Hiche ho jeh ahi mipi vaihomna (democracy) nasatah-a alhahsam sah ding alangkhatna sepai thaneina apeh be ding ahi tin thulhut akimu e. Akhohna kit khat chu gam dang ho kithopina neiho chunga Taliban galguh bol hon gihna nasatah anei kit un ahi. Hiche jeh chun Afghanistan a um American forces ho supply kibolna jong atongkha in ahi. United Nations sei dung juiya mihem 20 million chuleh Englnd sanga lenjo agamhop nga laha hop khat chu twi in achup ahi ati. Hiche twilet in atoh khah ho semphat nadinga kum tampi lut ding ahitai. Sindh province a Navy Commander Iqbal Zahid in aseina a Khyber Pakhtunkhwa apat Sindh chan chu twiyin asuhset lou aumpoi ati.
Canada gam’a boina sem kigo Al-Qaeda natoh kimandoh
Toronto, Lhajing 27 : Al-Qaeda toh kikhut jop lhon Canada gam'a boina asem kigot u chu mi 2 ginmo a
kiman teni akon in koi gam akon hiuva ham akihe doh tai. Amaho chu Pakistan, Iran leh Dubai akon ahiuve.
Jan hi chun police hon bomb thang kam kigo mikhat amat doh be un ahi. Royal Canadian Mounted police hon aseina a hiche mipha lou ho hin Canada buluna ding tohgon anei u chu lha khat sunga bulu ding ana ngaito u
ahi ati. Hiva Mohammad Alizadeh (30), Misbahuddin Ahmed (26) chuleh Khuram Khan (28) ho chu Ottawa leh Toronto khopi a Canadian mi Zakaria Mosta, Rizgar Alizadeh chuleh James Laraho toh kitho khom'a boina lentah boldoh ding agot u ahi. Amaho hin Pakistan, Iran Afghanistan chuleh Dubai akon kithopina amu uvin akiseiye.
Royal Canadian Mounted police hon 50 electronic circuit board aman doh un hiche manchah chu bomb
thanei tah Improvised Explosive Devices (IEDs) semdoh na a anei got u ahi.
Amaho hin Bulte 2008 apat a chu Canada bulu ding ana ngaito pan u ahitai. RCMP a superintendent Serge Therriault in aseina a hiche kiloi khom ho hi Canada mite leh security a dinga kichat umtah ahiuve ati. Prime Minister Stephen Harpen in jong Canada in galguh bol ho akon in gihna lentah aum jinge ati. Amaho hin Internet amang cha un vannoi pumpia a um soh un ahi ati. Tuchunga Canada bulu ding tohgon hi ani vei channa ahitai. Amasa chu 2006 Lhadou a Toronto a parliament bulu ding Al - Qaeda hon ana ngaito un ahi. Mi II ho chu tuhin gotna akipe tauve. Canada gam'a mihem 34 million lah-a Muslim ho hi 1 million tobang um ahi. Chuleh muslim ho hi kum 20 sunga ajat ni a tanbe diuvin akiseiye.
Jimmy Carter in US mi kilhadoh pa toh North Korea dalha ta
Seoul, Lhajing 27 : Masanga US president anahi Jimmy Carter chu North Korea a US mi khat dan dihlou tah-a agam alut jeh-a kum 8 songkul tang dinga gotna changpa kilha doh na dinga akholjin lolhing tah-in
North Korea mun adalha tai tin state-run Korea in amat pachu amin Aizalon Mahli Gomes, 30, ahi amapa hi China akon North Korea ana vahlut ahi. Carter in amapa kilha doh na dinga Pyongyang a vahchanni a chu anache ahitai.
Carter in US president anahi chun Nobel Peace Prize kipaman jong ana sangin ahi. Gomes chu North Korean lamkai Kim Jong II in humanitarian gelkhona jalía ahin lha doh ahi tin Carter Centre in aseiye. Carter centre hi non-governmental organisation ahin human rights thua kisa boi ahi.
Carter chun Bill Clinton in jong North Korea tuni chun adalha lhon tai. Ningkum chun Bill Clinton in jong
North Korea a dan dih lou tah-a ana vah lut US journalist mi 2 kilha doh na dingin pan anala in ahi. Chutobang machun Carter in jong tuchunga hi Gomes kilha dohna dinga pan analah ahi.
Taliban akon gihna aum jeh-a UN in foreigners ho security velvetna nei ding
London, Lhajing 27 : United Natons chun tupet a Pakistan gam'a twilet jeh-a kithopina jat chom chom a kisalel foreigners ho chu Taliban galguh bolho akon gihna aum jeh in amaho security umdan velvetna anei ding ahi tai. Hinla UN in hitobang gihna um jong leh kiveng them tah-a natoh kichepi jing ding ahi ati. UN emergency relief co-ordinator John Holmes in aseina a gihna kimu chu masang banga chingthei tah a um angaiyin hinla Pakistan miten kithopina angaichat jeh-a kimoh umthim deh lou ding ahi ati. American official khat in aseina a Tehreek-e-Taliban Pakistan (TTP) galguh bol hon foreigners ho twilet kithopina nei ho chunga buluna anei ding ahi tia anasei ahi. Hiche jeh chun Pakistan gamía foreigners ho chingthei tah-a aum diuvin US sorkar in thuphon ananeiyin ahi. Ningkum Ellha a Islamabad khopi a World Food Programme office TTP hon anabulu jeh-a tuchunga gihna jong hi gelkhoh lou thei ahipoi tin Holmes in thuso miho kom'a aseiye. TTP spokesman Azam Tariz in aseina a foreigners hon kithopina anei uhi lunggel chom jong anei jeh u ahi Chuleh amaho kithopina in angaicha mong mong ho kom alhung deh poi ati. Hinla Homlmes in hiche thu hi adih ahipoi UN agencies akon in Pakistan mi 2 million val in neh le chah chuleh twi theng ima amusah ahi ati. Hiche chung chonna 3 million ho lou akipe in, lhambuh 115, 000 akisa in tarpaulin 77,000 akikhom doh e ati.
