Nahet tah em? tukum apat hotel mun thupi hoa a charge uhi 10% a kal ahi. Hijeh chun jankhat a dinga dangka
$30,000 (Indian Rs=14,11,949.959/- hi napai lhah ngap hinam? Sum hijat pi hi hotel vai man a naphal ngam hinam? Ipi hita jongleh achunga sum jat hi tax jao nailou ahi, hijeh chun bill napeh ding phat leh 10 -17% a tamía naki got ngai ahi. Anoiya hohi ningkum apat vannoiya hotel mantam pen 10 hochu ahi.
10. Penthouse Suite, The Martinez Hotel, Cannes Jan khat vaiman: $18,000
(Indian Rs=8,47,169.975/-) Hiche hi alenpen, mantam loi chuleh Cote d'Azur chunga kisa chu ahi. Asunga hi plasma screen televisions, DVD library, kitchen, open bar kiti ho aum in ahi. Anopdan chu chimtih aumpon ahin Art Deco style a kisa jalkhun, dokhang, ponkhai lhong (floor) hojong naljiljel a kisem ahi. Hotel sung achun mi 100 tobang kikhop nathei 2,000 square feet a len aum in Lerins Islands leh Bay of Cannes jong muthei ahi. Saudi mihaosa khat in nom asa val'in kum 5 sung kavai nom'e atin hinlah hotel ho anom pon ahi.
9. Ritz-Carlton Suite, Ritz-Carlton Moscow Jan khat'a : $18,200
(Indian Rs=8,56,582.975/-) Ni khat leh 5 vei an-neh na leh telecommunication kisuh napen chuleh kolphe
meivah ama cham'a neichu Ritz-Carlton Suite hotel ahi.
Hiche mun ahin vetnom umtah tah Kremlin, Red Square, St. Basil's Cathedral leh Christ the Savior Cathedral ho jong akimu in ahi. Asunga manchah hohi Classic Russian Imperial style a kisem ahi. Alet-dan 2,500 square-foot ahin living room, dining area, library, office room leh boardroom, grand piano chuleh heated floor jong aum'e.
8. Royal Suite, Burj Al Arab, Dubai Jan khat'a : $19,000
( India Rs=8,94,234.974/-) Hiche hotel hi alhong marble a kisa, lupna kitol lele thei, dining, cinema chuleh
elevator ho jong aum in ahi. Alet-dan 8,400-square-foot ahi.
Marble a kisem kisilna ho jong Hermes akon ho bou ahi. Jin ho chu gari tol Rolls Royce Silver Seraph hon
agalah jiu ahi koi tobang sum peh be nom hon helicopter a jong ahinlah ji u ahi. Royal Suite hi anom in kalbi ho marble le sana a kijem, carpet jong Versace linens a kisem kei pol banga pol ahi. Hotel sunga hin twi-noi restaurant jong aum in chuleh nga len lentah ho jong ivet nom'a leh aum in ahi.
7. Imperial Suite, Park Hyatt, VendÙme, Paris Jan khat'a : $20,000
(Indian Rs=9,41,299.973/-) Hiche hotel mantam hi 200 sq meters a len ahin In dan 5th na a um ahi. 60-sq.-meter a len balcony akon a ivet suh leh Rue de la Paix leh VendÙme khopi ahoidan akimu in ahi. Asunga hin dining room, kitchenette, bar aum in ceiling jong sangtah a kisa spa, whirlpool bath, steam room shower ho jong aum in ahi. High-speed Internet access leh computer flat screen monitor, multi-line telephones leh koima suhboi nalou dia ka achom chom ajong aum in ahi.
6. The Bridge Suite, The Atlantis, Bahamas Jan khat'a : $22,000
(Indian Rs=10,35,429.970/-) Royal Towers buildings koma um ahin aletdan balcony 800 square foot chuleh ceiling asang dan 12-foot ahi. Forbes thulhut dung juiyin hiche mun ahin Oprah, Michael Jackson, Celine Dion leh Bill Gates ho availhunji jeh un aman tam ahi ati.
Asung achun room 10 aum in asan,avom chuleh sana a kijem ahi. Living room let dan chu 1,250-square-foot ahin grand piano leh twin entertainment centers jong aum in ahi. Bedroom sung alet dan chu car jong koithei khopset ahi.
5. Presidential Suite, Ritz-Carlton, Tokyo Nightly Rate: $25,000
(Indian Rs=11,76,624.966/-) Tokyo khopi sung 53rd floor channa sang achun hiche hotel hi um ahi. Asung achun bedroom, living room/dining room kijop mat, marble bathroom chuleh Sony BRAVIA 20 inch flat screen television, swimming pool, fitness studio jong aum in chuleh alet dan chu 3300 sq ft ahi.
4. Villa La Capula Suite, Westin Excelsior, Rome Nightly Rate: $29,000
(Indian Rs=13,64,884.960/ -) Hotel alet dan hi 6,099 square feet alo-in chuleh balcony leh terrace in
achombeh in 1,808 square feet a len alo kit in ahi. 1998 kum chun dangka $7 million lut-in ana sem pha kit uvin ahi. Private kitchen, dining room, Murano glass chandelier, private wine cabinet chuleh wine 150
tobang in-dan noilam a aum inahi. Chuleh hiche chung chon'a chun cinema, Dolby sound a ging jong aum'e.
3. Ty Warner Penthouse, Four Seasons Hotel, New York Nightly Rate: $34,000
(Indian Rs=16,00,209.953/-) Architect I.M. Pei, Peter Marino leh hotel neipa Ty Warner hon dangka $50
million lut a asah u ahi. Room 9 hochu pearl, gold leh platinum-woven fabrics a kijem ahi. Hiche hotel hi
52nd floor a um ahin New York khopi a dinga hotel sangpen ahitai. Asunga spa kijen na, vetnom um twi long
lha jong aum in ahi. L'Atelier de JoÎl Robuchon restaurant tin jong akihe in ahi.
2. Hugh Hefner Sky Villa, Palms Casino Resort, Las Vegas Nightly Rate: $40,000
(Indian Rs=18,82,599.945/-) Koi tobang Las Vegas muna suty mang nom aum leh hichu Hugh Hefner mun
hiding ahi. Atamjo in Sky Villa ahin jan teng leh vetnom umtah tah ho ve ding in apot doh jiuvin ahi. Hiche hotel hi simple tah a akisep vangin avai man hi atam in ahi. Hiche sah nading ahin dangka $10 million alut in
ahi hinlah jan khat In-lo man hi dangka $40,000 (Rs=18,82,599.945/-) ahin ahi. Dan 2 a kisa 9,000 square foot a len glass elevator, lupna kitol le thei ceiling lanva a kisem, bang ong glass ngen'a kisem, massage le spa rooms, work-out room leh poker table, fireplace, 3 bedrooms, chuleh pop-up plasma TV jong aum in ahi.
1. Royal Penthouse Suite, President Wilson Hotel, Geneva Jan khat'a : $53,000
( Indian Rs=24,94,444.927/-) Hiche hotel hi vannoiya aman tam pen ahitai. Asunga hin bedroom 4, bathroom 6, mosaic marble floor a kisem, window jong bulletproof ahin ahi.Hotel hi phatah a kijem ahin alhong jong marble leh hardwood a kisem ahi. Room sunga chu billiards table, library leh cocktail lounge aum in twi long lha jong aum in mi 40 adol jou in ahi. Dining room achun mi 26 touna jong aum'e.
Hotel staff hon jin ho koma vannoiya um khalou venbitna phatah akikoi e ati. Hotel ban chat a hi United
Nations headquarters um ahi.
