Ichennao Manipur gamneocha ahivang in masang pule-paten Manipur thinglhang gam analosoh uvin Haosa minthang tah tah chuleh gamvaipo themtah tah Pathen in einakoipeh uvin hiche gamle-go chuleh neile gou chingtup dingin tukhanga chate eiho hi ngansena eina peuvin eithisan gamtaove. Ahin apu apa haosa minthangtah anahi vang'a adalhah tukhang acha atuten igam jouse ijoh chaigam taove.
Hichehin avetsah chu gam ngailut loujeh le khonung ding mu phahlou jeh hileh akilom'e. Vangset umtah in achesa 1992 apat Naga hon gal'a eina boljeh un pule-pa gou ipennao gam ihin nuse gamtaovin, tun suhnading helou khop'in Manipur gam-ning-ning'ah adeh in Churachandpur le Sadar Hills district sung'ah tehchet in chagatah in icheng khom uvin ahivang in tunjong agam ngatup ding dan igelkhoh pouve. Tun ichen nao gam Sadar Hills Saikul A/C jong akunlang Molkon changei revenue aluttan, Kangpokpi A/C jong akun Gun vadung hungkipat nachan revenue alut kittan, Churachandpur Dist. phaijui se se abon in Bishenpur Dist. Ah ahunglut pantan, Chandel Dist. Jong phaijui se sejong kilung letsah tah in akipedoh gam tan, hiche hi achaina ahipon tuchung 2010-general census toh kisaiya ahung chalbe joh nalai ding ahihi suhmil lou aphai. Ahin Kukihon ibolthei pen uhi gam johjong ihat uvin haosat dingjong ideiuvin, ahin igam uvang ingailu pouvin Govt. scheme khat toh ilheh ngapcha jengun ahi.
Alangkhat'ah akum sim'in gamle-nam natong ding kahiuve tin gamnoimi ipungcheh cheh uvin ahin igam'u ite ahijong ikihet pouvin akumseh'a revenue alut'a aneosuh cheh cheh vang'in ikhohsah povin, hiche dinmuní' achallhah pehding leh tua pat kum-20 jouteng kukite idin mun diuhi munasasaía ikimu mosahíu ham or ihet lou tahtah uham?
Alangkhat'a datmo umtah khatchu hiche thuhi Milhamíin gelphah na nei tahih jongleh mipi lungngapna
chuleh kisonpi umtah Minister/MLA, Govt. Officer ho chuleh Social Worker hon itidanía ihetlou uham ahilouleh eima phatchom nading'a Judas Iscariot bangía igamíu mipi ho hetmasangía
apaidoh'a pang gam ihiu hitam?
Yours Faithfully,
L.Y.Khongsai
Khongsai veng, Imphal
