Pu Khaimang Chongloi (Indipendent Candidate) 16-Molkon ADC Constituency chu constituency hopsunga
Haosa, Houbung Lamkai, Youth Club lamkai chule Women Unoin lamkai ho ang sunga Pu Thangkam Lupheng, President, Kuki Inpi Saikul in candidate ahina phondoh na anei jin ahi.

Hiche kin na chun Pu Jamthang Touthang, Chief of  T. Gamnom in Flag khaidoh na le Office thenso na kin
aneijin ahi. Aman ahoulimna a Pu Khaimang Chongloi hi gamsung Nam lamkai hon alhen doh u toh lhon na
gamsung mipiten iki thopi u va isot doh diu hi ei ho mopohna ahi tin mipi henga hetsahna aneijin ahi.

Candidate pa le Election Committee ho le Pastor chule adang dang ho cheng Pathen henga katdoh na le vang thum pehna chu Pastor Siema Thangjom in aneijin ahi. Pu Ch. Ajang Khongsai, NPP candidate 19-Lhungjang
ADC Constituency in houlim na aneina a Isociety sung u va midih le lamkai pha angaije ti asei to lhon nin Pu
Khaimang Chongloi jin mipi lamkai ding le natong dinga ahung kipeh doh hi kipa pi umtah ahi to lhon na mipin naki thopi u leh kaidoh tei ding ahitin aki nepna aphong doh’e. Pu Paobul Tuboi, Chairman C. Aisan nin ahoulim na a Pu Khaimang hi a Bio-date le Manifesto kavet na konnin gamsunga apan lah ding dan kaki nep pi lheh e ati to lhon nin Lhang Haosa cheng in Lhingtin Village a kilung to tah a Pu Khaimang Chongloi Ind-Candidate sotcheh ding ahi tia meeting resolution anei u chu avellin mipi henga het ding in phondoh na aneijin ahi.

Pu Thangsat Hangsing, Chief of Phailen in houlimna aneijin tu chunga hi Pu Khaimang Chongloi hin selection
amu to lhon na mipin isot cheh diu hi thilpha ahi ati. Candidate pa Pu Khaimang Chongloi in ahoulim na anei
na a mipi ten Candidate pa ngailut na le gamsung kilung to tah a tha je khomna jallin na vote man lu tah u chu Pu Khaimang Chongloi, Ind-Candidate symbol Table Lamp ma nei ta peh cheh un tin taona anei jin ahi.
Chujouvin Pu Kailun Chongloi jin kipa thu (vote of thanks) asei to lhon nin phat chaina leh ankong umkhomna din Pathen henga taona amang in mipin kipah tah in ankong aki soh khom e.

(HAOKHOSAT CHONGLOI)
Joint secy.(Info.&Pub.)
Election Committee for Ind-Candidate
16-Molkon ADC Constituency