neipaiyin ahi. Hivachun agamsunga Haosa, Kuki Inpi President, Doctor le Jilkung hon alhangai chatna thuho aphongdoh uvin ahi. Achesa Lhaphul nikho hoa boina jeh'a kihal lha Veterinary, School le Dispensary ho angaichat kit danho asei uvin ahi.
Kuki Inpi President pu in houlim aneina achun masanglai 1940 kum chun mi 2 bou Kangchup a hi ana khosa
ahin tua boina sosah kigo meilhei phabep hon Meilhei ho ana kicheng masai atiu chu jouthu bou ahin tua hikom muna hungcheng jouse jonghi Thinglhang miho a patsa gam akichoh uva cheng ahiuve'tin aseiyin ahi. Hilai muna gamgi phatah akisemdoh loulai se'a 'Sadar Hills ADC Chairman in agamsung boinamun gelkhoh masapen boina umvah ding ahitai tinjong aseiyin ahi.
Pu Biren jong ahung lhan ahoulimna achun hitin aseiye, "kihet khelna um maithei ahin chule katoh khel ujong um maithei ahi, hinla akinathei ihi pouvin chamdel'a chengkhom dingjoh ihi bouvuií tin thuseina aneiye.
Hiche kihopna achun Pu Ngamthang Haokip, Ex- Minister ahunglhan aman houlim aneina achun Sadar
Hills Chairman Pu SH Seipu chungah kipana sangtah apen ahi. Chairman panmun ahinlo patchun Sadar Hills gamsung huhbit nadin pan ahinla masa penin achung chonin Saitu Constituency first priority ahin peh jalin kakipah lheh in ahi ati. Chukitleh tua kitho khomna banga hi natoh tincheng le party khat hina chunga kitho jingding injong temna aneiye. Congress hi chamna dei party ahi jal'a lung monga chenkhom nadinga pan kila ding ahi tinjong aseiye. Achesa nikho hoa ana kisuse kihal lha jouse hochu akin thei penna kisadoh kitding ahi tinjong aseiben ahi.
Lamkaiho thusei jouse ngailhahna anei jouchun Pu SH Seipu in hilai muna hi boina aum kahet jehía hung kalsong kahi tin aseiye. Aman aseibe nah achun India danpi noiya jatnem ST/SC ahiloule Dalit tiho a ei
kihepha ahiuvin akinathei ihi pouve, hiche chungchon'a eiho hi chondan le khandan kithakhat ihi nalai uve atin ahi. In kisaho kisuchim henlang kihal lha jongleh ikitho khom uva asanga hoijo cheh isah doh diu ahi tinjong hetsahna aneiyin ahi. Gosem thuso in boinamun ho vetlhah nunga ipi ngaidan naneiem tia thudoh aneichun Pu SH Seipu in School kiti hohi Public Interest a ahin hijeh a chu mipihon avetsui anagiye ati. Chuleh Ex-Minister le MLA hotoh hung khom kahiuvin jatkhatle jatkhat kikah a boina semdinga hung kahi pouvin katoh-gon hohi mipin kithopina neipeh diu angaiye tin aseiyin ahi.
Moreh boina kichaita
Imphal, Lhamul 18: Meitei Council Moreh tia kiloi khomna noiya umhon achesa nikho hoa Kuki National Army (KNA) hon manchah pumin thading matding eigo uve tia kiphin na Bandh aphon u chung chang thutoh kilhonin Lhamul nisim 16 nilhah nidan 6:00 a kipatsa nidan 10:30 changeiyin Moreh Trade Centre, Conference Hall muna kihou khomna ana um in ahi. Hiche kihou khomna chu Chief Minister pan athulhah bangchan Manipur sorkar thalheng din Pu Ngamthang Haokip Ex-Minister leh Pu Bijoy Koijam MLA, Chairman Deputy State Planning Board, Manipur agapang lhon in ahi.
