Imphal, Lhaphul 12 : Senapati leh Ukhrul district a sorkar office 2 melhet lou hon ahal lha kit un ahi. Achesa Lhaphul 6 nia pat Manipur sorkar office meiya kihal lha hi agom gom in 18 alhing tai. Athah beh a sorkar office kihal lha teni chuSenapati district headquarter muna Executive Engineer (EE)-PWD office leh Ukhrul town a Co-operative office ahiye. Senapati a EE office chu abon in akalha in ahin Ukhrul a Co-operative office chu them khat bou meiyin aka in ahi tin thulhut akimu e.
Misemni chun Chingai leh Kamjong a SDO office teni chu melhetlou hon anahal lha un ahi. Chuleh Lhaphul 7 nichun Ukhrul district headquarter muna ZEO, Forest leh Agriculture office ho banna Kasom Khullen SDO leh Forest Beat teni jong melhetlou hon meiya anahal lhauvin ahi. Alangkhat na hiche nikho ma machun Chandel district a agriculture, horticulture, forest beat, divisional forest chuleh police in kisa thah chu ana kihal lha kit in ahi. Tamenglong district a jong agriculture office chu akihal lha in chuleh Lhaphul 6 nin Senapati district a Tadubi SDO officce jong akihal in ahi.
Sorkar office 2 kihal lha kit
