General BS Jaswal, General officer Commanding-in-Chief, Northern Area command chu China kholjin ding agotna a China in Visa apeh nom poi tin thulhut akimu in ahi. Ministry of External Affairs (MEA) spokesperson in aseina a China toh kigolchatna hi thupi tah chuleh lentah ahi ati. China toh kitimatna hi akhangtou jingin defense tilouvin jong thil dang tampia kitho khomna akineiyin ahi. Kum phabep sunga defense lam'a kikhut lhehna tampi ana um in ahi ati. Aman aseibe na a China kholjin ding army
official kiphal louna ajeh phabep aum'e ati.
Thuso ho a kimu dung juiyin Lt General Jaswal chu akholjin ding Beijing in Visa anapeh lou ahi. Lt General Jaswal chu China toh defence lam'a kithokhom na dinga sorkar in alhendoh anahi e.
Hayana a PNDT Act noiya doctor 23 gotna kipe
Chandigarh, Lhajing 27 : Tuni chun Haryana sorkar in Pre-Natal Diagnostic Techniques (Regulation and Prevention of Misuse) Act noiya doctor 23 ho chunga gotna peh din thulhuhna aneitai. Hiche hi numei naosen apeng lha lou lai ho naobu sunga suhmangna um jing ho venbitna dinga state sorkar in NGOs, thuso miho chuleh panchayats hotoh kitho khom'a hiche PNDT dan hi phatah-a ache thei na dinga natoh anei u ahi. Tuchan geiyin PNDT Act noiya doctor 23 ho gotna akipe um chuban leh mi 2 jong Medical Termination of Pregnancy (MTP) Act noiya suhkhel aneilhon in ahi tin Health Minister Geeta Bhukkal in aseiye. Hiche chung chonna dan dihlou tah-a kimang ultrasound machines 125 akiman in chuleh ultrasound centres registraton nei 216 ho hiche dan asuhkeh jeh un registration ho akikah peh uve tin Bhukkal in aseiye. Hiche hohi NGOs holeh adang dang kithopina jal'a numei chapang ho kisuhmangna venbitna dinga state sorkar in pan alah akon gotna hohi umdoh thei ahi.