Kihoukhomna achun Moreh Hill Tribe Council (HTC) lamkaiho jaonan Meitei Council Moreh lamkai holeh Community lamkai chengse jong ajaosoh keijun ahi. Akihou nauva kona thulhut kimu dungjuiya chu boina hung kipatdoh nahi Pu Paosat Mate kum 30 a upa chu meilhei thingnoimi hon akaimang nauva kona ahungjamdoh a kipatsa hung kipan in akimui. Chukitleh Moreh khopi a boina ho jousehi Community Leader Moreh ho heng'a lhut masat ding kitichu
communication gap anaum khahjehía kona boina hung kipan ahi. Hinla alang alang in boina chu akilah doh
diuvin kinop tona ana nei uvin ahi.
Kihoulhah nadung juiya agan nathei chan'a Moreh khopi sunga chamna leh khantouna aumthei nading
in All Community Leader hon Pu Bijoy lamkaina noiya Chif Minister pa phatsahna alah a kiloi khomna thah khat Moreh Hill Town Development Authority/Committee tiham khat phudoh a hiva lamkai hochun koi thingnoimi hihen overground hijongleh alen alal mihaosa ho henga sum kithum aumteng avetlhah diuva phatsahna anei u ahi. Hiche kihou khomna achun Pu Ngamthang Haokip in houlim aneina ah bulpi sorkar in 'Look East Policy' angaito nah a hi Manipur hi top priority apeh ahin hivahi development fund tamtah ahin kithopi dinga um ahi, hinla hiche muna nakinah jing uva law & order phalouva aumleh Moreh sunga cheng mipi hojoh vangseding nahiuve. Hisangchun nabon Chauvin kipunkhom unlang kitho khom uvin tin houlimnachun aseiyin ahi.
Hiche kihou khomna a hunglha hochu ahileh Chandel Deputy Commissioner, SP, ADC Moreh, Additional SP
Moreh, CO 31st AR le Major Moreh Post le adang lamkai ho ahiuve.
Sericulture Department a natongkhat kikap kit
Imphal, Lhamul 18: Kyamgei Awang Leikai, Imphal West a Agriculture officer khat melhet louhon grenade asekhumna nikhatjong lhinglou laijin Sericulture department a natong dangkhat chu melhet louhon Lamlai police station Imphal East District a kon'a k.m.3 velía gamla Tera Makhong chun methetlou hon akap jeh in nasatah in akisukhai. Amahi Yaingangpokpi Awang Leikai munna (L) Amutombi chapa E. Shyamkeshwar (55) ahi. Sericulture department, Yaingangpokpi a natong ahi. Anung langa kikaphi ajetlang opma paidoh ahin, Shija Hospital Langolía kijen ahin athi ahin seithei ahinaipoi. Insung mite seidan in, Shyamkeshwar hi a inn'a konamelhetlou mi 4 in namphu a ajinutoh a car sunga akailut lhon ahi. Melhetlou hohin nilhah 9.30 don nachu na Alto car a munkhatna neithahdiu ahi atiuleh ajinuhin achanga chethei ponte keijong kahung angaije atia ajui ahi.
Thulhut kimu dungjuiyin Tera Makhong aphahphat uhin gari akhamsah uvin chabi eipeuvin atiuleh khatte nupan
hin akinahpi phat hin alunghang uvin thalchang ijat hamchu chunglangin akapmun ahi. Kichat husan'a ajam lhonleh ahinkap uva hiche jouva chu amateni Alto car a chu jam mangu ahitai. JN hospitalía ajen uleh akhohset deu-deu phat'a Shija hospital langa achon'u ahitai. Thilsoh demna'n Yaingangpokpi mihon Pathen nichun Yaingangpokpi bazaar munah toumun kiphin abol'un nitin kimanchahna aboikheh e. Yaingangpokpi leh Imphal kikah a mipo gari hojong achesah pouve.
Akiphin hohin lekha a 'chamna kadei uve' chuleh 'Nachon valnao ajeh seichenun' kijih adom un ahi. Alto car hi Shyamkeshwar a ahin a registration number hi MNO1W-5698 ahin, police hon amudohtaove. Alang khat
ah Yaingangpokpi a um 23 Assam Rifles hon Saijang leh Nongada munna Pathen ni jingkah 9.30 vella operation abolnaovah Activa No. MN04B-5166 leh Yamaha motorcycle No. MN1J- 1684, galguh bolhon adalhah uchu amudoh un ahi. 23 AR official thuso dungjuijin mikap hohi KCP City Meitei Faction ahi tin asei uve.
