nei ding ahi. Sadar Hills District council hi khantousah ding itiuleh mipi tehon panlahnah nanei uva ikitho khomdiu ahi' atin ahi. Igam sung'u Sadar Hills a hi chamdel'a ium khomdiu kadei pen ahi. Alang alang'a khantouna Bulpi sorkar a kon hitah ta State sorkar a kon hijongleh kithopina dinga tohgon, thilgon hohi lolhing tah'a kahin bolding ahin mipi honjong tosotna adeh'a Haosaho, kiloi khomna chom chom'a lamkai, Kuki Inpi, KSO, le adang ho jousen jong nasatah'a part ilah diuvin temna kaneiye tinjong aseiyin ahi.
Chukitleh aman aseibe na ah, 'janhi chun CM pa jaonan minister le Congress lamkai hotoh toukhomna kanei nauva chun khantouna ding thupi penin kasei uvin abanchun cabinet dinga mi 5 kikoi jonghi agan nathei channa kilhengdoh dingin kasei khom uve. State sorkar a konna department 26 hohi district council ahin pehdoh dinga um ahitan hiche toh kilhonna chu machalna kipatding ahitah jeh in ahung lhungding Gansemni nisim 16 nikhoteng Vice-Chairman lhendohna kanei ding ahitah jehin hichi kingon a hunglha tei dingin Congress lamkai, Sadar Hills sunga Haosa-Upa jouse le organisation a lamkai jouse hunglha tei dingin temnajong kaneiye atin ahi. Hiche kin'a Chief Guest a pang Pu. Thangminlen Kipgen chun Saikul MLA le keima Sadar Hills district a dinga kapen honsanghin mi 26 toh kipen thaleh o-ngei cheh ding ahin District deldoh gottei ding ahi ati. Hiche nading ahin iparty haimil u hitin Sadar Hills joh kitoh tahin delkhom u hiute ati.
Pu. H. Rupachandra injong District 5 hon power neicheh uva Sadar Hills dinga hi kitoh tah'a pan nalah khom diu ahi tinjong tilkhouna thu aphongin ahi. Achuti loule DRDA fund jong namu loudiu chule fund jouse jong
sahlang (Northern) Dist. Sunga umhon bou amu kitdiu ahi ati.
Hiche kingon thupi tah le lolhing tah'a gongdoh Pu. Chongpu Kipgen chung'ah kipathu chu Chairman le Chief
Guest a lhahin anei uvin ahi.
Lamka a insong khat meijin ka
Lamka, Lhamul 14 : Tuni nilhah lam nidan 6:30 vellin Lamka a Elrey Building kiti Pi. Phumchangii insong dan 2 le achung nungpa chu mei in aka'e ti thulhut akimui. Hiche insong kahdan hi akom'a Jay Hotel kitchen a patsa hung kipan ahin thil poimo tamtah jong akamang jengin ahi. Inkong phelmit din CCpur fire brigade bouvin ajo joulou jehchun aki thopi din Bishnupur le Moirang Fire brigade jong ahun lhungpeh uvin ahi. chubanin BSF ho tanker jong ahung jao phapeh in ahi.
Haosa 29 in lunglhai louna lekha C.M. petao
Lamka, Lhamul 14: Tuchan geihin kho 29 a haosaho census 2011 kibolna chung changa lunglhai louhon chief
minister O Ibobi kommah Vahchanni chun lunglhai louna lekha asep lutnun ahi. Bishnupur district a min
lakhomho iti amaho hetlouva akhosung uva hunglut uva minlahna ahungnei theiju ham tihi adatmo lheh un ahi.
Churachandpur district a haosa 29 hohin ccpur pamlanga min lakhomhon guhthimma ccpur sunga min alahjeh uvahi minlahna a hi overlapping umma ahin, India'n chamlhatna amu a pat'hin hitobanga suhkhel nahi aumkha hihlaijin, hichihin lungnoh phahna adeh a min avel vella kisutlutna umma ahi atiuve. "India sunga minlah khom
akibol lona penchu manlou asodohtan chuleh min kilah dungjuija vaihomna suhdetding kiti jongchu asunoh phah a hungpang bepdiu ahi" tin haosa hochun lunglhai louna lekha C.M. apeh uvachun ajaosah un ahi.
Thinglhang khoho Bishnupur ahilouleh phaitol district dang noija kijaosah gothin masang laija patna haosa ahung hinao atongkhai, haosaho jonghin tribal gamho a hin ADC aummin phaitol sungah haosa thaneina hetpehlou PRI aumme, chuleh akho houhi India'n chamlhatna amu masanga kiphutdoh ahitan, Manipur lengpan 1949 kumma merger agreement chunga soi anakaija India sorkar komma compensation anakilah
vangin haosa hohin athaneinao gamhohi koima sorkar kommah anapedoh khapouve, tin asei uve. "MLR &LR Act, 1960 ahilouleh the Acquisition of Chiefs Right Act implement bolna dingin compensation kakilah khapouvin chuleh tunichan geijin gamhi keiho a ahin masang laija patnin tribal gamhi sumtoh kakilhet kha pouve" tin haosa hochun lunglhai louna lekha achun ajaosah uve.
Haosaho jonghin C.M. pa kommah sapte chun akimanchah nadiu sumholna dingin revenue system hi phaitol sungah anakoijun ahinlah thinglhang gamma vang land tax akoi khapouvin, hill house tax ana koijun tunichan geijin district headquarter kommah kape nalai uve, tin asei beuve.Phaitol toh kinaija patta nei mi themkhat nin
agomlang tia phaitol district hoa land revenue apeh vangun Nagamapal, Kakhulong, Haokip Veng, Chasad Avenue, New Lambulane, tribal colony, Beulahlane chuleh adang danga cheng hokhun thinglhang gammin
ahoptheina diuvin land revenue thinglhang district a apeuvin ahi.
Haosa hohin Hill district boundary ahilouleh Autonomous District Constituency boundary khelna dinghin ADC in phalna apehding chuleh HAC in pha asahding ngaija ahi. Achutileh, director of census operations, Manipur ahilouleh commissioner (Revenue) Govt., of Manipur chun ipi thaneina akilah a hill district boundary chu alhehthei ahidem? Tin thudoh anei uve. "Census 2011 pansatna neija tribal holeh agammu lahlutding atiu chuleh thinglhang khoho a guhthimma minlah ding atiuhi katheitop sunnun kadem uve".
