hin pathen ni in half-time a 3-1 a lead bolna in aneisah uvin ahi. Vanghom nia Round-robin a jong chun No. 2-ranked Argentina hin top-ranked Dutch hi 4-2 in ana jou kit in ahi.
England in Germany chu 2-1 in third-place playoff achun ajou in ahi. New Zealand in China 4-3 in fifth-place playoff achun ajou in, hiche hi amaho adinga kum 2002 apat Champions Trophy a jona aneimasat pen u chu ahisah e.
Indo-Lanka Test ni 2 chan na kichepna chu go in vaigei sah
NEW DELHI, Lhamul 19: Galle International Stadium, Sri Lanka muna Sempatnia kipan India leh Sri Lanka kichepna three-match Test series chu first Test a nikho anichanna a khovah gei a go ajuh jeh in akichep nao chu avaigei jep tan ahi.
Tunvang go aphatan ahivang in Galle muna chun tuchan in mun phabep lah chu akikhu nalai in, akichepnao hi lunch aumkon don le kipan ding in ginchat aum in ahi. Akitom mun phabep lah akot nalai in avetsah chu outfield mun themkhat lah chu ache nalai e tihi ahi.
Pathen nia outfield achet nalai jeh in akipat nadingu phat chu minutes 30 tobang in avaigei jep tan ahi. Test akichepna dingu nikho nga sung hi weather ahoi pon ahi. Pathen ni jingkah chun, Tharanga Paranavitana leh skipper Kumar Sangakkara hin century ajepdoh lhon in ahi. Sri Lanka ten, go in asuhboi first Test kipatna nikho, India tetoh akichepnao chu ana lokhum in ahi.
Left-handed teni hin 181 runs ana jepdoh khom lhon in, Galle International Stadium muna go in akichepnao 22 overs a asuhtang masang in first innings chu Sri Lanka in runs 256/2 in lead ana bol in ahi. Sangakkara in Runs 103 ajepdoh in, hiche hi ama adinga 22nd Test century ahin chuleh India tetoh akichepna sunga aliveina a ajep doh chu ahin, alangkhat a Paranavitana injong ama adinga apatna test century chu 110 chu ajepdoh in ahi.
Paranavitana leh a opening partner Tillakaratne Dilshan hin kitho khom in 10 overs sunga chun 55 runs ana jepdoh lhon in ahi.
Indiaís new seamer Abhimanyu Mithun bou hi Indian bowler lah a bowling hoitah a bol chu ahin, amahin akipatna over li ase na achun runs gup bou ape in ahi. Kalnataka akon kum 20 a upa right-arm seamer pa hin, Dilshan wicket chu ala in ahi. Sri Lankan captain, 12 boundaries jep doh pa Wicket hi, tea break jou in part-time spinner Virender Sehwag in ana la in ahi.
15,000 home fans tobang hin world bowling record holder Muttiah Muralitharan, 800 wicket alah nading’a wicket 8 bou kivat pa kichep chu ave uvin ahi.
India, Test adinga top rank side tehin, kum 17 jou a Sri Lanka mun a Test series jona neitei ding chu agong uvin ahi. India in khatvei bou lolhinna anei u chu Mohammad Azharuddin lamkaina noia kum 1993 a chu ahi. Hiche three-Test series hi gamteni adinga kumni sunga athumvei channa akichepna lhon chu ahi. India in ningkum a alethuh nadinga 2-0 a ajo masangin Sri Lanka in lhajing kum 2008 in agam uva 2-1 in ana jou uvin ahi.
Mourinho in keiho kithopina athum in ahi: Kenyan jujuman
NAIROBI: Real Madrid’s new coach Jose Mourinho in Spanish muna atohmun thah a lolhinna anei na ding in Kenyan jujumen kom kithopina athum in ahi, tin pathen ni in amaho lah a mikhat in aseiye.
Mourinho, tulha sunga ainsung mite hotoh Kenya muna three-week holiday mang-pa hin, Ukunda, south coast muna, paradise resort region a aumna nikho kichai ni in mili akimupi in ahi. ‘Keihon amahi munthip khat a kakimupi uvin ahi, ajeh chu media hon ahet ding adei lou jeh ahi. Amahi tourist van a ajinu toh ahung lhon in ahi,’ tin Mzee Makthub, a reputed Mombasa medicineman, politicians mitamtah holeh footballs ho thumop thempa chun aseiyin ahi.
