Dimapur, Lhamul 24: NSCN-IM leh Nagaland chief minister luipa S.C. Jamir newspaper a anakidemto jingu chu phat chomkhat athip nungin tuhin athahbeh in ahung kipan kittai. S.S. Jamir south India a Governor'a apan jouva ahung kile nunghin Nagaland a thu ahung sousang ding ginchat aumme. Nithum masangchun S.C. Jamir hin NSCN-IM in chamlhatna gamtum
adel hi tu-tu dinmunna thil hithei ahipoi tin anaseijin ahin Misemni chun NSCN-IM hon Dr. S.C. Jamir in Naga te boina suhlhapna ding adoudalhi thusimma kisei ahitan, ahinlah ahinkho kichai ding konna thu ahinsei gingkit hi henasa Indo-Naga kihou chamnahi asuh nohphah kigot ahi, tin aseije.

Hetding khatchu, nithum masanga chu S.C. Jamir in "New Delhi hin Naga tetoh chamna thu aseiding dan uhi akhel angaitai chuleh NSCN-IM hon chamlhatna gamtum adel uhi tulaija dinga thil hitheilou ahi, tin aseije. Amahin, New Delhi in NSCN-IM hon angeh u thilni - chamlhatna leh India sah solam gamkaija Naga te chenna jouse gopkhom ding atiuhi akahpeh tahjeh uhin chamnathu kiseina a hi Naga mite hopma thil jouse hopsah angaije, tin aseijin ahi. Kum phabep masang chun S.C. Jamir hin chamlhatna kitihi 17th century khang laija lungel ahitabouve tin anaseije.

Athusei donbutna in NSCN-IM hon Naga te galsatna thusimhi ivetleh koichu koiham kichentah a hetthei ahi atiuve. 'Naga te boina suhlhapna dinghin Jamir hi ngaichat ahitapoi.

India sorkar toh kihouna achelha jingin India jonghin NSCN bouhi Naga te thalheng ahi tin aheuvin, vannoi
jonghin NSCN seibouhi Naga te seijin ala e. Koi hijongleh boina akisuhlhap masanga kipun khomna umding ahi tijouse chun alunglhah naoleh mopohna alah nomlounao avetsah mai maiju ahibouve', tin NSCN-IM hon Misemni chun asei uve.

Mid-day meal neh jeh a school chapang 70 hospital a kijen lo
Pune, Lhamul 24 : Bopodi mun'a school chapang hon school a kipe mid-day meal (sun an) aneh jeh un mi 70 val dammo in hospital a akijen un ahi. Hiche chapang ho chu kum 6 apat 13 chan ahiuve.

Hiche school chu Pune Municipal Corporation (PMC) in abol ahi. School agavil jouvin PMC school board chairman Sangeeta Tiwari in thuso miho koma aseina a an lah a chun ganhing athi, thousi chuleh ganhing tampi jong aumíe atin along dong lheh jengin ahi. Dr. Zakir Hussain Urdu medium primary school a chapang 349 hon an aneih uva kon in mi 70 hochu aoi ana in chuleh alodoh un ahi. Amaho chu Bopodi a Sahyadri hospital a akijen un ahi. Hiche school a an chu self-help group (SHG) hon peh u ahi. School chapang hon oinat, lohso chuleh tahsa natna anei jeh un akom'a cheng nule pa ten school a achateu chu hospital a apui un ahi. Kichadi kiti bu le dal kihal chu aning'in hijeh chun hitobang an kihon chapang ho kineh sah chu kholchilna um din angeh un ahi.