London, Lhamul 29 (PTI): Model le reality star Katie Price in aji thah pa Alex Reid toh iti hamkhat'a ahiding bangtah-a cha kanei thei lou leh kavah thojoh ding ahi tin aseiyin ahi.

Kum 32 a tah British model le reality star nuhin ajipa toh cha khat anei joulhon phatleh adang vang hi ahithei leh vah tho ding joh in lunggel aneiye tin Contactmusic thulhut chun aseiyin ahi.

'Tulai tah-a hi cha neina dinga hatah-a kaki got lhon laitah ahi.Ahin ahiding bang tah-a kanei thei lhon louleh kaki vah tho lhon ding ahi.Iti ham khat a cha hi ahiding bang taha kanei thei jong leh adopt kabol thouthou ding ahi.Ajeh chu hiche hi kadei khat le kana bol nomjing thil khat ahi' tin Price chun aseiyin ahi.

'Free to Love Again' singer nu Price,masanga ajilui patoh cha thum ananei sa nuhin,itiham khat'a ahiding bang tah-a nao kavop'a cha kanei thei louleh disadvantage youngster ho kivah ding kadeiye tin aseiyin ahi.chujong leh Price hin aloi phapen make-up artist Gary Cockerill le ajipa Phil Turner minu mipa khat ahung hithei lhon nading in hatah in pan ala in akithopi in ahi. 'Gary le Phil in cha anei nom lhon leh hatah-a kaki thopi ding ahi.Atha khelía kapan ding ahi.Ajeh chu amani hi ka hinkho a kahaimil theilou mihem khat ahi lhon in ahi.Ahin amani masang hin Alex toh cha kanei masa nom in ahi' tin Price chun aseibe in ahi.

John Lenon anathat pa songkul akon’a lahdoh thei dinga umkit
CNN:John Lenon thatpa,Mark David Chapman hi,formal Beatles pa thini kho 30th anniversary lhin na ding lhakhat tobang avat chun a 6 veichan nading in songkul apat lahdoh theiding in aum in ahi. Chapman hi Lhajing nisim 9 leh parole board member 2 in interview abol ding in akisei in chuleh tuchung Chapman kilha doh nading ahilouleh kilah doh nadinga hin amaki thopi ding in letter 4 akipelut in ahi. chuleh New York State Division of Parole representative khat chun asei na ah,hiche letter 4 kipelut lah-a hin 2 in Chapman hi atosot in akithopi-e tin aseiyin ahi.

Tu anukhah pen'a Chapman 2008 kum'a songkul akon lahdoh thei dinga ana um chun,New York State Division of Parole chun,Chapman thum naleh ngeh na akinop pehpoi tin thulhut na ana neiyin ahi.Chapman thum na anaki nop pi loujeh chu ahileh public safety le welfare ding akigel jeh-a ahi tin
Division of Parole te chun anasei uvin ahi.Chuleh Chapman hi 2000,2002,2004 leh 2006 kum in jong athum nahohi anaki san pehpon ahi.

Chapman kum 55 a tah pa hi Ollha nisim 8,1980 kum'a Lennon a New York City In mun pam'a ana kap lih jeh-a songkul'a kum 20 tang dinga gotna anachanga tuchan'a hi songkulía umjing nalai ahi.Chuleh tuhin amahi maximum-security Attica Correctional Facility songkulíah hin kum 29 chan aum tan ahi tin state Department of Correctional Service official ho chun asei uvin ahi.

Kum 20 masanga pat in amahi ajinu Gloria toh akimuto thei lhon nading in phalna anakipe in ahi.Ama hohi state program 'family reunion' kiti akonía hi kimuto na aneitheiyu ahin hiche phat sunga hi koi hijong leh songkul sunga umhohi a insung mi ahilouleh akingapi le akilung setpiu hotoh nidan 44 sung phat aneikhom ahilouleh umkhom theiyu ahi.Chuleh hiche tobang phathoi amuthei nading uva hi songkul sunga umho hin seingai tahleh phatah-a nolna beiya hinkho aman'u angaiye tin Department of Correction ho chun asei uvin ahi.

Chapman hin 1994 kumía pat in dan suhkeh na khatcha aneita poi chena lhongpi hi ahina doltah in ajui jing'e tin Erik Kriss,Department of Corrections spokesperson pa chun aseiyin ahi.