‘Amain in atohmun thah a hi lolhinna anei thei nading in keiho koma kithopina chu athum in ahi. Koi hijongle natoh thah neijouse, politicians ho jing in jong keiho koma phatseh in kithopina hi athum uvin ahi. ìMourinho in Real Madrid a natoh thah hatah chu kakilah ahi ati, chuleh ama in ana tohkhom ding mipiho akon jana amu ding adeina chu asiyin ahi.’
Kum 47 a upa Mourinho hin, Kenya muna ahung kholjinna sunga hin alim lah ding ahilouleh thuso mihon interview bol tia asei u chu anom pon, hiche achun famed Masai Mara game park ajong chu apang in ahi. Italian club, Inter Milan in ana umkhalou amaho club a achesa season a cup thum thakhat a alahnao chunga ama in ana lamkai in, Real Madrid muna four-years contract adinga ahung nili masang, achesa pathen ni inchun Europe muna akile tan ahi.
Ex-India hockey star khat in umpire pa buluna nei
CHENNAI,July 19: Former India hockey player Sunil Ekka chu pathen ni in mibulu pa ahitai. Ekka, Army XI adinga kichem pahin, a hockey mol achun veteran umpire RS Suriya Prakash ajep in ahi. Umpire pa chu nasatah in akitong kha in chuleh ave mipi ho chu alung nom molheh uvin ahi.
Hiche thilsoh hi Army XI’s Preetinder Singh in ONGC’s Mukesh Kumar asukhah jou a anigel lhon a field akon akinodoh jou lhon a chu soh ahi. Defending champions Army XI hileh ONGC hi All-India MCC- Murugappa Gold Cup a hi kichem lhon ahi. Defending Singh leh Ekka hin Prakash, kum 1993 a best national umpire tia ana kilhengdoh pahi akinel pi lhon ahin, hetmanlou in Ekka in Prakash atuh khuh chu ajep in ahi.
Prakash chu apet pet in hospital a apo uvin, hiche achun alu natna chu akijen in ahi. ‘National level a kum 21 tobang hi umpire kahin potan, ahinla hitobang umchan hoilou tah hi kahin toh khapoi,î tin Prakash in aseiye.
‘Sunil hin India min leh Army min in kichepna anei in ahivang in a discipline vang alhasam in ahi.' Tin aseibe kit e.
International Hockey Federation’s code of conduct level-2 offence dungjuia official khat abulu jeh in, ‘Sunil Ekka chu hiche tournament sunga kichepna adang jouse ahin ban akibol tan ahi. match officials akon thulhut akimu teng, achaina a gellhahna kinei ding ahi,’ tin tournament director Mohammad Muneer in aseiye.
‘Hockey India a kinjong thulhutna kanei ding ahi. Hiche hi all-India tournament ahijeh in, keihon lha gup sung adding in ban kabol thei hih uvin, ahivang in HI atampen a lha gup tobang ama ban boltheina tha chu kanei uvin ahi,’ tin Muneer in asiye.
MCC-Murugappa Gold Cup hi India hockey tournaments lah a amasapen chu ahi. ‘Hiche chon chan
hi kiphal lou chu ahi. Eiho national game hi aboi jing in chuleh hiche tobang thilsoh hin kichep golseh lam hatah a asuhkhah thei ahi i.’ tin aseibe kit e. Pankaj Tyagi from New Delhi replaced Suriya Prakash on the field and ONGC went on to win the match 3-1.
Shoaib Malik in Afridi second Test a khel tading
Karachi, Lhamul 19: Headingly muna Australia tetoh second leh final Test akichep nading uva hi Pakistan captain lui Shoaib Malik in Shahid Afridi hi captain ahina akon akhel ding ahitai. Team management akon thulhut kimu chun aseina a, kal masa a Test series ni alel jou u akon team lamkaina hi Malik in anei ding ahitai. Mohammad Yousuh leh Younis Khan panlouna aahi, Pkistan players Lah a Malik hi seniormost players chu ahin, amahi practice seasons sunga hoitah a pan alah lou jeh a team management hon opening Test playing eleven a chu anapan sah lou u ahi. Ajinu Sania Mirza umna ahi, Malik in hoitah a kichepna anei ding tihi Pakistan team management hon atahsan u khat chu ahi.
Epi hita jongle, thulhut bang in, Malik hin cricket lam a hoitah in gelkhohna ahin neipan tan chuleh amahin second Test a Afridi hi captain ahina akon akhel ding ahitai. First Test akichep jou in Afridi in Test cricket akon kichol ngahna neitah dingin phondohna ana nei in ahi. Headingley muna vahchan nia kipan ding Test ahi Pakistan starting eleven a Danish Kaneria panmun off-spinner Saeed Ajmal in akhel dinga ginchat umchu ahi.
