Manipur gamsung'a hin tulaihin Audio le Video Album bol hi akitet tho jeng taovin ahi. Meetei/Meilhei te jong apontho lheh jeng uvin, chule eimite (Chin,Kuki,Mizo) jong akitet tho jeng uvin ahi. Tunin audio le video chung chang'a aphat chomna le aphat chomlouna kimu/kihe ho them khat gah veu hite.
Audio Album: Kuki chate tulaiyin thei dang neilou vin audio cassette bol lam'in ikitet tho jeng taovin ahi. Sum
muna/holna khat chu ahinan, hinlah cassette na la kikhum hohi khonung chan na amang thei lou ding la kisem ho kikhum leh hoilheh/phalheh ding ahi. Tulai ja audio cassette na la kikhum phabep hin mihem te lunggel apuimang'in ahi. Nungah-gollhang kilungset nala hohi tulai ja kisem (compose) holeh 1970-80 laiya kisem ho compare ibol teng leh lalui ho agil jon chuleh achul thei pon ahi. A chulthei louna hi ala gil'a, adoi, ako/atup hi dihchet ahi. Tukhang a hohi asot teng leh agilnale angai naho amang jep jep in ahi. Chule adoi atup jong masang'a hotoh abang pon ahi.
Pathen vahchoi nala kikhum ho le gam la choi naho hi Christian dihtah jousen vang ingai nom tei diu katahsan'in ahi. Lasathem ho hin ahithei leh Pathen la nasem teng'u leh Pathen toh kinaina, Pathen' in mihem te a ding'a thil loupi agon pih na chung'a thangvah na le Pathen na kon'a vamang nalou ding chule mihem hinkho Pathen na ahidan hohi tah lang'u leh phante. Chule love song compose bol hon jong khalahna le thu jahmo ho man dao henlang, paogil ho le kilungsetna dihtah chedan ho la asem nao vahin mang'u leh deisah ahi pen'e.
Tukhang hin audio cassette hi jong-eh vadung ibah sah jeng uvin, acho-a ngai hohin ipi-a aphat chompiu
hinam tihi het thei ahi poi. La moh ngai ngai jong hi phat mansah ahin, ingaiya ahileh athu cheng ho phatecha
agel toh chet ding angaiyin ahi. Audio album kisem hi video album sang in pha chom joding "in kagel in ahi.
Video Album: Cinema kibolna hi moral lesson hoitah tah akimu theiyin ahi. Tulaiya video album kibol hi aphat chomna kamu beh pon ahi. Gospel video album hi Pathen vahchoi na ahin, aphanan ahi. Hinlah gospel'a hilou video cassette hohi moral lesson la apang pon, tulai nungah-gollhang ho thanop na tah vang ahinan, hinla kavetna ahileh chapang tamtah themjilna aholnao va kon'a lam vaina khat in kamun ahi. Ajeh chu numei nungah loulai khat nungah a kipansah a gollhang khat toh la kisah sah ahilou leh chapang gollhang loulai khat nungah khat toh la kisah sah a, kilam dot dot sah kiti hohi khonung'a chate naoteho cheset nale lamvaina hung hi kha ding ahi.
Hiti ahijeh chun video album bol honjong moral lesson aneiya, cinema a bang'a, nungah Ihingset le gollhang lhingset ho pan lahsah ding ahi. Chule eimaho custom,culture dung juiya thil bolding ahi. Imit monatah khatnu chu ahile western culture itho uva, pha la kipha joulou, Gandhi in English te umchan atho bepchet ihiu ve. Kuki chate ihiu leh ihinao dung juiya hin ding, chon ding ahi. Eima chondan na kichon ding mi umchan moh tho tho lou ding ahi. Mi dang chondan thona ding aphat, anikho in ahinpoh dungjuiya jop/jui dingbou gel ding ahi.
Audio le video album hi ibol ngal'u va ahileh aphachom tei ding, mihem semphatna ding'a produce boldoh tei nading ngaito angaijin ahi Sum muding ahilouleh midang in abolnai tia imoh bol bol louding'u aphai. Ajeh chu aphat lhinglou khangdong ho chekhel nathei tampi umthei ahi. Ching thei tah a lung igel diu, merit le demerit hoitah a lep toh a natoh ding ahi Alamkai kiti ho hin ibol khel leh manthah na ahi jeng'e. Khangtouna/vangphatna joh ahina tei dinga gospel song hihen, love song hi jongle transform/reform bolthei
khop'a bol ding lung giltah a gelía toh ding ahi.
The writer of this Article is the eminent educationist and erudite scholar. Recipient of National and International Awards and Honours
