upa kikah agom'a chapang 24 orphanage ho umthei nadinga Military Civic Action (MCA) project noiya Red Shield Division in asah peh u ahi.
Hiche Insong thah ahin kolphemeivah, ceiling fan leh chapang ho jalkhun(Bed) lhingset in akitho piuvin ahi. Chule tumasanga anakipe ehbuh (toilet and bathroom) kisil nading jong ana kisah peh na banía jong sil le chen (clothes), lekha, computer leh adang dang hojong ana akipeh thain ahi.
GOC 27 Moutain Division Major General D S Hooda, VSM, in orphanage chapang hodia Insong thah pehdoh na aneitoh lhonna orphanage chapangho dinga khohsahna ahidan anatong ho pachatna apen ahi. Aman aseibena ah "hitobang orphanage natohna a hi ichan ham'a kithopina kipe jing ding ahií tin kitepna jong aneiyin ahi.
Simlai chapang phabepho angaichat u kipe
Imphal, Lhamul 24: Misemni chun Ereima Sanlen munna kikhopna khat achun Khundrakpam A/c a Government public leh aided school chapang hochu Sarva Sikshya Abhiyan State Project noijah Education minister L. Jayantakumar in notebook, schoolbag leh pencil hopdohna aneijin ahi. Khundrakpam MLA, Th. Lokeswor leh minister Jayanta chu kikhopna a Functional President leh Chief Guest ahihonne. Chief Guest hina a ahoulim nachun Jayantkumar in education langa hin scheme chom-chom - alamchom deova lekha hilna leh simlaiho ngaichat pehding tihohi state dangtoh kitoh in akibolle. Lekha akipeh chungchonna hin sorkar hin school uniform jong pehding akingaito e.
Kum 20 masanga Manipur a education chu hoiloutah anahin ahaosa honbou education hoi amujouvun ahi, hijeh a hi tunia igam sungu hitiboi ahi ati. Law and order ahoitapon chuleh nehguh lahguh amachaltai. Hichi jouse suhdihna dinghin phat lutnintin jilkung holeh nulepa ten chapang jouse education pehna dingin pan alah angaije. Government leh added school ho semhoina ding ahin tohgon aum in school a mopohna nei hohin Education department na school asemhoi gotnao lekha ahinse lutdiu angaije tin aseije.
MLA Lokeswor in Presidential houlimna aneichun state human resource hi akisemhoina ban ah khantouna aum theina dinga mijousehi quality education pehding ahi. Jilkung hon simlaihohi amaho chate banga ahil diuvin temna aneijin ahi.
Hichi tobanghin Yumnam Khunou community hall achun simlai abolhoiho chu athisa MLA Th. Nabakumar Singh geldohna in kipaman hopdohna kin ana ummin ahi. Hichi kin ahin L. Jayentakumar, MLA, E. Dwijamani , Kh. Ratan, E Suraj, K. Meghachandra, L. Radhakesore leh Ex-minister Pu Ngamthang Haokip agajao uvin ahi.
Medical Directorate in lolhinna neiho phongdoh
Imphal, Lhamul 24: Medical Directorate, Govt. of Manipur in B.Sc.(MLT), B.Sc, Nursing, BNYS, BAMS, BHMS, B.Pharm, D.Pharm, Opthalmic Technology le RICIT ho lahlut nadinga thepvetna anei uchu Lhamul nisim 23 nikhon ban neichan lolhinna neiho phondoh in aumtan ahi. Hiche toh lhon'a Select List /Wait List chu category wise dungjuile seat um dungjuiya kihetsah vah ding ahitai tinjong akiseiye.
Select List/ Wait List candidate ho Counseling chu ahung lhungding nisim 27 nikho tengle Medical Directorate, Lamphel muna nidan 10:00am a kipatsa umding ahi. Hiche nadinga lhendoh a um candidate jousen ama ama original certificate/ document, admit card le passport size photograph 6 cheh ahin kichoi diuvin jong hetsah na akimun ahi.
NH-53 a gari tampi tangden
Imphal, Lhamul 24: National Highway - 53 a achesa nikho phabep sunga gari atamjeh a kipeldoh thei louva aumjeh un garitol holeh asunga touhon hahsatna simsenlou atohtaove. Nehding leh gena ding kisuh in aumpon mi themkhatnin malaria toh kilou tisatna anei uve. Achesa hapta khat sunga chu garitol holeh asunga touhohi Khambirol, Barak, Shantipur Khunou leh Sibilong mun ho ahi gari tamtah lamlen neojeh a tang den'u ahitai. Alutgo leh ahungpot gari hohi lamkim'a tang deníu ahitai. Akitangden hohin nehding, gena leh ehthana anei pouve.
Amaholah a Kwakeithel a pat Kishore kiti pahin thuso miho hengía aseina ah "anchang leh nehding adang hohi dukan ho a manhahtah a kachohjiu ahin, anchang kg. khat in dangka 45 aman in, hotel a bu inehleh dangka 100 alaove, tin aseije. Nehding ahah chung chon in louleh nitin ngaichat thil adang dang phaten akimu joupoi. Mi tampihi adamtheinao akemlhatan, tisat neijong aumjeh in malaria hunglang diham tia kichatna jong anei uve. Gari kikamden hohi suhlhapma aumvah ding ginchat aumpon, mipite boina vang asangtul tul jenge. Sorkar hin agannathei chan'a gari tang denho puidoh ding angaito din phante tin aseije.
NH-53 hi motorable ahi akitijeh hin gari akikamden louna dinghin mopohna neihohin gari ahunglut leh apotdoh ding hohi roster system semleh phadingdan ahi. Alang khat na Transporters and Drivers Council of Manipur hohin DGP Manipur makaina noijin NH-53 a gari tanglou hella achethei na dingin na atong jingun ahi.
Kiloi khomna 3 in NH-39 manlou ding sudet tao
Imphal, Lhamul 24: United Committee Manipur (UCM), All Manipur Students' Union (AMSU) leh Transporters and Drivers Council of Manipur (TDCM) hohin kithutoh tah in NH-39 a gari chesah louding tihi chelhahpi jing dingin pha asaove.
UCM office a thuso miho kom'a ahoulimna in kiloi khomna thum hoa konna general secretary hohin Central sorkar hin garitol holeh transporter ho ngehna hi apeh tokah a NH-39 manlou ding kitihi kichelhahpi jingding ahi tin asei uve. Kiloi khomna thum hohi NH-39 kithokhom jingding chuleh NH-53 semphatna dinga kajo channa kapandiu ahi atiuve. AMSU, general secretary, Md. Alamgir hin TDC Manipur in ngehna aneihi thudih ahijeh in union sorkar hin TDC ho movement hi tosotna aneiju ahi. Central sorkar hin mohvet louva mipite gentheina hi asuhlhap gotding ahi tin aseije.
TDCM, general secretary, Ng. Haridas hin state mipite hin kiloi khomna thum state sunga thil kikhelna khat hinpodoh gohohi itosotdiu ahi. NH-53 semphatna dinghin khuchengin na akitong jinge, tin aseije. Chuleh state home department hin NH-53 a traffic vettupna dinga transporters hohi security ninglhing setna apehna chunga Keimai leh Awangkhul kom'a wireless communication apeh dingin tepna aneije.
UCM, general secretary, W. Second hin state mipite kom'ah khonunga iphatchomna diuvin NH-39 hi mangpoute tin temna aneijin chuleh kiloi khomna thumhon lungel lhuhna anei donlouva NH-39 mangho chu thil phalou ahung soleh amaho mopohna hiding ahi, tin aseije.
