Kohima, Lhaphul 11 : NSCN-IM lamkai Thuingaleng Muivah in apenna kho Somdal Ukhrul district,
Manipur avil ding thua Nagaland sorkar in prime minister Manmohan Singh henga lekha athot un
centre in adinmun aseichen peh din ngehna anei uvin ahi. Manipur sorkar in Muivah hung kholjin ding
aphal louva kipat Lhaphul 5 nia pat achu Nagaland gam Viswema kho a um den ahitai. Hiche jeh a chu
jan hi Cabinet toukhom kichai a chu Nagaland Chief minister Neiphiu Rio in Prime Minister pa lekha
anathot ahi.
Nagaland state sorkar in Muivah kholjin ding aphatsah vangin boina aum tan hijeh chun centre sorkar in adinmun kicheh tah in sei henlang chuleh iti dan a centre in aphal leh Manipur sorkar in atin thei ham tin thudoh jong anei un ahi. Manipur sorkar in NSCN-IM lamkai Th. Muivah kholjin ding aphal lou jeh in Mao
check gate a CrPC 144 akoi banna security personnel tampi jong aki koiyin ahi.
Rio in centre henga Muivah chunga adinmun asei chet din ngehna nei
