Lhaphul, Nisim 18 : Manipur Police akon thulhut kimu khat chun, Sempatni jan khangkim
velchun, NH-39 a um Kangpokpi Lei (bridge) bomb thang kam kigo dinga ginmo um mikhat, akikamkhel jeh in bomb chu apohkeh in asep lih tan ahi. Thulhut kimun aseina a chun, athipa chu
NSCN-IM hidia ginmo umchu avon ah a kimu Voter ID dunjuiin Doni Monsang (25) s/o Patichung
Anal, Liwa Serei kho, Chandel District mi hiding in ginmo ahi.
Hiche bomb pohkeh chu ‘Improvised Explosive Device (IED)î hiding in ginmo ahi. Hiche mithi long chu bomb chun aluchang leh aphahsam lah abon na asuhtel jeh in alim amel akihethei tapon, Kangpokpi Police hon tuni jingkah a chun ana ladoh uvin RIMS, Imphal morgue a koi ahi photchetna nei dingin akoi taovin ahi. Alangkhat a Senapati District noija um Purul SDO office chu akiphin mihon anasuchim uvin ahi.
Kangpokpi Lei kipohkeh sah got Mi khat thi
