lah a hi hoi pen hi apha penía igel diu ham?
Tehse ho ahi loule Pule Pate hon natoh hat hochu phun jong aphunse nom me atiu jong kana jan ahi. Natoh hat toh phunset tho hi apha vang ahi pon ahi. Natong lou phun jong phun lou chu athase ahilou le avat vang hi mai thei ahi. Keima geldan in vang na hatoh a phun chel louhel hohi aphapen le aching pen in kagel'in ahi. Ajeh chu na hatoh a itoh a, aphun toh itho leh koima kipah lou ding ahi. Na itoh tah ngalía ahi leh phunchel louhel ding, lung lhai selía toh ding ahi. Natoh toh aphun to tho kiti chu alung lhai lou tina tobang ahi. Lung lhaisel leh kipah tahía natoh hi lungthim dam nale tahsa tong kha lou ahi. Aphun toh atoh tho kiti hi thil pha ahi pon, lungthim akipah thei pon ahi. Tonglou, phunlou kiti hi thase vetsah na ahi.
Phunchel lou helía, Iunglhai selía na itoh le inatoh akisuh in, ama chal theijin ahi. Lungsat le phunchel pum ma na kitong hi akisuh mo nom in, chule natoh jong ama chal pon, aki lolhing thei pon ahi. Mihem jousen phun lou, lunghang lou helía na itoh diu ahi, hichu tohga sona pen le kipana pen ahi.
Pathen in mi phunse/mi phunnoi ho a dei pon ahi. Tahsalam natoh hihen, Pathen natoh hi jong leh toh ding'a umchu thanom tah le kipah tahía tohding ahi. Hichu damna pen ahi. Mihem in mihem koi hileh phun chelna nei pumía natong ho akipapi poi ti iheu vin ahi, Na jong tong lou, phun lou hohi mi thase iti kit uvin ahi. Vannoi ja hin mihem in natoh na akinei soh keijin ahi. Thuchih khat in 'Na hatoh in, Thu lhomsei jin' ati hi che piding in aum in ahi. Hinlah hoitah a ivetía ahileh hiche thuchih hi mijousen achepi jou pon ahi. Hiti ahi jeh a chu 'Na ha toh in, Phun chel na neilhom in' ti hi thilpha tah khat ahijeh a kahin sut ahi. Eimite deh deh hi na hatoh ho iha phunset/phun noi nom uvin ahi. Hiche hi adih lou, ahoilou, aphalou ahi.
Numei hihen pasal hi jong leh natoh pontho ho aphunse/ahang teije itiuvin, chena lhonpi dan'in inei uvin ahi. Hinlah hitobang hindan/chondan hi thilpha behseh ahilou dan kamudoh jeh a tukal ibol tah lou ding'uva kadei sah ahi. Thil kiti hi kipah tah le lunglhai selía bol ding, phunchel lou helding ahi. Ajeh chu phunchel (grumble) kiti hin mi jahda dingjong asei doh/ avodoh in ahi. Toh ding holding kiti pou pou chu itoh, ibol'a ahile phunlou helía kipah tah a toh ding, bol ding ahi. Israel te chu Moses in Egypt a kon na Canan gam ajot pi-a chu aphun chel jeh uvin, Pathen lung han na achung uva achun, gentheina tintang atoh uvin ahi. Phun lou helía chena ding'a che ding, toh ding dol toh ding ahi. Hichu Pathen le mihem kipana ahipene.
Guest Editorial: Dr. H.H. Mate