21 Assam Rifles hon JE natna chunga thuhil nei u
Imphal Lhamul,18 : HQ IGAR (South) noiya 21 Assam Rifles of 9 Sector hon Wangjing Khunou muna
Japanese Encephalitis leh HIV/AIDS natna chung chang thua houlimna kin anamang uvin ahi. Hitobang natna akon kiven dingdan thuchu Unit a Medical Officer hon agon naban uvin natna akipeh son dan le lou leh ai a kiven dingdan hojong mi 300 val chungah seikhomna anei uvin ahi. Hiche kiloikhomna a hung pang hochu Wangjing Khunou, Pangaltabi, Mahu Tera chule avelía kho phabep akonía ahi tin thulhut chun aseibe in ahi.
Samiti in kum 50 lhinna nit
Imphal, Lhamul 17 : Tuni in JN Dance Academy mun'a Samiti in kum 50 alhin'a nikho aman nauva Naharol
Sahitya Premei Samiti in 'Writer of the year' kipaman chu Sahitya Akademy Awardee chuleh lekha sun mi
Khumanthem Prakash ana peuvin ahi.
Padmashree Awardee, Aribam Shyam Sharma chu Jin-gun in apang in ahi. Sharma in aseina a literature
hin mijouse lekha lama akhantou sah in ahi ati. Mihem khat in lekha asim na akon haona akimudoh-e ati.
Aman aseibe na a internet ahung um doh akon in lekha bu sim nahi hung lhom jep jep ding ahitai ati. Samiti in
a member chan khompi hothepna neiho akipapi uvin ahi.
Hipster Hostel’a numei chapang kisuse
Imphal, Lhamul 18: Pathen ni a Nirmalabas School a class VI simlai numei chapang khat school vaihom'a pang khat'in asuhset jeh in nulepa achanu teu Hipster Hostel (Girls' Tutorial Home), Keishamthong Irom
Pukhri Mapal munna koihochun akilahdoh gamtaove. Hostel'a umho seidan in numei chapang nuhi tu-tua Keishamthong Irom Pukhri Mapal a pansa Khagempalli Panthak a konna Th. Angou chapa hostel vetupma pang Thokchom Roshan chun Lhamul nisim 17 jan 11.30 donachu adammojeh a jending ahi tia ahinpuidoh a
asuhset ahi atiuve.
Kichatnan alodim jehchun numei chapang nuhin anulepa gangtah in ahetsah poi, ahin ginchatlou beh a ajinga
anulepan hostel'a ahungvil chun achanu maimoldeh a aumma konchun ahedoh hontai. Hitahchun, numeinu nulepa leh pasal miphaloupa insung mitechu akinaovin achainan Singjamei police ho acheuvin agasuthip
taove. Police hon Roshan chu amantaove. Alang khat'ah Roshan nuneo Konjengbam Ongbi Rangini hin Roshan mpanpina a ahoulimna achun amahi miphaleh milungset them AIR Imphal a clerk natong ahin, eisuh
minsetnom jeh uva amahi angoh u ahi ati e. Hipster Hostel hi Nirmalabus leh Lee Faith School a konna
numei simlai mi 25 umna ahi, tin asei ben ahi.
All Manipur Students' Union (AMSU) hin hostel vetuphon numei chapang chunga chonvalna aneihi demna aneijun, AMSU, HRD secretary, Dipanjit Ningthoujam hin thilsoh hi simlai chapang hodin lunglhahna theitah ahin hitobang aumkitlouna dinga action khoutah a kalahdiu ahi tin aseije. Hipster Hostel hi avella kihong kitlou ding ahitai chuleh AMSU hin numei hostel dangho jong vetchilna kinei ding ahi tin aseiben ahi.
Thingnoi khat kiman
Imphal, Lhamul 18 : CDO Thoubal leh 15 AR kitho khom ho in Khongjom Bazar muna operation abol
nauva United People's Party of Kangleipak thingnoi khat amandoh uvin ahi. Thoubal District Police akon thulhut kimu dung juiyin akiman pa chu Yumnam Chan Singh @ Bimolchand (42), S/o Y.Ningthemjao Singh,
Moreh Ward No.VIII a um ahi akiti.
