Imphal/Kohima, Lhaphul 12 : NSCN-IM general secretary Thuingaleng Muivah in Manipur hung vil ding ati jeh a Manipur sorkar leh National Socialist Council of Nagalim (NSCN-IM) kikah a kibouna aum nathu a achaina in Centre sorkar ahung khang doh bep in ahi. Hinla centre in boina suhthip ding ati vangin alang langa dinmun khelna aum lou jeh in asuthip jou deh poi.
Tupetna boina seitoh dingin New Delhi in Union Home Secretary G K Pillai ahin sol in ahi. Pillai in Manipur
Chief minister O Ibobi Singh leh NSCN-IM lamkai Th. Muivah atum cheh in ana kimupi in hinla amani adinmun lhonna adinchah bet lhon jeh in kihouna chu alolhing jou tapoi. Leisemni chun Union Home Secretary in Manipur chief minister O Ibobi Singh leh Senior official habep jong ana kimupi in pung kal 3 sung kihouna ananei un ahi. Hinla Manipur sorkar in Union Home Secretary henga Muivah hung ding aphal deh pouve.
Ajing nikho in G K Pillai in Thuingaleng Muivah leh NSCN-IM lamkai ho Nagaland Viswema kho a akimupi
in hinla NSCN-IM hon Muivah chu apenna Somdal kho Manipur Ukhrul district a chesah tei din asei un ahi.
NSCN-IM lamkai V. S. Atem in Pillai toh kaki muto un Hinla kihou lhahna imacha aumpoi ati. Aman aseina a India sorkar in adinmun akhel jingin khatvei leh keiho koma thilkhat aseiyin chuleh mun danga thil chombeh khat aseikit e ati. Hiche jeh chun keiho vang kalungu anom poi tin aseibe in ahi. Masang jep a chu centre in Muivah henga Manipur a apenna kho chu helicopter a che dinga asei leh aman lemlen jot ding mong ati ahi.
G K Pillai in Muivah le Ibobi kimupi
