Inpi sungah ngehna thuphon tunichun anabol in ahi. Chuleh thu kholchilding kinganse ahitah jeh in hiche chungthu ahin ken ima kaseiding dihthei ponte jong atin ahi.
MPP member RK. Anand in thudoh aneina ah, a department in aphondoh masanga a result thuso miho heng alhunthei kitihi thunei-vaihom ho dia jachat umtah ahin, koi khut'a pat anathangdoh ham ti phatea kholchilna aum angai'e atin ahi. Chuleh hitobang a tahsanna peh theilou hochu gotna akilomtah pehding ahi tinjong aseiye.
MLA I. Ibohalbi Singh chun result jouse hi sim-leh tai ahitapoi tia phonding adeina atah lang'in ahi. Ng
Bijoy Singh chun ahileh DPC committee kisuhtah jong anaumlou ahi atin thunei vaihomho themmo achan in
ahi. Hijeh a chu hiche result hi simlou dia thulhuh neiding aphai tinjong aseibe in ahi. Opposition lamkai leh NCP president Radhabinod Koijam in chief secretary lamkaina a thukholchil lom kisem chu ipitah kholdoh
pouvinte tin kineplelna aphongin, thunei-vaihomho ginchatlelna thujong aphongin ahi.
PhaitolsungahJEnatnahisealangetiaphondohhita
Imphal, Lhamul 14: Leisemni a Regional Medical Research Centre (RMRC), Dibrugarh a konna hunglhung adammoho thisan report chu JE natna ajaove akitijeh in phaitol sungah Japanese Encephalitis natna hise
alangtai tin official thuso chun phondohna aneitai. AES natna neidinga ginmo mi 27 thisan RMRC a kithot
lah a chun mi 3 athiho pummin mi 24 thisan hin AES natna ajaove. Hetding khatchu achesa lhakhat sunghin adeh a Imphal East, Imphal West, Thoubal leh Bishnupur a hi AES natna alange tia ginmo anahitai. State vector borne diseases control society'n report apeh dungjuijin phaitol sunga hin AES vei mi 100 val akimudoh
in chuleh AES natna a thihi mi 10 alhingtai. Natna venna dinga kisalel hohin AES veidinga aginmo houhi
athisan alaovin Regional Medical Research Centre, Dibrugarh leh National Institute of Communicable Disease, New Delhi ah Japanese Encephalitis natna hitpi jaomongnam tia kholdoh dinga athotnu ahi.
Leisemini a thusoh lakhomho komma a office a ahoulimna ah director of state health services, Dr. Y Yaima hin RMRC, Dibrugarh a kithot mi 27 thisan result chu ahunglhungin, mi 19 thisan NCID, New Delhi a kithot
vangchu ahunglhung hihlaije, tin aseije. State health services'n abanna pan alah dingdan aseina ah Dr. Yaima
hin Japanese Encephalitis akilah matdan leh kiven dingdanhi hetsahna dingin department hin Information
and Education Campaign (IEC) hi akipantai. Department jonghin state vector borne diseases control society hohin state sung jouse a fogging hatah a abolna diuvin akihilchah uve, tin aseije.
Dr, Yaima jonghin district jouse a CMO hotoh state sunga Japanese Encephalitis natna hise alanjeh a kimaitopi dingdan seikhomna Vahchanni jingkah chun kanei uvin, CMO jouse hin amopohnao gamhop sunga JE daldohna dinga abol theichan abolna diuvin akihilchah e, tin aseije. Dr. Yaima hin mipi kommah natna hise lanjeh a kichat tijatna aneilou diuvin atemme ajehchu JE natnahi akijen vahleh adamdoh theijin chuleh JE jenna ding louhi pharmacy tamtah hon aumme tin aseiben ahi. Official report dungjuijin mi 9 hi AES natnan athin chuleh AES natna a dammo mi 61 hi hospital chom chommin akijenne.
Manipur Assembly a boina chejing
Imphal, Lhamul 14 (NNN) : Manipur Assembly monsoon phatcha a achelha jing jeng vangin, Opposition
lamkai Pu O. Joy House proceeding a ajaolou lai jeh'in Legislative Member (MLA) phasahbepin phamo asahnao Vachani nichun thuso mite hengah seiphong na ana nei uvin ahi. Tulehtua Manipur sorkar a Revenue portfolio chanvou vop Pu Th. Debendra tunichun Pu O. Joy in alungel akhel'a House proceeding a pang dingin athah beh in tepna le ngehna ana neiyin ahi. O.Joy hin tulha Lhamul nisim 8 nichun Manipur Assembly Speaker koma, Ruling Party hon tuchunga Manipur boina toh kilhona MLA mi 7 ho State Legislative Assembly member angahnao ajeh donbut hen tia ngehna ana neiya ahi. Hinlah, Assembly Speaker Pu'n ima sahlou hel'a donbutna ana neijeh'a Pu.O. Joy hi lhase ahi. Hiche jehin, Pu O.Joy hi House akonin ana apotdoh tan(walk out) ahi. Chuleh Congress Party hon Manipur boina anahsah pouve atin, Manipur Gam suhkehna dia natong ho tia jong kase'a ana sap khum ahi. O.Joy hi Manipur adia politician lah'a a senior leh Manipur politics hegil mikhat ahi. O.Joy hi MLA a 7 veijen ana kilheng doh sah ahi.
Amahi kum 35 tobang MLA ana hi ah ahitai. Ama tobang senior member in Hitia House boycott abol hi nopma akisai tin Th. Debendra in aphongin ahi. Adeh set a Manipur budget thu khoh tah House in aseilai tah'a
senior le experience member ho akona jong lunggel Ruling Party in aphatchom piding ahi. Thuso vainunga kimu abahle, Pu O.Joy hi nisim 15 apat House proceeding a pang kit dia jong kinep aum tan ahi.
