dungjuijin amahi Shilong Jenking mun'a um Pu. Kamchon Chongloi (Manager Canara Bank) chapa Gl. Romeo Haominlen Chongloi ahi. Amahi St. Edmund College Shillonga TDC I year Geography Honours simlai ahin atahsa chung ah chemcha a akisutna le moltum thingtum'a akivohna maha aum'in ahi' akiti. Alongdamsa chu Civil hospital a post mortem boldin Police hon anathah un ahi.
Thulamleng kijah dan abahle, Janlhah chun Gl. Romeo leh aloi phabep hi Happy valley Bar khat'a um ahiuvin Romeo hin kin khat kaneije tia potdoh masa ahin ama apot jouva chu adalhah aloihotoh Nepali ho kinauva
ahungjam cheh uleh khohephalou Romeo chu Nepali ho chun amat uva chem'a asatlih u ahi akitin hinlah hiche hi adih monge tia phochet na aum naipon ahi.
Gl.Romeo longdamsa vailhahna kinchu KSO(S), KWS(S) , KWC(S) angailu aloi agol chuleh a-insung
miten loupitah in anamangun ahi. Alongdamsa vailhahna kin'a ahoulimna'a anu-n, janlhah achu KSO Fresher's
Meet naitoh lhon'a KWS(Shillong) a lam kithepchuh dia potdoh ahi. Amahi jan apotdoh jongle angaija pung 6/6:30 a in hunglhung teiji ahin, ahunglhun ding phatna ahunglhun tah loujeh in phone ka bolleh a ring achen
a received tapon ahi. Pung 9 vella kabol kitleh Switch Off akiboltai. Jan pung 2:30 donin ka phone ahungin ka chapa ittah umlou thu eihung kiseipeh-e tin lainatah in aseijin ahi. Apu leh apan hitobang katupa/kachapa chunga natong hohi Pathen min'a kangaidam lhon ahitai tin mipi le Pathen ang'a aphongdoh lhonin ahi. Vailhahna kin kichaijin alongdamsa chu Manipur jondin KSO holeh a insungmiten nidan 5 vellin Shillong apat in apodoh tauvin ahi.
Gl. Romeo thutoh kisaijin akivoppi aloi mi 3 Police hon aman un hiche thu kisun chen hin alhadoh hihlaijun ahi.
KSO Shillong in akiman hohi dan dungjuija 24hr kah'a Police hon ahinlhadoh diu ahi tin aseijun ahi. Alangkhatna amahohi mithat ahiuve tia kiman ahipouvin thudoh dia kiman ahibou uve tin police hon aseijui. Police langa kon hihen insungmite leh kiloikhomna jatchom chom ho'a kon ima thuchen hetna aumhih laijin ahi.
Hetding khat chu Pu Kamchon Chongloi le ainsungmite hi Sadar Hills T.Thangkan kho mi ahiuve. Tukhanga hitobang mingol natoh tongho nasatah a demna sangtah anei'uto lhon'a agangtheipen'a ahung kiphonloi diuvin kiloikhomna jatchom chom phabep in ngehna aneijin adeh a KSO head quater in demna apen, chuleh avella hitobang thilsoh aum kitlou nadin temna jong aneijun ahi.