Chuleh aman aseibe na ah chun, 'Chapman hin thildang thipha lou boipi na neilouvin abolding dol songkul sunga um bolding tham dingho phate chan demna ding beihel in abol'in ahi.lhajong lhadoh thei ahi tai' tin aseibe in ahi. Kum masa chun Lennon jinu Yoko Ono in Chapman hi songkul a kon akilha doh thei nading phalna (Parole) hi kahpeh un tin thumna ana neyin ahi.

Will Smith le ajinu het khah lou nupa kichengthah khat toh lim kila
London,Lhamul 28 (IANS): Hollywood superstar Will Smith le ajinu actress Jade Pinkett Smith chun athah- a kicheng hetlou nupa khat chu Pathen ni chun lim anaki lahkhompi lhon in ahinkho lhon hatah in anasuh nom chompi lheh lhon in ahi.

Will le ajinu hi athah beh-a kicheng melhet lou nupa khat in lim kilah khom pi dinga anatep lhon chun amani hi Paris le France gam'a achapa lhon film thah 'The Karate Kid' kiti premiere adinga che kigotlhon pat ahi tin imbd.com thulhut chun aseiyin ahi. Actor teni nupa chun kipah tah in melhet lou nupa kicheng thah teni tochun lim anakila khom uve tin thulhut chun aseiyin ahi.

Oksana Grigorieva kitoh khah na lim web a mutheiya um

Mel Gibson in ajilui nu Okasana Grigorieva mel setah-a avoh jouva kikap lim chu internate dunga mutheiyin pot tan ahi.Chuleh hiche lim a chun Oksana mit chu hatah-a kisu kha in akimu-e tin thulhut khat chun aseiyin ahi.

Naicha a kila kum 40 a tah Russian singer nu lim,amit veilang melse tah-a akisuh khah na lim chu Tolbol lha a aji lui Gibson kum 54 a tah patoh akinah lhon jouva kikap ahi tin Radar Online,hiche lim internate a tahdoh te thulhut chun aseiyin ahi.

Grigorieva in court kom'a kajilui pan kamai ah khat veikeo hilou vin vel tamtah tolbol nisim 6 nikho chun eisu-e tia ngoh naleh moso na anei jouchun police hon Mel Gibson chunga domestic violence investigation ananei uvin ahi.

Chuleh Lhadou nisim 25 nikhoa Grigorieva in court'a avel'a lawsuit abolkit na achun,hiche nikho a toset thilsoh chun kamit asuh khah keo hilouvin kaha jong asubong-e tin aseiyin ahi.

Hilton in Nazi salute pose kabol poi tia sei
London,Lhamul 28(PTI):Socialite Paris Hilton in, France gam'a party abol pet uva aman Nazi salute bol'e tia thulhut umchu adihpoi tin aseiyin ahi.Aman aseina ah chun,kalam pet'a kaban'a ka ulsa katheh ahibouve hiche chu lung thim phalou hon adih lou lam tah-a atah langu ahi tin aseiyin ahi.

Hiche reality TV star nuhi aloiho toh St Tropez's harbour mun'a luxury yacht sunga party ananeiyu ahin chuleh amahi Pathen nia Nazi salute abol pet lim ahung sodoh chun hatah in amun mun'ah demna le seiset na nasa tah anatoh in ahi. Hiche lim achun Hilton chun military lukhuh akikhuh in akhot lang khat chung langa adom'in chuleh akhot langkhat chu anah noiya akoi in ahi. Ahin Hilton khelía thuseiya pang khat chun gangtah in hiche thu hi adihpoi het khel ahibouve tin anasei in ahi. Chuleh aman asei na-ah chun, Kum 29 a tah hotel heiress nu hi angai na-a alam phat leh akhut hi achung langa akoi jimong ahi. Ahin akhot lang khat anah noiya akoi chu ahileh athah jeh-a akhot(Scratch) ahibouve tin aseiye tin Daily Mail online thulhut chun aseiyin ahi. 'Hilton in hiti hin asopi Jews ho Nazi salute bolíin suhlung hansah mongmong pon te hetkhel jeh ahibouve chuleh het thei ding in Hilton insung mi akeh khat tobang hi Jewish ahin.Chukitleh aloi tamjo jong hi Jewish ngen ahi' tin amakhelía thusei le a phangkhat chun aseiyin ahi.