Leiset/Vannoi-miten Mihem asimdan hi akiven ahi le mihem tam le lhom ahipon, Mihem ho chun Gam le Leiset kitup anei u hinam ti joh ahibouve. Nagate, Khasite, Mizote le Bodote
ho jong Gam tum/ State ahin neidoh thei jeh uva sim hung chang ahiuve. British Galsat a anapang Kukite hi Gam/State inei doh thei lou jeh uvin simlhing Tribe/Nam ichan theilou jing'u ahi.
Simlhing/tribe khat ihi doh theina ding uva Kuki Senior Citizens ho Eliza Maicham Ahthibung Nagaland a Taona aganei uva chule aban tah a Sadiya twikol pute pate Galhangho songkul lutna mun gakichonlut a Pathen henga taona jong Pu Rev. Seikholen Lenthang Nampi ngailutah kilam kaisah a Taokhomna aga nei u ahi. Hiche hin Kuki Politicians holeh Kuki Inpi natoh Pathen in vangboh lhing ahinpoh sah theina ding uva Boltheipen hung kibol ahi. Kukite chen tamna pen Manipur ahin Phaicham/valley hi meilheite'a ahin Hills hi Nagate le Kukite a ahibouve. Manipur hi Hill State nei hung ngai tei dinga lunggel nei cheh angaiye ajeh chu Meilheite hi hou le bih/Religion kibang ihi loujeh un phat sotpi ikivop thei lou ding u geldoh ahi. Nagaten State anei tah jeh un akibel thei u ahitan Kukite a dinga vang atumía hill State/Hill Secretariat nei hung ngai tei ding ahi.
Christianity hi Gam le Leiset hi adindetna dinga abul hi ding ahijeh a Manipur Hill State nei doh ahi teng le Christianity hi leiset hinkhoía dinga Stability hung kil hung ding ahi. Hindu State a umjing dinghi khonung a dinga kichat le tijat hung lhunna thei ahi jeh in Christian lamkaihon a gelkhohpen dinga um jing ahi.
Senior Citizens hung kibol hi Kukite dinga thupha thuse seidohna dinga hung kibol mong ahi chule custom khel'a chonna neilou ding thuhilna dinga jong kigel ahi adeh in Kukite hin "Social Evils" ti chu Custom juilou na hinkho mang itam un ahi le Christian hinkho toh kikal atam tah jeh in Nampi hi lhugam ding banga um jing ahi jeh a Custom toh kitoh a choncheh thei na dinga thulhangsam hung hi jing ding ahi.
Kukite dinga tupet tah a Pathen in Manipur lengpa chief Minister jet le veija athu alah thei aum jeh in kithokhom loi angaiye. MP Minister MLA le ADC Member tampi ahung umdoh theihi aki thokhom dinga Pathen in eigonpeh u ahin ahung kithokhom theina dinguva Houbung mihon Pathen henga itaopeh jing dingu angaiye.
District 4 tobang semdoh angaiyin hiteng chule aban tah a Hill Area kivaipoh atum a umdoh theina dinga Member MP a konía ADC geiya pan ahin lahkhom uva Manipur Hill State ahin deldoh thei ding uva kithopi ding kitilkhou ding chule pan nathei theiya pan cheh ding angaiye. Kukite Houbung khat ahi doh theina dinga KCFI hon natoh anei hou jong hi kithokhom cheh ding angaiye.
Kuki Nampi Taona /KNT honjong 29th April 2010 nikho a chu Kukite Houbung khat a hung umdoh theina ding le Kuki State neidoh theina dinga Member jouse kimkeiya Manipur a Taona mol -4 ho a taona aga neiyu ahi chule hiche banía chu 3-28 September 2010 sunga KNT thalheng dinga mi -5 ho chu KNT INDIA Tour tia kimin sah a Kuki Worship Service Delhi, Mumbai, Pune, Hyderabad, Bangalore, Chennai le Gauhati-7 agachot lut dingu chule St. Thomas Mount mun a Houbung khat hidoh theina ding le Kuki State hung umdoh theina dinga Taona a ga nei ding'u ahi. Mihem chu chapang hen lhasam hijongle Kukite thalhengía kisol ding hi jeh a Houbung hon Pathen in vangboh ahin nei theina dinga itaopeh jing ding uva temna hung kisem ahi. Kuki Nampi Taona / KNT hi 22 val Nampi a dinga hung taojing ahi taovin Pathen in vangboh lhing mipite a dinga ahinpeh theina dinga neihin kithopi ding uva ka hung tao u ahi.
Thil ahung um doh jouse hi Pathen gon hiding ahin, Kukite vangboh lhing ichan theina ding uva An ngol Taona hi Kum-3 danseh le Koubru a kibol jing ahin Pathen in ipi lam jouse Kuki Lamkai jouse kilung khat le Pankhom theina lhagaovin thu hinsei jing hen. Eliza Maicham Ahthibung Nagaland le Sadiya twikol sunga Nampi thalheng dinga kisol tehse ho taona jong Pathen in vang hin boh hen. Pakai, Pathen nam a nei te chu anunnom ahi kiti chu Kukite chunga hung lhung hen. Kuki State Pathen peh hung lhun theina ding in tao cheh uhite.
