Aizawl, Lhaphul 9 : Mizoram Cultivator and Labour Union (MICLUN) hon Lal Thanhawla makaina
noiya Congress sorkar in Mizoram state a Farmersí Commission agan nathei penna semdoh a state
sunga loulhou miho dinmun semphat din ngehna anei un ahi. Hiche thil ngeh hi achesa 2008 election
ana um achu Mizoram Congress Manifesto a aum jeh a kisei ahi. Mizoram Cultivator and Labour
Union a member hon Aizawl muna thuso miho koma aseinauva state sunga Farmer Commission
semdoh a loulhou miho khatou sahna dinga vel tampi akisei vangin tua Mizoram sorkar in
khohsahna anei poi atiuve.
Chuleh Labour Union hin gam sunga Minimum support price scheme hi phatah a chesah nadin state
sorkar henga ngehna anei un ahi. Hiche scheme hi gangtah a chesah ding ati nau ajeh pen tah chu state
sunga loulhou miho hin sumle pai amuna alhom in ajeh chu alou soh ga uhi koima beh set in achoh lou jeh ahi tin Union chun aseiye. MICLUN in aseibe na a state sunga mi lhom cha in thing(ginger) aneh jeh in Mizoram a thinglei bol tampi in aman nemcha in ajoh ji tauve ati.
Alangkhatna People Rights to information and Development Implementing Society of Mizoram (PRISM) in Lal Thanhawla sorkar in akitepna ijat atoh doh hitam tia akhol nauva manifesto 167 lah a 8 bou akitong doh nalaiyin, 72 ho toh dinga natoh ache pet lai ahin chuleh adang 78 ho vang kum khat le lha 4 jou teng toh dingin aum nalaiye atiuve.
Congress kitepna kitongdoh lah a Ethics Committee and State Law Commission, financial support to World War II veterans, amendment of Municipal Act, Education Reforms Commission chuleh sports budget kalsah ding ti ho hi ahi. Alhangpi in, Congress sorkar in akitepna 4.79 percent bou atong
doh nalaiyin, 43.11 percent ho chu akitoh pet ahin chuleh 46.70 percent chu tohdinga um nalai ahi.
Mizoram a Farmer Commission semdoh dinga ngehna um
