Imphal, Lhaphul. 14: JointAdministrative Council (JAC) in 6th Pay umding thua Manipur sorkarin alhacha ho chunga akisahna adeilou nathu Gansemni chun thuso miho jaha phondohna ana bolin ahi. Joint Administrative  Council (JAC) makaina a Manipur government lhacha (employee) hohi natong louva akiphinnau nisim 120 tobang ahitan, hinlah sorkarin alhacha ho hahsatna hetphah pilouva achunguva dankhou taha disciplinary action alah got jehin JAC in Manipur Chief Minister Pu O. Ibobi themmona achan khumnau aseiphong uvin ahi.

Manipur sorkar lhacha hohin arrear aumlou leh 6th Pay jong akidei poi tia sorkar henga ngehna thulhut
anabol uh ahitai. Hinlah sorkarin hiche ngehna hi asan pihlou ahi. Manipur sorkarin Lhaphul nisim 5 nia chu Manipur a 6th Pay um dinga Office Memorandum ana lhadoh ahi tai. Hiche sorkar thulhutin kichentah a sorkar lhacha ho jouse hin 6th Pay amu diu ana tin, ahivanga arrear kitimong mong hi khatcha cha kipelou ding ahi tia
order jong asotha pai uh ana hi.

Central sorkara 6th Pay commission in sorkar lhachaho pehding anati jouse Manipur sorkarin jong ajui nading deina jeha All Manipur Trade Union Council (AMTUC) leh All Manipur Government Employee Organization (AMGEO) kigoma Joint Administrative Council (JAC) ana phudoh uh ahi. Hiche JAC a thuchingpu Ch.  Chandramani in thusei aneina ah, ëSorkariín a lhacha lhepchat vai ding agot peh a ahile, kiphinna hi tuasanga sangjo leh khoh jepía kibolding ahi’ tinthuphon khat ananeiyin ahi. Ch. Chandramani injong Manipur sorkarin 6th Pay aum sah got hi, Central sorkar lhacha hoa toh tuh le lam in akibang poi.

Revised grade  pay leh revised scale of Manipur government kitihi aminbou ahi tinjong aseiye. Sorkarin 6th Pay pehding aphatsah ahile, Central sorkar bol tobang chetna abolding ahi. JAC hin 6th Pay thua sorkarin Office memorandum asodoh jong hi, aphatsahlou thu Manipur Governor pu hengah Lhaphul nisim 12 nichun ana kilhutai tinjong thuso mite jaha JAC in thulhutna aneiyin ahi. Chuleh sorkar in disciplinary action ahilou leh office kailou ho lhalo (salary) kahding tia agihna hi ache lhah pihpou pouva leh, sorkar lhacha jousen
alom changa sorkar lhacha hinapat haina lekha kisep ding ahi tin jong ana seiyin ahi.

Tuni jong chun, Pu M. Joykumar Co-Convener, Council of Teacher Organization (COTA) in thuso mite jaha hitihin thulhutna abolin ahi, “Sorkarin in alhacha ho abolna akhellouva ahileh, tuleh tua Jilkung tamtah ADC kilhenna dia trainging bol hohin a training boluh angah diu ahi. Chuleh 6th Pay thua lunglhai louna vetsah nadingin Jilkung mi 300 tobangin jong a duty slip hou surrender abol uh ahitai tinjong ana seiyin ahi.
Alangkhatna, sorkar lhacha tamtahon Chief  Minister  Pu tepna leh ngehna asanpih jeh uvin anatohnau ajop tauve tin Manipur department of personnel le administrative reforms in thusona aneyin ahi.